१४ मंसिर २०७८, मंगलवार
 |   Tue Nov 30 2021
Logo

सार्वजनिक तथा सामुदायिक वनको जग्गा अतिक्रमण



धनकुटा, १६ असोज

धनकुटा र तेह्रथुमको सिमाना रहेको चित्रे बजारमा स्थानीय केही व्यक्तिले सार्वजनिक तथा सामुदायिक वनको जग्गा अतिक्रमण गरेका छन् ।

लालीगुराँस नगरपालिका ४ चित्रे बजारको मुख्य सडकमाथि रहेका सार्वजनिक जग्गा र चित्रे बजारबाट फुलेक जाने शाखा सडकको दायाँबायाँ रहेको चित्रे सामुदायिक वनको जमिन स्थानीय केही व्यक्तिले अतिक्रमण गरेका हुन् । मुख्य सडकमाथिको जग्गामा घरटहरा धमाधम निर्माण भइरहेका छन् भने सामुदायिक वनको जग्गामा घडेरी खार्ने काम गरिएको छ । शक्तिको आडमा जे गरे पनि हुन्छ भन्ने मानसिकताले गर्दा सार्वजनिक तथा सामुदायिक वनको जमिन अतिक्रमित हुँदै गएको स्थानीयको भनाइ छ ।

जग्गा अतिक्रमण भएपछि तेह्रथुमको लालीगुराँस नगरपालिकाले ५ असोजमा अतिक्रमित जग्गामा बनेका घर टहरा एक हप्ताभित्र हटाउन सार्वजनिक सूचना जारी गरेको थियो । तर, सूचना जारी गरेको साता वितिसकेकाले अब नगरपालिकाले टहरा हटाउने नगरपालिकाका प्रमुख प्रशासकीय अधिकृत निराजन श्रेष्ठले बताए । स्थानीय सरकार सञ्चालन ऐन २०७४ को दफा ९७ बमोजिम अनुरोध गरिएको र सो को बेवास्ता भएकाले सोही अनुसार घरटहरा हटाइ सोको खर्च सम्बन्धी व्यक्तिबाट असुल गरिने श्रेष्ठले बताए ।

यस्तै चित्रे सामुदायिक वनको जग्गा तत्काल खाली गर्न बसन्तपुर सवडिभिजन वन कार्यालयले ७ असोजमा सार्वजनिक सूचना जारी गरेको थियो । तर, स्थानीयले सूचनाको बेवास्ता गरेकाले प्रदेश वन ऐन २०७७ को बर्खिलाप भएकाले सो ऐनअनुसार कानुनी कारवाही गरिने सहायक वन अधिकृत सोमेश्वर कुमार दासले बताए ।

धनकुटाको महालक्ष्मी नगरपालिकाका केही व्यक्ति गएर सार्वजनिक तथा सामुदायिक वनको जग्गा अतिक्रमण गरेर घरटहरा बनाउने तथा घडेरी खार्ने काम गरिरहेको स्थानीय बताउँछन् । सार्वजनिक तथा सामुदायिक वनको जग्गा अतिक्रमण गर्नु कानुन विपरीत भएको र त्यो जग्गा अतिक्रमण गर्ने व्यक्ति सुकुम्बासी नभएको कारण खाली गर्न भनिएको लालीगुराँस नगरपालिका प्रमुख अर्जुन माबोहाङले बताए । उनले जग्गा खाली नगरे कानुन अनुसार अघि बढ्ने चेतावनीसमेत दिए ।


प्रतिक्रिया दिनुहोस !


विद्यार्थीहरुलाई प्राथमिक उपचार तालिम सम्पन्न



रोट्रयाक्ट क्लब अफ धरान घोपाले कार्मेल स्कूल, बुद्ध चौक र दिल्ली पब्लिक स्कुल, घोपामा प्राथमिक उपचार तालिम सञ्चालन गरेको छ ।

आफ्नो दीर्घकालीन परियोजना “पुनर्जीवन – जीवनको आशा” अन्तगर्त विद्यालयका विभिन्न तहमा अध्ययनरत विद्यार्थीहरूलाई प्राथमिक उपचार र यसको तरिकाहरु बारे सचेत गरिएको थियो ।

यसको मुख्य उद्देश्य विद्यार्थीहरूलाई रक्तश्राव, इपिस्टासिस(नाकबाट रगत बग्ने), फ्र्याक्चर, स्प्लिन्ट, कुकुरको टोकाइ र सर्पको टोकाइ जस्ता विपत्तिको बेला चाल्नु पर्ने कदम र लिनु पर्ने सावधानी बारे सचेत बनाउनु रहेको थियो ।

यस कार्यक्रम विद्यालय क्षेत्रमा करिब बिहान ११ बजेबाट विद्यार्थी, शिक्षक र क्लबका केही सदस्यहरू सहित १५० सहभागीहरूको उपस्थिति सहित सम्पन्न भएको थियो ।

प्रतिक्रिया दिनुहोस !

