एजेन्सी : कात्तिक ३०, इजरायली जासूसहरूले आफ्नो इलाकामा अलकायदाका कमाण्डर मारिएको खबरलाई इरानले खारेज गरेको छ । यो घटनालाई अमेरिका र इजरायलले आतंकवादी समूहसँगको आफ्नो सम्बन्धको जिम्मेवारीबाट जोगिन प्रयोग गरिएको बनावट भएको इरानले बताएको छ । न्यु योर्क टाइम्सले इरानमा अलकायदाको दोस्रो कमाण्ड कमाण्डरलाई इजरायली जाशुुसहरुले मारेको दाबी गरेको थियो । अपरेशन यस हप्तासम्म गोप्य राखिएको र उक्त अपरेसन संयुक्त राज्य अमेरिकाको अनुरोधमा गरिएको भन्दै समाचार प्रकाशित गरेको थियो ।
शनिबार इरानको परराष्ट्र मन्त्रालयले उक्त कथा निराधार भएको बताउदै ईरानको भूमीमा अल कायदा “आतंकवादी” नभएको बताएको छ । यस क्षेत्रका अन्य आतंकवादी समूहहरूको आपराधिक क्रियाकलापहरूको जिम्मेवारीबाट जोगिनका लागि वाशिंगटन र तेल अवीव समय समयमा इरानसँग झूटा बोल्ने र मिडियालाई गलत सूचना दिन्छन्। उनले अमेरिकी मिडियालाई सियोनवादी अधिकारीहरुको हलिउड परिदृश्य अनुसरण नगर्न आग्रहसमेत गरे । टाइम्सका अनुसार अज्ञात स्रोतको हवालामा अब्दुल्ला अहमद उर्फ अबु मुहम्मद अल मस्रीलाई उनको छोरी मिरियमसँग अगस्तमा मोटरसाइकलमा सवार दुई इजरायली जाशुसहरुले गोली हानी हत्या गरेको बताएको थियो ।
आतंकवादी समूहसँगै कैदी स्वैपको भागको रूपमा ईरानी हिरासतबाट छुटेपछि २०१५ देखि अब्दुल्लाह र उनकी छोरी तेहरानमा स्वतन्त्र रूपमा बस्दै आएका थिए। केन्याको दर एस सलाम, तन्जानिया र नैरोबीमा अमेरिकी दूतावासहरूमा भएको बम बिष्फोटनमा संलग्न भएको आरोपमा एफबीआईले उक्त कथित कमान्डरलाई खोजेको न्यूयोर्क टाईम्सले समाचार छापेको थियो ।
