कुलप्रसाद केसी लुम्बिनी प्रदेशको मुख्यमन्त्रीमा नियुक्त « Supremekhabar
Edition
   २ आश्विन २०७८, शनिबार
 |   Sat Sep 18 2021
Logo

कुलप्रसाद केसी लुम्बिनी प्रदेशको मुख्यमन्त्रीमा नियुक्त



काठमाडौं । लुम्बिनी प्रदेशको मुख्यमन्त्रीमा नेकपा माओवादी केन्द्रका नेता कुलप्रसाद केसी नियुक्त हुनुभएको छ । नेकपा माओवादी केन्द्रका संसदीय दलका नेता रहनु भएका केसी बिहीबार मुख्यमन्त्रीमा नियुक्त हुनु भएको हो । उहाँलाई लुम्बिनी प्रदेश प्रमुख अमिक शेरचनले मुख्यमन्त्रीमा नियुक्त गराउनु भएको हो । उहाँलाई मुख्यमन्त्री बनाउन बिहीबार बिहान लुम्बिनी प्रदेशका ४२ सांसदहरुले हस्ताक्षर गरेर प्रदेश प्रमुख सेरचनलाई बुझाएका थिए ।

बुधबार मात्रै निवर्तमान मुख्यमन्त्री शंकर पोखरेलले आफूबिरुद्ध दर्ता भएको अविश्वासको प्रस्तावमाथि चलिरहेको विशेष अधिवेशन कै क्रममा राजीनामा दिनु भएको थियो । त्यसपछि माओवादी केन्द्रका संसदीय दलका नेता केसीले मुख्यमन्त्रीको दावी गर्नु भएको थियो । नेपाली काँग्रेस र नेकमा माओवादी केनद्रले यसअघि नै ८्८ महिना प्रदेश सरकारको नेतृत्व गर्ने सहमति गरेका थिए । ८ महिनापछि काँग्रेसले मुख्यमन्त्री पाउनेछ ।


प्रतिक्रिया दिनुहोस !


चुनावपछि सत्ता गठबन्धन फ्रिजबाट निकालिएको आइसको डल्ला जस्तै पग्लिन्छ : ओली



काठमाडौं । प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले शेरबहादुर देउवा नेतृत्वको सरकारले खर्बौं रुपैयाँ तलमाथि पर्नेगरी सेटिङमा करका दरहरु हेरफेर गरेको आरोप लगाएका छन् । शनिवार नेपाल निजामती कर्मचारी संगठनको आठौँ केन्द्रीय बैठक तथा राष्ट्रिय भेलालाई सम्बोधन गर्दै अध्यक्ष ओलीले सरकारले सेटिङमा भन्सार छुट दिने गरेर अर्बौंको चलखेल गरेको बताएका हुन् ।

आम मानिस र सञ्चार माध्यमले समेत सरकारको सेटिङको बारेमा कुरा उठाइरहेको भन्दै उनले सरकारले सेटिङ गरेको छैन भन्ने ठाउँ नरहेको पनि उल्लेख गरे । उनले भने, ‘आज देखिन थाल्या छ, सोझै सेटिङमा कसलाई भन्सार छुट दिने, कसलाई भन्सार नदिने, के गर्ने कसो गर्ने भन्ने यो अरबौँको खेल भइसक्यो । कसरी यतिबेर यो बिचमा आएर करका दरहरु यत्रो ठुलो ढंगले देशलाई करोडौँको, अर्बौंको मात्र होइन खर्बौको तलमाथि पर्नेगरी कसरी हेरफेर गरियो । सबै सेटिङ होइन भन्न सकिने ठाउँ छैन । मान्छेहरु खुलेआम भनिराखेका छन् यो सेटिङ हो सञ्चार माध्यम लेखिराखेको छ बोलिराखेको छ सेटिङ भयो । भएन भन्ने ठाउँ छैन । म राष्ट्रसेवक कर्मचारी मित्रहरूलाई, तपाईहरुलाई भन्न चाहान्छु खासगरी नेपाल निजामती कर्मचारी संगठन स्वच्छताको प्रतीक संगठन बन्नुपर्छ ।’

