१९ माघ २०७९, बिहीबार
 |   Thu Feb 2 2023
Logo

नौ महिनापछि क्यानले बोलायो बन्द प्रशिक्षण, यस्तो छ २२ खेलाडीको नामावली



काठमाडौं : मंसिर ६, कोरोना भाइरसको महामारीका कारण करिब नौ महिना बन्द भएको क्रिकेटको प्रशिक्षण शुरु हुने भएको छ । बन्द प्रशिक्षणका लागि नेपाल क्रिकेट सङ्घ (क्यान) ले ज्ञानेन्द्र मल्लको कप्तानीमा २२ खेलाडीलाई यही मंसिर १० गते देखि बन्द प्रशिक्षणमा बोलाएको छ । क्यान कार्यालयका सचिव उदय प्रकाश शाहले हिजो सूचना जारी गर्दै बन्द प्रशिक्षण शुरु हुनुअघि ती सबै खेलाडी तथा प्रशिक्षकको पिसिआर परीक्षण गरिने जानकारी दिएका थिए । क्यानले आवश्यक सबै सावधानी अपनाएर प्रशिक्षण गर्ने जनाएको छ ।

प्रशिक्षणका लागि ज्ञानेन्द्र मल्ल (कप्तान), दिपेन्द्रसिंह ऐरी (उप कप्तान), पारस खड्का, सन्दीप लामिछाने, शरद भेषवाकर, करण केसी, वसन्त रेग्मी, विनोद भण्डारी, सोमपाल कामी, सुसन भारी, ललित नारायण राजवंशी, आरिफ शेख, पवन सराफ, अविनाश बोहरा, सुवास खकुरेल, रोहितकुमार पौडेल, कुशल मल्ल, राशिद खान, कमलसिंह ऐरी, सन्दीप जोरा, किशोर महतो र भुवन कार्की रहेका छन् ।

प्रशिक्षकमा जगत टमाटा रहेका छन् । झण्डै डेढ वर्षपछि वसन्त रेग्मी पनि प्रशिक्षणमा फर्किएका छन् । नेपालले विश्वकप लिग क्रिकेट दुईअन्तर्गत सन् २०२१ मा पाँच सिरिज खेल्ने तालिका रहेको छ । त्यसैको तयारीका लागि खेलाडीलाई बन्द प्रशिक्षणमा बोलाइएको हो ।


प्रतिक्रिया दिनुहोस !