१६ चैत्र २०८०, शुक्रबार
 |   Fri Mar 29 2024
Logo

निजामती कर्मचारीको आधिकारिक ट्रेड युनियनको वैधानिकता आजदेखि सकियो



काठमाडौं । निजामती कर्मचारीको आधिकारिक ट्रेड युनियनको निर्वाचित नेतृत्वको वैधानिकता आजदेखि सकिएको छ । ठिक एक वर्षअघि आजकै दिन युनियनले नयाँ नेतृत्व पाइसक्नुपर्ने भए पनि कोरोना महामारीका कारण तोकिएको निर्वाचन कार्यतालिका पनि स्थगित हुँदा निर्वाचन भएन ।

निजामती सेवा ऐन २०४९ को दफा ५३ को (क) मा शाखा अधिकृतस्तरसम्म मात्र ट्रेड युनियनको अधिकार रहेको छ । युनियनका प्रथम निर्वाचित अध्यक्ष पुन्य ढकाल २०७७ चैत ९ गते उपसचिव पदमा बढुवा भएपछि कार्यवाहक अध्यक्षको जिम्मेवारी भोला पोख्रेलले सम्हाल्दै आएका छन् ।

ढकाल अहिले पाँचथर जिल्लाको सिडिओ छन् । २०७३ जेठ १९ गते भएको निर्वाचनबाट चुनिएको युनियनको चारवर्षे कार्यकाल २०७७ जेठ १८ गते सकिएको हो ।कोभिड–१९ को महामारीका कारणले त्यतिबेला निर्वाचन गर्न सम्भव नभएकाले युनियनको निर्वाचनसम्बन्धी विधानको दफा २४ ले विशेष परिस्थितिका कारण एक वर्ष म्याद थप्न पाउने व्यवस्था उल्लेख भएकाले त्यसै अनुसार १ वर्ष म्याद थप गरिएको थियो ।


प्रतिक्रिया दिनुहोस !