१५ चैत्र २०८०, बिहीबार
 |   Thu Mar 28 2024
Logo

सुकेटार विमानस्थलमा जहाज अवतरण



अवतरण हुने क्रममा विमान फुङिलङ, २६ असार । नेपाल वायु सेवा निगमको विमान शनिबार काठमाडौदेखि ताप्लेजुङको सुकेटार विमान स्थलमा अवतरण हुने क्रममा । तस्विरः दिलकुमार लिम्बू, रासस

कोभिड—१९का कारणले लामो समयसम्म बन्द रहेको ताप्लेजुङको सुकेटार विमानस्थलमा आज नेपाल वायुसेवा निगमको जहाज अवतरण भएको छ । कोभिडको कारणले दुई महिनादेखि नियमित उडान बन्द भएकामा आज पहिलोपटक जहाज अवतरण भएको हो ।

नेपाल वायु सेवा निगमको जहाजले काठमाडौँबाट सात जना यात्रु लिएर आज बिहान सुकेटार आइपुगेको थियो । ताप्लेजुङबाट १६ जना यात्रु लिएर जहाज काठमाडौँ फर्केको सुकेटार विमानस्थलका स्टेशन इन्चार्ज लोकेन्द्र लिम्बुले बताउनुभयो ।

सुकेटार विमानस्थलमा विमान
फुङिलङ, २६ असार । नेपाल वायु सेवा निगमको विमान शनिबार काठमाडौँदेखि ताप्लेजुङको सुकेटार विमानस्थलमा अवतरण । कोभिडका कारण करीब दुई महिनादेखि विमानस्थलमा बन्द थियो । तस्विरः दिलकुमार लिम्बू, रासस

निगमले गत सोमबारदेखि नै नियमित उडान शुरु गरेको थियो । गत सोमबार काठमाडौँबाट नौ जना यात्रु लिएर आएको विमान मौसम खराबीका कारण अवतरण हुन नसकेपछि जहाज पुनः काठमाडौँ फर्केको थियो । सोमबार अवतरण हुन नसकेको जहाज आज अवतरण भएको सुकेटार विमानस्थलका स्टेशन इन्चार्ज लिम्बुले बताउनुभयो ।

सुकेटारमा हप्तामा चार दिन (सोमबार, बुधबार, शुक्रबार र शनिबार) नियमित उडान हुने सुकेटर विमानस्थल कार्यालयले जनाएको छ । तत्कालका लागि काठमाडौँदेखि ताप्लेजुङसम्म रु सात हजार ५० विमान भाडा शुल्क र ताप्लेजुङदेखि काठमाडौँ रु सात हजार १९० भाडा शुल्क तोकिएको कार्यालयले जनाएको छ । निगमले ताप्लेजुङदेखि १ नम्बर प्रदेश राजधानी विराटनगरमा पनि नियमित उडानको लागि प्रक्रिया आगाडि बढिरहेको लिम्बुल बताउनुभयो । -RSS


प्रतिक्रिया दिनुहोस !


ताजा

लोकप्रिय