९ श्रावण २०८१, बुधबार | Wed Jul 24 2024

Logo

फिल्म हल खोल्न र चलचित्र छायाङ्कनको अनुमति दिन आग्रह



काठमाडौँ – नेपाल चलचित्र निर्माता संघले तिहार लगत्तै चलचित्र छायाँकनका लागि अनुमति दिन सरकारलाई आग्रह गरेको छ। कोरोना संक्रमणको जोखिम कायमै रहेपनि स्वास्थ्य सुरक्षाका सम्पूर्ण मापदण्ड अपनाएर काम गर्ने भन्दै संघले छायाँकन र हल खोल्ने अनुमति दिन माग गरेको हो। लक डाउन खुलेसँगै अन्य क्षेत्रहरु खुला गरेको सरकारले चलचित्र क्षेत्र अहिलेसम्म सञ्चालनको अनुमति नदिएर अपहेलना गरेको संघका अध्यक्ष आकाश अधिकारीले बताए।

सरकारले चलचित्र क्षेत्रलाई नाच्ने गाउने र मनोरञ्जनको क्षेत्रका रुपमा मात्रै सोचेको महशुस आफूहरुलाई भएको उनले बताए। चलचित्र क्षेत्र मनोरञ्जनसँगै कला, संस्कृति, भेषभूषाको समिश्रण भएको उल्लेख गर्दै उनले यस्तो महत्वपूर्ण क्षेत्रलाई राज्यले अपहेलना गरेको बताए।

अहिले चलचत्रि क्षेत्र बन्द हुँदा प्रत्यक्ष रुपमा ३५ हजार र यसक्षेत्रमा आश्रीत १ लाख ७५ हजार बढी व्यक्ति बेरोजगार बसेको उनले बताए। धेरै समयमा उद्योग बन्द हुँदा प्राविधिक र दक्ष जनशक्ति पलाउन हुने खतरा भएकाले यसतर्फ पनि ध्यान दिन उनले आग्रह गरे।

अहिले लक डाउन खुकुलो भएपनि धेरै क्षेत्रहरु बन्द रहेका छन् । विशेषगरी बढी भिडभाड हुने क्षेत्रहरु विद्यालय, मठ मन्दिर, चलचित्र क्षेत्रहरु लगायत बन्द छन्। पछिल्लो समयमा काठमाडौं उपत्यकामा संक्रमणको दर पनि बढीरहेको छ । नेपालमा २ लाख बढीमा कोरोना संक्रमण पोजेटिभ देखिएको छ।

केहि जानकारहरुका अनुसार असन, महाबौध र इन्द्रचोकको बजार खोल्न दिनु भन्दा फिल्म हल र स्कूल खोल्न दिनु धेरै नै सुरक्षित रहने जनाएका छन् । असनका गल्लीहरुमा मानिसहारको ठेलमठेल भिड हेर्दा लाग्छ कोरोना भन्ने कुरा कथा भैसकेको छ । साहेद सरकारले यसमा बेलैमा ध्यान दिएन भने यसले भोलि भयाबह स्थिति पक्कै निम्त्याउँछ ।


प्रतिक्रिया दिनुहोस !