तालिबान : छात्राले ‘हिजाब’ लगाएर पढ्नुपर्ने, पुरुष शिक्षकले पर्दापछाडिबाट पढाउन सक्ने « Supremekhabar
Edition
   २ आश्विन २०७८, शनिबार
 |   Sat Sep 18 2021
Logo

तालिबान : छात्राले ‘हिजाब’ लगाएर पढ्नुपर्ने, पुरुष शिक्षकले पर्दापछाडिबाट पढाउन सक्ने



एजेन्सी । अफगानिस्तानमा हालै सत्ता कब्जा गरेको तालिबान सरकारले शिक्षामा महिलाहरुलाई प्रतिबन्ध नलगाउने भएको छ । तर यसका लागि केही कठोर प्रावधान भने राखिएको छ ।उच्च शिक्षा सम्बन्धी नीति सार्वजनिक गर्दै तालिबान सरकारले महिला तथा पुरुष सँगै बसेर पढ्न नपाउने जनाएको छ । त्यहाँका विश्वविद्यालयहरुलाई महिला र पुरुष विद्यार्थी पढाइ हुने गरी छुट्याउन र इस्लामी ड्रेस कोड लागू गर्न भनिएको छ ।

बिबिसीका अनुसार तालिबानको यो शिक्षा नीतिले पत्यक्ष नभए पनि परोक्ष रुपमा महिलाहरु भने शिक्षाबाट वन्चित नै हुनसक्ने विश्लेषण भइरहेका छन् । एक त विश्वविद्यालयमा महिला र पुरुष विद्यार्थीहरुलाई अलगअलग राखेर पढाउन, कक्षा सन्चालन गर्ने पर्याप्त स्रोतसाधन हुने छैन । अर्कोतिर यस नीतिले महिला तथा पुरुषबीच स्पष्ट विभेद सृजना गर्ने भएकाले शिक्षामा प्रभावकारीता नहुन सक्छ ।

तालिबानको पहिलो पाँचवर्षे शासन काल (सन् १९९६ देखि २००१)मा अफगानिस्तानमा महिला तथा बालिकाहरुलाई विद्यालय र विश्वविद्यालयको शिक्षामा पूरै प्रतिबन्ध लगाइएको थियो । यसपटक भने प्रत्यक्ष प्रतिबन्ध नभए पनि परोक्ष रुपमा प्रतिबन्धात्मक नीतिहरु अघि सारिएको छ ।

उच्च शिक्षा सम्बन्धी मामिला हेर्ने एकजना मन्त्री अब्दुल बाकी हक्कानीले महिलाहरूले पढ्न पाउने तर पुरुषहरूसँगै बसेर भने पढ्न नपाउने बताएका छन् । तर पनि उनी महिला शिक्षकहरुको संख्या पर्याप्त रहेको दाबी गर्दछन् । कमी भएको स्थानमा दोस्रो विकल्प सोचिने उनको भनाइ छ । अहिले विद्यार्थीहरुलाई पढाउने विषयमा समीक्षा भइरहेको पनि उनले बताएका छन् ।

हक्कानीले यो नयाँ नियमलाई अफगानिस्तानका नागरिकले सजिलै स्वीकार गर्ने बताएका छन । उनले भने, ‘जनता मुस्लिम हुन्, त्यसैले उनीहरुले यस नियमलाई स्वीकार गर्छन् ।’

देशका प्राथमिक र माध्यमिक विद्यालयहरुमा केटी र केटाहरुलाई छुट्टै शिक्षा दिइने उक्त नीतिमा खुलाइएको छ । यो पहिलेदेखि नै रूढिवादी अफगानिस्तानमा एक सामान्य अभ्यास थियो । अब छात्राहरुले हिजाब (पूरै शरीर ढाकिने पोशाक) लगाउनु पर्नेछ । पुरूष शिक्षकले महिलाहरू पढाउनुपर्दा पर्दापछाडिबाट बढाउन सक्नेछन् ।

तालिबानले अफगानिस्तानमा मुस्लिम पाठ्यक्रम समेत लागू गर्दैछ । हक्कानीले पत्रकारहरुलाई भने, ‘तालिबान एक निष्पक्ष र इस्लामिक पाठ्यक्रम बनाउन चाहन्छ, जुन हाम्रो इस्लामिक, राष्ट्रिय र ऐतिहासिक मूल्यहरु संग मेल खान्छ। अर्कोतर्फ, उनीहरु अन्य देशहरु संग प्रतिस्पर्धा गर्न सक्षम हुनु पर्छ।’

