जिल्ला सभापति कर्ण मल्लसहितले सदस्यता धाँधली देखाउँदै स्थगित गरेको वडा तहको अधिवेशन एकलौटी रुपमा गरिएको भन्दै पौडेल पक्षले अधिवेशन अस्वीकार गर्ने निर्णय गरेको हो ।
केन्द्रीय कार्यालय सानेपामा बसेको पौडेल पक्षको केन्द्रीय सदस्यको बैठकले अधिवेशन अस्वीकार गर्दै निष्पक्ष महाधिवेशनको माग गरेका हुन् ।
‘देशको संविधान र पार्टीको विधानले तोकेको महाधिवेशनको समयसीमा नाघेर जानु, कांग्रेसका डडेल्धुरा जिल्ला सभापति र कार्यसमितिकै सभापति र कार्यसमितिकै सहभागिता र सहमतिलाई निषेध गरी कांग्रेस सभापतिले नै दिनुभएको वचन विपरित राज्यशक्ति र प्रशासनिक शक्ति दुरुपयोग गरी एकपक्षीय रुपमा गरिएको वडा अधिवेशनबाट लोकतान्त्रिक प्रणाली, पार्टीको मर्यादा र मूल्य परम्पराको खिल्ली उडाइएको छ’ पौडेल पक्षका तर्फबाट नेता रामचन्द्र पौडेलले हस्ताक्षर गरेको विज्ञप्तिमा उल्लेख छ, ‘यो अमान्य छ, त्यसैले यसको हामी घोर भत्र्सना गर्दछौं र यथाशिघ्र विधि र प्रक्रिया अनुसार नेतृत्व चयनका लागि पुनः निर्वाचन होस् भन्ने जोडदार आग्रह गर्दछौं ।’
