३० असार २०८१, शनिबार | Sat Jul 13 2024

Logo

ओलीले बैठक नबोलाएपछि ५ जना सचिवालय सदस्यहरुको बैठक धुम्बाराहीमा बस्दै



काठमाडौं : कात्तिक २५, प्रधानमन्त्री एवम् नेकपा अध्यक्ष केपी शर्मा ओलीले सचिवालय बैठक नबोलाएपछि आक्रोसित बनेका बहुमत सचिवालय सदस्यहरूले आज भेला हुने तयारी गरेका छन्। सत्तारुढ नेकपाका अध्यक्ष पुष्पकमल दाहाल, वरिष्ठ नेता झलनाथ खनाल, माधव नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठबीच ४ बजेपछि पार्टी कार्यालय धुम्बाराहीमा भेला गर्ने तयारी गरेका हुन् । यसअघि बहुमत सचिवालय सदस्यहरूले शनिबार प्रधानमन्त्री ओलीलाई भेटेर सचिवालय बैठकका लागि पत्र बुझाएका थिए। तर ओलीले बैठक राख्न अटेरी गरेपछि शीर्ष ५ नेताहरु आज पार्टी कार्यालयमा बैठक बस्न लागेका हुन् ।

ओलीका कारण पार्टी विभाजनको संघारमा पुगेको बेला पार्टीका बहुमत सचिवालय सदस्यहरूको आज बस्ने बैठकले ओली समुहलाई झन् चिड्याउने ठानिएको छ । लामो समयदेखि आन्तरिक विवादले थलिएको सत्तारुढ नेकपाका कारण अहिलेको व्यवस्था नै धरापमा परेको विश्लेषण हुन थालेको छ । प्रचण्डसहित ५ सचिवालय सदस्यहरू भने बैठक आह्वान गर्न ढिलो गर्न नहुने अडानमा छन्।


प्रतिक्रिया दिनुहोस !