काठमाडौं– गत २४ घन्टामा नेपालमा १२५ जना नयाँ संक्रमित थपिएका छन् भने कोरोनाबाट ज्यान गुमाउनेको संख्या शुन्य रहेको छ । हालसम्म नेपालमा कोरोना संक्रमितको संख्या २ लाख ७३ हजार ५५६ पुगेका छन् भने कोरोनाबाट ज्यान गुमाउनेको संख्या २ हजार ६१ पुगेको छ । पछिल्लो २४ घन्टामा नेपालमा एक जनाले पनि कोरोनाका कारण ज्यान गुमाएका छैनन् ।
त्यस्तै पछिल्लो २४ घन्टामा ९० जना कोरोनामुक्त भएका छन् । हालसम्म नेपालमा कोरोनामुक्त हुनेको संख्या २ लाख ६९ हजार ९६६ पुगेको छ । पछिल्ला दिनमा नयाँ संक्रमितको संख्या दिनप्रतिदिन घट्दै गइरहेको नेपालमा हालसम्म २१ लाख ४३ हजार ३१५ जनाको पीसीआर परिक्षण गरिएको छ । पछिल्लो तथ्यांकअनुसार नेपालमा आईसोलेसनमा १५२९ रहेका छन् भने ६६ जना क्वारेन्टाइनमा रहेका छन् ।