६७६ स्थानीय तहमा पुग्यो ब्रोडब्याण्ड इन्टरनेट, ९६ प्रतिशत जडान सम्पन्न



मुलुकभर ब्रोडव्यान्ड इन्टरनेट पुर्‍याउने परियोजना अन्तर्गत नेपाल दूरसञ्चार प्राधिकरणले ६७६ स्थानीय तहमा ब्रोडब्याण्ड इन्टरनेट जडान गरेको छ ।

प्राधिकरणका अनुसार गत कात्तिक मसान्तसम्म ६७६ स्थानीय निकायको कार्यालयमा इन्टरनेट जडान सम्पन्न भएको प्राधिकरणले जनाएको छ ।

प्राधिकरणको तथ्यांक अनुसार ५ हजार ६५३ वडा कार्यालय, ५ हजार ३ माध्यामिक विद्यालय र ४ हजार १७ स्वास्थ्य संस्थामा इन्टनरेट जडान भएको छ ।

प्राधिकरणले देशका ७०२ स्थानिय तहमा इन्टरनेट सेवा पुर्‍याउन १८ प्याकेजमा विभिन्न इन्टरनेट सेवा प्रदायकसँग सम्झौता गरेको थियो । जस अनुसार अब २६ वटा स्थानीय तहमा मात्रै इन्टरनेट पुर्‍याउन बाँकी रहेको छ ।

ग्रामीण दूरसञ्चार विकास कोष परिचालन गरी ब्रोडब्याण्ड सेवा उपलब्ध गराउने १८ ‌ओटा प्याकेजमध्ये १६ ओटा प्याकेजहरु मार्फत् ६५ जिल्लाहरुमा तोकिए बमोजिमका स्थानहरुमा १०० प्रतिशत काम सकिएको छ ।

यस्तै १ ओटा प्याकेज मार्फत् ५ जिल्लाहरुमा तोकिए बमोजिमका स्थानहरुमा ५० प्रतिशतभन्दा बढी काम सकिएर सेवा सञ्चालनमा आएको प्राधिकरणले जनाएको छ ।

साथै ४ प्याकेज मार्फत् ४ जिल्लामा तोकिए बमोजिमका स्थानहरुमा ३० प्रतिशतभन्दा बढी काम सकिएर सेवा सञ्चालनमा आएको छ । ब्रोडब्याण्ड इन्टरनेट जडानको काम ९६.०४ प्रतिशत सकिएको प्राधिकरणले जनाएको छ ।

प्रतिक्रिया दिनुहोस !

कास्कीमा बस दुर्घटना हुँदा चालकको मृत्यु, आठ जना घाइते



१४ मंसिर,पोखराःकास्कीमा यात्रवाहक बस दुर्घटना हुँदा एक जनाको मृत्यु भएको छ । अन्नपूर्ण गाउँपालिका–३ पाउदुरमा भैरहवाबाट बागलुङका लागि छुटेको बस सडकबाट ३० मिटर तल खसेर दुर्घटना हुँदा घाइते भएका बस चालक पाल्पाका भुपनाथ खनालको उपचारको क्रममा मृत्यु भएको प्रहरीले जनाएको छ ।  

दुर्घटनामा बागलुङका  शिवराम शर्मा, कृष्ण खड्का, राजु श्रेष्ठ, उमलाल श्रेष्ठ, सुवर्ण सापकोटा,  पर्वत फलेवासका सूर्य तिवारी, चितवन भरतपुरका साधना उपाध्याय, दुर्घटनास्थल पाउदुरकी माया विक घाइते भएका कास्की प्रहरी प्रवक्ता सुन्दरमणी तिवारीले जानकारी दिए । 

उनीहरुको पोखरास्थित फिस्टेल र गण्डकी मेडिकल कलेजमा उपचार भइरहेको छ ।
 

प्रतिक्रिया दिनुहोस !

%d bloggers like this: