काठमाडौँ- केन्द्रीय तथ्यांक विभागले १२ औं राष्ट्रिय जनगणनाका लागि २२ जना कर्मचारी करारमा नियुक्त गर्ने भएको छ । स्थानीय तहहरूको गणना क्षेत्र नक्सा तयारीका लागि २२ जना तथ्यांक संकलक र डिजिटाइजर करारमा नियुक्त गर्न लागेको हो । जिओमेटिक्स इन्जिनियरिङमा डिप्लोमा उत्तीर्ण वा प्रमाणपत्र (प्लस टु) उत्तीर्ण गरी तीन महिना जीआइएस सम्बन्धी काम गरेको व्यक्तिले यो पदका लागि आवेदन दिन सक्ने विभागले जनाएको छ ।
योग्य उम्मेदवारहरूलाई सात दिनभित्र विभागको प्रशासन शाखामा आवेदन दिन भनिएको छ । बढीमा आगामी फागुन मसान्त सम्म करार अवधी रहने यो पदका लागि मासिक पारिश्रमिक २८ हजार २०० तोकिएको छ । १२ औं राष्ट्रिय जनगणना २०७८ जेठ २५ देखि असार ८ सम्म हुने भनिएको छ।
