काठमाडौँ– युवराज खतिवडा सहित प्रस्तावित तीन राजदूतहरुको संसदीय सुनुवाई कात्तिक २७ गते लाइ तोकिएको छ । अमेरिका, बेलायत र दक्षिण अफ्रिकाका लागि सरकारले प्रस्ताव गरेको राजदूतविरुद्ध उजुरी गर्नेहरु सम्पर्कमा नआएपछि संसदीय सुनुवाई समितिले सोमबार सुनुवाईको मिति तय गरेको हो ।
समितिले कुनै पनि उजुरीकर्ता समितिमा नगएपछि १० दिन पछिका लागि सुनुवाईको मिति तय गरेको हो । मन्त्रिपरिषदको गएको गत असोज १६ गते बसेको बैठकले पूर्वअर्थमन्त्री डा. युवराज खतिवडालाई अमेरिका, पूर्व मुख्यसचिव लोकदर्शन रेग्मीलाई बेलायत र डा. निर्मलकुमार विश्वकर्मालाई दक्षिण अफ्रिकाका लागि नेपाली राजदूत नियुक्त गर्न सिफारिस गर्ने निर्णय गरेको थियो ।
