१५ चैत्र २०८०, बिहीबार
 |   Thu Mar 28 2024
Logo

निषेधाज्ञा अवधिमा त्रिभुवन विमानस्थलबाट भित्रिए १२ हजार नेपाली र विदेशी



निषेधाज्ञाका बीच त्रिभुवन विमानस्थलबाट १२ हजार मानिस नेपाल भित्रिएको अध्यागमन विभागले जनाएको छ।

विभागको तथ्यांकअनुसार मे महिनाभरमा एक हजार चार सय ६८ जना विदेशी र १० हजार नौ सय ३२ जना नेपाली नागरिक गरी १२ हजार चार सय जना नेपाल भित्रिएका हुन्।

वैशाख १६ अर्थात् अप्रिल २८ बाट नेपालमा निषेधाज्ञा सुरु भएको थियो। तर वैशाख २३ गतेसम्म अन्तर्राष्ट्रिय उडान नियमित भइरहेको थियो। मे ६ पछि नेपाल–भारत हप्ताको दुई उडान मात्रै भएका थिए।

निषेधाज्ञाको बीचमा उद्धार तथा चार्टर्ड उडान हुँदा नेपाल बाहिरिनेको संख्या भने दोब्बर रहेको छ। मे महिनामा २३ हजार एक सय ३५ जना बाहिरिएका छन्।

बाहिरिनेमध्ये नौ हजार नौ सय ७७ विदेशी र १३ हजार एक सय ५८ जना नेपाली रहेको अध्यागमन विभागले जनाएको छ।

विभागको तथ्याङ्कअनुसार अप्रिलमा एक सय ४४ देशबाट २२ हजार चार सय ५० जना विदेशी नेपाल भित्रिएका थिए।


प्रतिक्रिया दिनुहोस !


ताजा

लोकप्रिय