९ आश्विन २०७९, आईतवार
 |   Sun Sep 25 2022
Logo

डोनाल्ड ट्रम्प कोरोना संक्रमण मुक्त, पुनः चुनावी अभियानमा



एजेन्सी। अमेरिकी राष्ट्रपति डोनाल्ड ट्रम्प कोरोना भाइरसको संक्रमणबाट मुक्त भएका छन् । ह्वाइट हाउस फिजिसियन डा. शन कन्लीले स्थानीय समय अनुसार सोमबार बेलुका ट्रम्प संक्रमणको १२ दिनपछि संक्रमण मुक्त भएको बताएका हुन् । उनको पीसीआर रिपोर्ट नेगेटिभ आएको हो । डा. कन्लीले जारी गरेको वक्तव्यमा ट्रम्पको रिपोर्ट नेगेटिभ आएको र अरुमा संक्रमण नफैलाउने उल्लेख छ ।

कोरोना भाइरसबाट मुक्त भएका ट्रम्प चुनावी अभियानमा सामेल भएका छन् । उनले फ्लोरिडाको सनफोर्डमा चुनावी सभालाई सम्बोधन गरेका छन् । उनले आफू ‘इम्यून’ भएको र अब भाइरसले आफूलाई आक्रमण गर्न नसक्ने बताएका छन्। अब आफूले अंकमाल गर्ने ट्रम्पले बताएका छन् । कोरोना भाइरसलाई आफूले पराजित गरेको र सबैले पराजित गर्ने दाबी ट्रम्पले गरेका छन् ।

अक्टोबर १ मा ट्रम्पमा कोरोना संक्रमण पुष्टि भएको थियो । त्यसपछि उनी तीन दिनसम्म अस्पताल बसेका थिए । ट्रम्पसँगै उनको वरपरका शीर्ष अधिकारीहरु पनि संक्रमित भएका छन् ।


प्रतिक्रिया दिनुहोस !


ताजा

लोकप्रिय

%d bloggers like this: