२० माघ २०७९, शुक्रबार
 |   Fri Feb 3 2023
Logo

क्रान्तिकारी पत्रकार संगठनको बैठक सम्पन्न, क्रान्तिकारी धुर्वीकरण अभियान चलाउने निर्णय



काठमाडौं : माघ ११, क्रान्तिकारी पत्रकार संगठन, नेपालको केन्द्रीय समितिको बैठक सम्पन्न भएको छ । शनिबार (माघ १० गते) सम्पन्न केन्द्रीय समितिको भर्चुअल बैठकले चौथो राष्ट्रिय सम्मेलन गर्ने निर्णय गरेको हो । त्यस्तै बैठकले क्रान्तिकारी पत्रकार संगठनका केन्द्रीय उपाध्यक्ष जन्मदेव जैसीको नेतृत्वमा आसन्न नेपाल पत्रकार महासंघको निर्वाचनका लागि केन्द्रीय पदाधिकारीदेखि प्रदेश हुँदै जिल्ला र प्रतिष्ठानसम्म उम्मेद्धारहरुको टिम तय गरेको कार्याबाहक अध्यक्ष दीपबहादुर घर्ती र महासचिव बाबुराम भुसालद्धारा जारी विज्ञप्तिमा उल्लेख छ ।

त्यस्तै केन्द्रीय समितिको बैठकले वामपन्थी, प्रगतिशील, देशभक्त, लोकतान्त्रिक र अग्रगामी शक्तिसहितको साझा मोर्चा बनाई पत्रकार महासंघमा साझा चरित्रको नेतृत्व चयनका लागि विभिन्न सञ्चार सम्बद्ध संघ÷संगठनहरुसँग छलफल र वार्ताका लागि संगठनका कार्यवाहक अध्यक्षको नेतृत्वमा उपाध्यक्ष, महासचिव र २ जना केन्द्रीय सदस्य सम्मिलित समिति गठन गरिएको छ ।

त्यसै गरी राष्ट्रियता, जनतन्त्र र जनजीवीकाको सुनिश्चितता संघर्ष गर्ने निर्णय गरेको छ । नयाँ जनवादी क्रान्तिमार्फत वैज्ञानिक समाजवाद स्थापना संगठनको मुख्य अभिष्ट भएको र त्यसको आधार निर्माण गर्न संगठनले क्रान्तिकारी धुर्वीकरण अभियान चलाउने र देशभर प्रदर्शन तथा अन्तक्रिया कार्यक्रम देशव्यापी रुपमा अभियान र सशक्त संघर्षका कार्यक्रमहरु गर्ने बैठकले ठोस गरेको छ ।


प्रतिक्रिया दिनुहोस !


ताजा

लोकप्रिय