काबुलको शहीद रब्बानी शिक्षा विश्वविद्यालयमा तालिबानको लैंगिक नीतिको समर्थनमा महिलाहरुको प्रदर्शनपछि नै हिजो शनिबार उच्च शिक्षाको नयाँ नीति घोषणा गरिएको थियो ।

शनिवारको प्रदर्शनमा भाग लिने सयौं महिलाहरुमध्ये अधिकांश कालो बन्धन लगाएका थिए र हातमा तालिवानको झण्डा बोकेका थिए ।प्रदर्शनको क्रममा त्यहाँ नयाँ तालिबान शासनको प्रशंसा गर्ने भाषण दिइयो र महिला अधिकारको सुरक्षाको माग गर्नेहरुको कडा आलोचना भयो


प्रतिक्रिया दिनुहोस !


संविधान दिवसका अवसरमा राष्ट्रपतिद्वारा ८ जनालाई माफी, ५२३ जनाको कैद कट्टा



काठमाडौं । राष्ट्रपति विद्यादेवी भण्डारीले संविधान दिवसको अवसरमा ८ जनालाई माफी र ५२३ जनाको कैद भट्टा गरेकी छन् । पूर्णबहादुर भन्ने किशोर भण्डारीसमेतका ८ जना व्यक्तिलाई विभिन्न अदालतले सुनाएको कैद सजाय संविधान दिवसको अवसर पारेर माफी भएको राष्ट्रपति कार्यालयले जनाएको छ । हर्कबहादुर राईसमेत ५२३ जना कैदीले भुक्तान हुन बाँकी कैद कट्टा गरिएको छ । असोज ३ गते संविधानको अवसर पारेर कैद माफी र कैद कट्टाका लागि मन्त्रिपरिषद बैठकले राष्ट्रपतिसमक्ष भदौ २९ गते सिफारिस गरेको थियो । सरकारले २०७२ साल असोज ३ गते संविधान जारी भएको दिनलाई राष्ट्रिय उत्सवको रुपमा मनाउँदै आएको छ । यही अवसर पारेर कैदी बन्दीको कैद कट्टा र माफी दिन सक्ने कानुनी व्यवस्था छ ।

प्रतिक्रिया दिनुहोस !

एउटा प्रदेशी जिन्दगी, प्रदेशमै जान्छ प्राण अनि पखेरु !



लमजुङका यी २२ बर्षे युवाको नाम डेल्सन थापा मगर हो । अनि उनले छोई रहेको सेतो बाकसभित्र उनका बुबा गोबिन्द कुमार थापा मगरको लास छ । डेल्सन ३ बर्षको हुँदा मलेसिया गएका गोबिन्द लामो समयसम्म परिवारसँग सम्पर्कमा आएनन् ।

३ र ५ बर्षका दुई छोरा छोडेर सम्पर्कहिन बनेका उनकी श्रीमती यही पिरले बितिन् । बैदेशिक रोजगारीमा गएको शुरुवाती समय र अन्ततिर गोविन्द सम्पर्कमा त आए तर त्यसबेला उनलाई असाध्य बिमारले च्यापिसकेको थियो । उनलाई पेनाङका नेपालीको सहयोगमा नेपाल पठाउन एयरपोर्ट पुर्याईयो ।

दुर्भाग्य, एयरपोर्ट पुग्नासाथ उनी बेहोस भएर ढले । फर्काएर अस्पताल भर्ना गरियो । तर, तिनदिन पछि गोविन्दले पराई भुमीमा नै प्राण त्याग गरे । गोविन्दका कान्छा छोरा डेल्सन काठमाडौमा सामान्य रोजगारी गर्छन् । जनउद्धार केन्द्र, मलेसियाका साथीहरुले डेल्सनलाई सम्पर्क गरेर सोधे -‘लास नेपाल लाने कि यतै सद्गती गर्ने ?’

