काठमाडौं : २१ मंसिर । प्रधानमन्त्री एवं पार्टी अध्यक्ष केपी शर्मा ओलीको अनुपस्थितिमै नेपाल कम्युनिष्ट पार्टी (नेकपा) स्थायी कमिटी बैठक सम्पन्न भएको छ ।
बैठकको सुरुमै सचिवालय सदस्य ईश्वर पोखरेलले प्रधानमन्त्री ओलीले पठाएको पत्र पढेर सुनाएका थिए । ओलीले कार्यकारी अध्यक्ष पुष्पकमल दाहालको प्रस्तावमाथि औपचारिक रूपमा छलफल गर्न नसकिने उल्लेख गर्दै पत्र पठाएका थिए ।
उक्त पत्रमा ओलीले कार्यकारी अध्यक्ष दाहालल गते कात्तिक २८ गते बैठकमा पेश गरेको राजीतिक प्रतिवेदन फिर्ता नलिएसम्म बैठकमा उपस्थित नहुने उल्लेख गरेका छन् ।
कार्यकारी अध्यक्ष पुष्पकमल दाहालको अध्यक्षतामा बसेको आजको बैठकले स्थायी कमिटीको अर्को बैठक मंसिर २८ गते बस्ने र केन्द्रीय समितिको बैठक पुस ५ गतेसम्म सार्ने निर्णय गरेको प्रवक्ता श्रेष्ठले दिए ।