अध्यक्ष ओलीले सत्ता गठबन्धन फ्रिजबाट निकालिएका आइसका डल्ला जस्तै भएको टिप्पणी गरे । चुनावमा जाँदा प्रतिगमन भनेर वर्तमान गठबन्धन पन्छिएको भन्दै उनले १४ महिनापछि बाध्यकारी रुपमा चुनाव गर्नुपर्ने र चुनावपछि यो गठबन्धन फ्रिजबाट निकालिएको आइसको डल्ला जस्तै पग्लिने बताए । अध्यक्ष ओलीले आफ्नो पार्टी निकट नेपाल निजामती कर्मचारी संगठनमा आवद्ध कर्मचारीहरुलाई जुनसुकै पार्टीको भएपनि वर्तमान सरकारलाई सहयोग गर्न निर्देशन दिए । कर्मचारीहरुले कुनै पार्टीको सदस्य नभएर राष्ट्रको सेवकको रुपमा सेवा पु¥याउनुपर्ने उनले बताए । सेवाग्राहीको सेवा पाउने अधिकार भएकाले कर्मचारीको सेवा दिनुपर्ने कर्तव्य ठानेर काम गर्न उनले आग्रह गरे ।

प्रतिक्रिया दिनुहोस !

आगामी चुनावपछि सत्ता गठबन्धनका दलहरुको अस्तित्व नै संकटमा : ओली



काठमाडौं । एमाले अध्यक्ष केपी शर्मा ओलीले आगामी चुनावपछि सत्ता गठबन्धनका दलहरुको अस्तित्व नै संकटमा पर्ने टिप्पणी गरेका छन् । आज काठमाडौंमा आयोजित कार्यक्रममा अध्यक्ष ओलीले अबको १४ महिनापछि चुनाव हुने भन्दै कांग्रेस, माओवादी, नेकपा (एस) लगायत दलहरु बिलाउने टिप्पणी गरेका हुन् । उनले आफू प्रधानमन्त्री हुँदा घोषणा गरिएको चुनावको विरोध गरेका वर्तमान सत्ता गठबन्धनले टार्न खोजिए पनि चुनाव नगरी धर नभएको उनले बताए । अहिलेको सरकार गैरजिम्मेवार र जनताप्रति उत्तरदायी नरहेको अध्यक्ष ओलीको आरोप थियो ।

प्रतिक्रिया दिनुहोस !

एमसीसीकै कारण गठबन्धन टुट्दैन : दाहाल



जनकपुर- नेकपा माओवादी(केन्द्र)का अध्यक्ष पुष्पकमल दाहालले एमसीसीभन्दा गठबन्धन महत्वपूर्ण रहेको बताएका छन् । एमसीसीकै कारण गठबन्धन नटुट्ने पनि उनले दाबी गरे ।

पार्टीको प्रदेश २ स्तरीय प्रशिक्षण कार्यक्रममा सहभागी हुन शनिबार जनकपुर आइपुगेका दाहालले गठबन्धनमा कुनैपनि प्रकारको असन्तुष्टि नरहेको बताए । ‘एमसीसीभन्दा गठबन्धन महत्वपूर्ण हो,’ प्रशिक्षणपछि संवाददाताहरुसित कुरा गर्दै दाहालले भने,‘ सरकारले पूर्णता नपाएको विषयलाई बहाना बनाएर गठबन्धनमा गडबड रहेको भ्रम फैलाइयो । गठबन्धनमा असन्तुष्टि रहेको भनी प्रतिगामी शक्ति मिलेर भ्रम सिर्जना गरिरहेको छ ।’

उनले संविधान र राष्ट्रको रक्षाका लागि गठबन्धन बनेकाले टुट्दैन भन्नेमा ढुक्क रहन आग्रह गरे । ‘गठबन्धनमा कुनै किसिमको विवाद छैन । यो गठबन्धन टुट्दैन,’ दाहालले भने ।

दाहालले पहिलेको एमसीसी प्रस्तावमा रहेका विषयहरु बिगारिएकाले यसलाई बिना परिमार्जन संसद्‌बाट पारित गर्न नमिल्ने बताए । यसअघिका शेरबहादुर देउवा नेतृत्वकै सरकारको पालामा भएको एमसीसी सम्झौतामा प्रतिनिधिसभाबाट पारित गर्नुपर्ने प्रावधान नरहेको र ओली सरकारको पालामा अर्थमन्त्रीले संसद्‌बाट अनुमोदन गर्ने समझौता गरेपछि एमसीसीको विवाद चर्किएको उनले बताए ।

‘अमेरिकी संसद्‌मा एमसीसी इण्डो प्यासिफिक स्ट्राटेजीको अंग हो भन्ने विषय चर्चामा आएपछि नेपालमा विवाद झन चर्कियो,’ दाहालले भने ।

‘प्राविधिक कारण’ले मन्त्रिपरिषद् विस्तारमा ढिलाइ भएको भन्दै दाहालले असोज ४ गतेभित्रै गठबन्धनको सरकारले पूर्णता पाउने दाबी गरे ।

प्रतिक्रिया दिनुहोस !

ताजा

लोकप्रिय

%d bloggers like this: