spot_img
Wednesday, July 28, 2021
spot_img

ट्रेन्डिङ :

कर्णालीका ३ मन्त्री सांसदबाट निलम्बित

spot_img

काठमाडै । नेकपा एमाले कर्णाली प्रदेश संसदीय दलले सरकारमा रहेका ३ मन्त्रीलाई शुक्रबार सांसदबाट एक महिनाका लागि निलम्बन गरेको छ । ती मन्त्रीहरूले भने संसदीय दलको निर्णय अवैधानिक भन्दै कानुनी उपचार खोज्ने बताएका छन् ।

हाल एमालेबाट निर्वाचित नन्दसिंह बुढा, अम्मरबहादुर थापा र कुर्मराज शाही माओवादी नेतृत्वको सरकारमा छन् । करिब एक साताअघि एमालेले तीनै जनालाई मन्त्रीबाट फिर्ता हुन निर्देशन दिएको थियो तर उनीहरूले मन्त्रीबाट फिर्ता हुन मानिरहेका छैनन् ।निर्देशन अटेर गर्दै फिर्ता नभएपछि एक महिनाका लागि निलम्बन गरिएको संसदीय दलले जनाएको छ । प्रमुख सचेतक गुलावजंग शाहले एमालेले कर्णाली सरकारबाट बाहिरिने निर्णय गरिसक्दा पनि सरकारमा रहनु असंसदीय व्यवहार भएको बताए ।

गत वैशाख ३ गते मुख्यमन्त्री महेन्द्रबहादुर शाहीलाई विश्वासको मत दिएपछि एमालेले तीन मन्त्रीका साथै अर्का सांसद प्रकाश ज्वालालाई सांसदबाट पदमुक्त गरेको थियो । पदमुक्तपछि तीन सांसद स्वतन्त्र हैसियतमा सरकारमा गएका थिए । जेठ २७ गते सर्वोच्च अदालतले अन्तरिम आदेशबाट पुनर्बहाली गर्न भनेपछि एमालेले मन्त्रीबाट बाहिरिन निर्देशन दिएको थियो । पदमुक्तसम्बन्धी मुद्दा अहिले सर्वोच्चमा विचाराधीन छ ।मन्त्री थापाले सर्वोच्चले पुनर्बहाली गरिसकेको अवस्थामा निलम्बनको नाटक गर्नु हास्यास्पद भएको र यसविरुद्ध कानुनी उपचार खोजिने बताए ।

Leave a Reply

- Advertisment -spot_img

ताजा समाचार

महन्त ठाकुर र रेशम चौधरी जसपाबाट निकालिए

spot_img

हेर्न छुटाउनु भयो कि?

%d bloggers like this: