इन्टरनेट सेवा प्रदायकहरुद्धारा विद्युत प्राधिकरणको इन्टरनेटको तार काट्ने सूचनाविरुद्ध सर्वोच्चमा मुद्दा दायर « Name of Truth News : News Portal in Nepal
   ६ कार्तिक २०७८, शनिबार
 |   Sat Oct 23 2021
Logo

इन्टरनेट सेवा प्रदायकहरुद्धारा विद्युत प्राधिकरणको इन्टरनेटको तार काट्ने सूचनाविरुद्ध सर्वोच्चमा मुद्दा दायर



ISPAN- Internet Service Provider Association of Nepal

इन्टरनेट सेवा प्रदायकहरुको छाता संगठनले नेपाल विद्युत प्राधिकरणले पोल भाडा बारे सार्वजनिक गरेको सूचनाको विरुद्ध अदालतमा मुद्दा दायर गरेको छ।

इन्टरनेट सेवा प्रदायक संघ नेपाल (आइस्पान) ले बुधबार सर्वोच्च अदालतमा विद्युत प्राधिकरणले असोज १५ गतेपछि तार काटिदिने भनि चेतावनीसहितको सूचना नियमसंगत नभएको भन्दै सो विरुद्ध आदेश माग गर्दै रिट दायर गरेको हो।

सो निवेदनमा विद्युत प्राधिकरणलाई विपक्षी बनाईएको छ भने सो सार्वजनिक सूचनाले अत्यावश्यक सेवामा समावेश रहेको इन्टरनेट सेवा अवरोध हुने भनिएको छ।

आइस्पानले सो सूचना खारेज गरी पाउँ भनि निवेदनमा माग गरेको छ। निवेदनमा विद्युत प्राधिकरणले एकतर्फी रुपमा पोलको भाडा बढाएको र एकतर्फीरुपमा सूचना जारी गरेको उल्लेख गरिएको बताईएको छ।

यसअघि विद्युत प्राधिकरणले पटक पटक गोरखापत्रमा सार्वजनिक सूचना जारी गर्दै असोज १५ गतेभन्दा अगाडि पोल भाडा सम्झौता गर्न र सोअनुसार भाडा शुल्क तिर्न भन्दै इन्टरनेट तथा केबुल टिभी सेवा प्रदायकहरुलाई समय दिएको थियो । सो समय भित्र आफूले बढाएको भाडा तिर्न भन्दै दबाब समेत दिँदै आएको छ।

बढेको पोल भाडा तिर्न दबाब दिँदै आएको विद्युत प्राधिकरणले भरतपुर बितरण केन्द्रमा इन्टरनेट सेवा प्रदायकहरुको तार काटिदिने तथा मर्मत उपकरणहरु जबरजस्ती लिएर गएको छ।

उता इन्टरनेट सेवा प्रदायकहरुले भने असोज १५ पछि तार काटिएमा त्यसको जिम्मा विद्युत प्राधिकरणले नै लिनुपर्ने भन्दै चेतावनी दिएका छन् ।

यसैबिच केबुल टेलिभिजन सेवा प्रदायकहरुले समेत पोलको भाडा हचुवाको भरमा वृद्धि नगर्न भन्दै विद्युत प्राधिकरणले तार काटिदिएको खण्डमा सेवा नै ठप्प पार्ने चेतावनी दिएका छन् ।


प्रतिक्रिया दिनुहोस !


विपद्मा परेकालाई सरकारले राहत दिनुपर्छ : वरिष्ठ नेता पौडेल



नेपाली कांग्रेसका वरिष्ठ नेता रामचन्द्र पौडेलले बाढी, पहिरो प्रभावित जनतालाई सरकारले राहत दिनुपर्ने बताउनुभएको छ । उहाँले विपद्मा परेकाका लागि प्याकेज कार्यक्रम ल्याउनुपर्नेमा जोड दिनुभयो ।

कांग्रेस कैलालीले आज धनगढीमा आयोजना गरेको कार्यकर्ता भेटघाटमा वरिष्ठ नेता पौडेलले किसानलाई बीउविजन, मल, ऋण, क्षतिपूर्ति, भत्केका संरचना निर्माणलगायत सबै किसिमको प्रबन्ध मिलाउन सरकारले दीर्घकालीन र तत्कालीन कार्यक्रम ल्याउनुपर्ने बताउनुभयो ।

