पहिरोले घर पुरिँदा गुल्मीमा तीन दिदीबहिनीको मृत्यु

काठमाडौं । अविरल वर्षापछिको पहिरोले घर पुरिँदा गुल्मीमा तीन दिदीबहिनीको मृत्यु भएको छ । रेसुंगा नगरपालिका–८, भगवती मन्दिरनजिकै रहेको तिलक नेपालीको घर पहिरोले पुरिँदा तीन दिदीबहिनीको मृत्यु भएको जिल्ला प्रहरी कार्यालय गुल्मीले जनाएको छ ।

मृत्यु हुनेमा तिलकका १४ वर्षका जुम्ल्याहा छोरीहरू गंगा–जमुना र २१ वर्षकी छोरी भावना रहेको प्रहरीले बताएको छ । राति करिब १२ बजेतिर माथिबाट खसेको पहिरोले घरको एउटा कोठा पुरेको थियो । पहिरो खसेर छोरीहरूलाई पुरेपछि अर्को कोठामा सुतेका तिलकले एक जनालाई सानो प्वालबाट तानेर बचाएका थिए । प्रहरी टोलीले पुरिएको कोठाबाट शव निकालेको छ ।