वन तथा वातावरणमन्त्री ऐनबहादुर शाही ठकुरीले नेपाल वातावरण पत्रकार समूह (नेफेज)सँग सञ्चारगत विषयमा आवश्यक सहकार्य र समन्वय गरी अघि बढ्ने बताउनुभएको छ ।
नेफेजको नवनिर्वाचित कार्यसमितिसँग मन्त्रालयमा सोमबार भएको भेटमा उहाँले वातावरण पत्रकारसँग आफू सुमधुर सम्बन्ध कायम गरी अघि बढ्ने बताउनुभयो । मन्त्री शाहीले नेफेजलाई मन्त्रालयले गरेको कामलाई जनतासमक्ष पु¥याउन तथा नीति निर्माणमा सिर्जनात्मक र विज्ञतासहित सुझाव प्रदान गर्न आग्रह गर्नुभयो ।
सो अवसरमा मन्त्रालयका सचिव डा दीपककुमार खरालले सञ्चार क्षेत्रले वातावरण संरक्षणसँगै मुलुक समृद्धिका क्षेत्रमा सिर्जनात्मक भूमिका निर्वाह गर्नुपर्नेमा जोड दिनुभयो । नेफेजका अध्यक्ष चन्द्रशेखर कार्कीले संस्थाका गतिविधि र कार्यक्रमबारेमा जानकारी गराउनुभएको थियो ।
पूर्वध्यक्ष कसमस विश्वकर्माले मन्त्रालयले नेफेजसँग गर्न सकिने सहकार्यका विषयमा प्रकाश पार्नुभएको थियो । भेटमा नेफेजका पदाधिकारी तथा सदस्यको उपस्थिति थियो ।