सरकारलाई अझ तदारुकताका साथ राहत कार्यक्रममा जुटन आग्रह गर्ने उहाँले बताउनुभयो । फरक प्रसङ्गमा नेता पौडेलले अझै पनि लोकतन्त्रमाथि सङ्कट नटरेकाले त्यसको रक्षाका लागि कांग्रेसले खबरदारी गर्नुपर्ने बताउनुभयो ।

उहाँले भन्नुभयो, “कांग्रेस बलियो भयो भने मात्रै नेपालमा लोकतन्त्रको रक्षा हुन्छ र लोकतन्त्रको रक्षा भए मात्रै नेपाल राष्ट्रको स्वाधिनताको रक्षा हुन्छ ।” वरिष्ठ नेता पौडेलले कांग्रेसको सबलता र सक्षमता नेपालको लोकतन्त्रसँग गाँसिएको उल्लेख गर्नुभयो ।

प्रतिक्रिया दिनुहोस !

अध्यात्मिक शिक्षाले मानव कल्याण र विश्व शान्तिको मार्ग देखाउँछः मुख्यमन्त्री राउत



जनकपुरधाम, ६ कात्तिक

प्रदेश २ का मुख्यमन्त्री लालबाबु राउतले भौतिकवादी युगमा मानिसलाई अहिंसाको बाटोमा डोर्‍याउन अध्यात्मिक शिक्षाको महत्व रहेको बताएका छन् ।

जनकपुरधाम उपमहनगरापालिका–१४ मुजेलियास्थित ब्रह्मकुमारी राजयोग सेवा केन्द्र जनकपुरद्वारा मुजेलियामा नवनिर्मित प्रशिक्षण केन्द्र ॐ शान्ति मिथिला बाटिकाको शनिबार उद्घाटन समारोहमा मुख्यमन्त्री राउतले भने, ‘कुनै पनि धर्मका धार्मिक शिक्षाले मानिसलाई अहिंसाको मागमा चल्न सिकाउछन् । धार्मिक शिक्षाले पनि समाजलाई जोड्छ,धार्मिक सदभाव बढाउछन, भाइचारा, मानव कल्याण र विश्व शान्तिको वकालत गर्छन् ।’

पाँच कठ्ठा क्षेत्रफलमा चार करोड पचास लाखको लागतमा निर्माण भएको उक्त भवनमा राजयोग सेवा केन्द्रसँग सम्बन्धित प्रशिक्षणहरु सञ्चालन हुने जनाइएको छ । सेवा केन्द्रको नेपाल निर्देशक राज दादी मा को अध्यक्षतामा भएको उद्घाटन समारोहमा प्रदेशसभा सदस्य सत्रुधन महतो, राम अशिष यादव , परमेश्वर साह, शारदा थापासहित समाजसेवीको सहभागिता थियो ।

प्रतिक्रिया दिनुहोस !

धनुषामा एमालेको ११७ वटा वडाको अधिवेशन सर्वसम्मत



धनुषामा नेकपा एमालेको ११७ वडामा अधिवेशन सम्पन्न भएको छ ।

जिल्लामा रहेका १७० वडामा उद्घाटन सत्र सम्पन्न भए पनि ११७ वटा वडामा शनिवार अधिवेशन सम्पन्न हुन सकेको एमालेका धनुषा जिल्ला अध्यक्ष राजकिशोर यादवले बताए । ११७ वटै वडामा सर्वसम्मत अधिवेशन सम्पन्न भएको उनले बताए । ‘१७० वटै वडामा अधिवेशनको उद्घाटन सत्र सम्पन्न भइसकेको छ,’ उनले भने, ‘बाँकी रहेका वडाहरुमा सहमतिले नै नेतृत्व चयन गरिने विषयमा छलफल पनि भइरहेकोले भोलिसम्म सबै वडाको अधिवेशन सम्पन्न हुनेछ ।’

९ कात्तिकमा पालिकाको अधिवेशन रहेकोले त्यसअघि नै वडा अधिवेशन गर्नुपर्ने बाध्यता रहेकोले आफूहरु त्यसमै सक्रियतापूर्वक लागेको उनले बताए । नेकपा एमालेको अगामी १० मंसिरमा राष्ट्रिय महाधिवेशनको समय तोकिएको छ । पार्टीको महाधिवेशनपश्चात मात्रै जिल्ला अधिवेशन हुने उनले बताए । पार्टीको वडा अधिवेशन गराउन यतिबेला एमालेका जिल्ला नेताहरु आ-आफ्ना क्षेत्रमा सक्रिय भएका छन् ।

प्रतिक्रिया दिनुहोस !

ताजा

लोकप्रिय

%d bloggers like this: