काठमाडौं- पछिल्लो २४ घन्टाको कोरोना संक्रमितको विवरण अनुसार हिजो अस्तिको तुलनामा नेपालमा कोरोना संक्रमित हुनेहरुको संख्या निकै नै घटेको छ । स्वास्थ तथा जनसंख्या मन्त्रालयको आजको विवरण अनुसार देशभर पछिल्लो २४ घण्टामा जम्मा ५७० जनामा मात्रै कोरोना संक्रमण पुष्टि भएको छ । त्यस्तै काठमाडौं उपत्यकामा २५२ जनामा मात्रै संक्रमण पुष्टि भएको छ ।
अस्तिसम्म दैनिक देशभर ३ हजार देखि ५ हजारसम्म कोरोना संक्रमितको संख्या देखिन्थ्यो । जसमध्ये कम्तिमा पनि ६० प्रतिशत संक्रमितको संख्या काठमाडौं उपत्याकाको मात्रै हुन्थ्यो । जुन अहिले आएर एकदम न्यून भएको छ ।
स्वास्थ्य सम्बन्धि जानकारहरुका अनुसार अहिले यो संख्यामा कमि आउनुको मुख्य कारण दशैं जस्तो महानचाड चलिरहेकोले मानिसहरु दशैं मनाउनमै रमेका हुँदा दैनिक कोरोना परिक्षण गर्नेको संख्यामा कमि भएको कारणले हो ।