जिवनमा बाबुको अनुहार समेत नदेखेका उनले भने- ‘लामो समयसम्म सम्पर्कहिन हुनुभयो । त्यही पिरले मम्मीपनी बित्नु भो । मलाई त बाबुको अनुहारपनि याद छैन । १९ बर्षसम्म कहाँ, के गर्नुभो, के समस्या पर्यो । कसरी बिरामी पर्नु भो, केही थाहा छैन । तर जे भएपनी जन्मदिने बाबू हुन् , एकपटक अनुहार हेर्न पाए हुन्थ्यो !’

तर, लास ल्याउन सक्ने डेल्सनको आर्थिक अवस्था थिएन । उनलाई फुपुहरुले सहयोग गरिरहेका थिए । जिन्दगीमा कहिल्यै बाबुको अनुहार प्रतक्ष देख्न नपाएको छोराको एकपटक बाबुको अनुहार हेर्ने अन्तरईच्छालाई अन्तत: जनउद्धार केन्द्र मलेसिया र अन्य समाजसेवीले पूरा गरिदिनु भयो ।

परदेशमा गुमनाम रहेको एउटा नेपालीको लास अर्को नेपालीको सहयोगमा आज नेपाल आईपुग्यो । छोराले बाबुको अनुहार हेरे । दिवंगत देहले आफ्नै जन्मभुमीको माटोमा समाहित हुन पायो । यसकालागी जनउद्धार केन्द्र, केशु थापा, सुनिल श्रेष्ठ, बिरस पुन, देवेन्द्र गिरि लगायत धन्यबादको पात्र छन् । यो अभियानको निरन्तरको सारथि हुन पाउँदा हामी पनि खुसी छौँ ।

तर, परदेशमा कंक्रिटका जङ्गल, जङ्गलका गल्ली र गल्लीका कुना, भित्तामा कति गोविन्दहरु गुमनाम बाँचिरहेका हाेलान् ! देशका कुना काप्चामा कति श्रीमती र सन्तानहरु बाबु फर्कने बाटो कुर्दै बसेका होलान् ! बैदेशिक रोजगारीमा गएका तर घर परिवारबाट सम्पर्कहिन भएकाहरुको सूची मन्त्रालय, बिभाग, दुताबास वा बोर्डसँग हाेला कि नहोला !?

प्रतिक्रिया दिनुहोस !

भीम रावललगायतका नेताहरु भगौडा हुन्, युद्ध अपराधीलाई जनताले माफी गर्दैनन् : झाँक्री



सिन्धुली। नेकपा एकीकृत समाजवादीकी नेतृ रामकुमारी झाँक्रीले नेकपा एमालेमा फर्किएका नेतालाई भगौडाको संज्ञा दिएकी छन् । शनिबार सिन्धुलीमा आयोजित कार्यक्रमलाई संवोधन गर्दै उहाँले लडाइँबाट भाग्ने भगौडाहरूलाई फेरि पार्टीमा ल्याएर नेता मान्न नसकिने बताएकी हुन् । कार्यक्रमलाई संवोधन गर्दै उनले युद्धबाट भाग्नेहरुलाई फेरि मोर्चामा ल्याएर कमान्डर बनाउन नसकिने बताउँदै युद्धबाट भागेका युद्ध अपराधीलाई जनताले माफी गर्न नदिने बता्ईन् ।

झाँक्रीले संसारमा युद्ध अपराधीलाई माफी दिएको तमाम इतिहास रहेकाले यदी युद्दबाट भाग्ने भगौडाहरूले सरेन्डर गरेर हामी मोर्चामा सामेल हुन्छउँ भनेर आएको खण्डमा ढोका खुला रहने बताएका हुन् । विगतमा माधवकुमार नेपाल समूहमा रहेका नेताहरु भीम रावल, अष्टलक्ष्मी शाक्य, युवराज ज्ञवाली, घनश्याम भुसाल, योगेश भट्टराई, गोकर्ण विष्ट, भीम रावल, सुरेन्द्र पाण्डे, रघुजी पन्त र अमृतकुमार बोहरा नेकपा एमालेमै फर्किएका थिए । झाँक्रीले उनीहरुलाई युद्द अपराधी र भगौडाको संज्ञा दिँदै कमान्डर मान्न नसकिने बताईन् ।

प्रतिक्रिया दिनुहोस !

ताजा

लोकप्रिय

%d bloggers like this: