दसैंलाई सात वेब सिरिज « Name of Truth News : News Portal in Nepal
   ६ कार्तिक २०७८, शनिबार
 |   Sat Oct 23 2021
Logo

दसैंलाई सात वेब सिरिज



सन् २०१९ डिसेम्बरको अन्तिममा चीनको वुहानमा पहिलो पटक भेटिएको कोरोना भाइरस (कोभिड १९) को कारण विश्वका अधिकांस देशमा लकडाउन भयो । एक मानिसबाट अर्को मानिसमा भाइरस सर्ने भएकाले पनि विश्व स्वास्थ्य संगठनको सल्लाहअनुसार सामाजिक तथा भौतिक दुरी कायम गर्न लकडाउन अनिवार्य भनियो । अधिकाँस मानिसहरू घरमै रहेकाले उक्त समयमा ओटीटी लोकप्रिय भयो । डिजिटल कन्टेनले राम्रो दर्शक पाएपछि त्यसमा लगानीकर्ता पनि बढिरहेका छन् । फिल्मको तुलनामा वेब सिरिजमा स्वतन्त्र तरिकाले कथा देखाउन पाउने भएकाले निर्देशकहरू समेत विभिन्न कन्टेन लिएर दर्शक समक्ष पुगिरहेका छन् । जसमध्ये केहीवेब सिरिजलाई दर्शकले रुचाएका छन् । आज हामी पनि यस्तै केही भारतीय वेब सिरिजको चर्चा गर्दैछौँ, जसलाई हेरेर तपाइले दसैंको फुर्सदलाई सदुपयोग पनि गर्न सक्नुहुनेछ ।

स्क्याम १९९२ : हर्षद मेहता स्टोरी

सोनी लिभमा रिलिज भएको सिरिज मध्येको सर्वाधिक चर्चित सिरिज हो ‘स्क्याम : १९९२ : हर्षद मेहता स्टोरी’ । यसले निकै राम्रो लोकप्रियता पायो । सेयर मार्केटमा छिर्ने उदेश्यमा रहेका प्रायलाई यसले बजारको बास्तविकता देखायो । सिरिज आफैमा राम्रो थियो नै लकडाउनमा घर रहेर सेयर कारोबार गर्न चाहनेको लागि यो महत्वपूर्ण बन्यो । फलत: यसले राम्रो सफलता पायो । पहिलो सिजन पश्चात यतिबेला यसको दोस्रो सिजनको पर्खाइमा दर्शकहरू छन् ।

यस सिरिजले आइएमडीबीमा सबैभन्दा धेरै रेटिङ पाउने वेब सिरिजमा आफूलाई अगाडि राखेको छ । यसले ९.५ रेटिङ पाएको छ । जुन अत्यधिक हो । हंसल मेहताले निर्देशन गरेको सिरिजले उक्त समयका प्रधानमन्त्री पीभी नरसिंह रावसमेत संलग्न भएको सेयर बजार घोटालाको कथा प्रस्तुत गर्छ । सत्यकथामा आधारित वेबसिरिज सुचेता दलालको पुस्तकमा आधारित छ । सिरिजमा प्रतिक गान्धीले मेहताको भूमिका निर्वाह गरेका छन् । उनले यस सिरिज मार्फत आफूलाई स्थापित गरेका छन् । यसमा श्रेया धन्वन्तरी, हेमन्त खेर, अन्जली बारोत, चिराग बोहरालगायतको अभिनय छ ।

हर्षद शान्तीलाल मेहता, भारतीय धितोपत्र बजारमा सायदै यस्ता लगानीकर्ता होलान् जसले उसको नाम नसुनेको होस् । भारतीय सेयरबजारका मात्र होइन, विश्व सेयरबजारका लगानीकर्ताहरूमाझ मेहता प्रख्यात छन्। सेक्यूरिटिज स्क्याम १९९२ मा मुछिनुभन्दा अघि हर्षद मेहता दलाल स्ट्रीटका एक प्रख्यात नाम थियो । उनलाई अक्सर दलाल स्ट्रीटका ‘बिग बुल’ मानिन्थे । चर्चित भएका कारण उनले भारतीय सेयर बजारका ‘अमिताभ बच्चन’ को उपनाम पनि पाएका थिए। सेक्यूरिटिज स्क्याम अफ १९९२ करिब चार हजार करोडको मानिन्छ, जुन आजको समयमा हिसाब गर्ने हो भने २० हजार करोड हुन आउँछ।

असुर

पछिल्लो समय चर्चामा सिरिज मध्य अग्रपंक्तिमामा छ, असुर । क्राइम, मिष्ट्री र थ्रिलर श्रेणीमा राखिएको यो सिरिजले धेरै दर्शकको मन जिति छ । सिरिजमा देखाइएको कथा नयाँ त छैन तर यसको प्रस्तुतीकरण भने अन्यभन्दा भिन्न छ । क्राइम गर्नुको कारण र क्राइम गर्ने शैली भने अन्य सिरिजको तुलनामा केहीफरक छ । यसलाई ओनी सेनले निर्देशन गरेका हुन् । अरसद वारसी, बरुण सोवित, अनुप्रिया गोइंका, रिधी डोग्रालगायतको अभिनय सिरिज हेरिसकेपछि यसको दोस्रो सिजन नकुर्ने कमै हुन्छन् । यसले भारतमा भएको विभिन्न स्थानको हत्या सुल्झाउन लागिरहेका एफबिआइको कथा भन्छ । सिरिजले दर्शकलाई उत्साहित मात्र बनाएण, दोस्रो भागको प्रतिक्षामा समेत राख्यो । तर, दोस्रो भागको बारेमा केहीजानकारी आएको थिएन । यद्दपी पछिल्लो समय यो सिरिज दोस्रो भागको लागि फ्लोरमा गएको छ । यसको पहिलो सिजनलाई भुट नामक एप्समा हेर्न सकिनेछ ।

द फ्यामिली म्यान

मनोज बाजपायी अभिनित सिरिज ‘द फ्यामिली म्यान’ रुचाइएको सिरिज मध्येको एक हो । एक व्यक्ति कसरि पारिवारिक दायित्वसँगै आफ्नो कर्म पुरा गर्छ भन्ने विषयमा सिरिज केन्द्रीत छ । मनोज टास्कका सिनियर अफिसर हुन्छन् । उनले आफ्नो देशलाई बचाउन गर्ने संघर्ष र परिवार प्रति निर्वाह गर्ने दायित्वलाई सिरिजमा देखाइएको छ । यसलाई राज निदिमोरु र कृष्णा डीकेले निर्देशन गरेका छन् । यसमा मनोजसँगै प्रियामानी, शारिब हास्मी, निरज माधव, किशोर कुमार, पवन चोपडा, सुदीप किसनलगायतको अभिनय छ । इन्डियामा आतंकवादीले गर्न खोजेको एक ग्यास अट्याकको बिषयमा सिरिज केन्द्रित छ ।

पहिलो सिजन झैँ यसको दोस्रो सिजनलाई पनि दर्शकले रुचाएका छन् । प्राइम भिडियोमा यसको दुई सिजन राखिएका छन् । दोस्रो सिजनमा मनोज बाजपेयी, समान्था अक्किनेनी, प्रियमणि, शरिब हश्मीलगायतका कलाकारको अभिनय छ । साउथ फिल्मनगरीकी हिरोइनको आगमनले सिरिजलाई चर्चित बनायो । फिल्ममा मनोज अघिल्लो सिजन झैँ स्पाइ एजेन्ट हुन्छन् । यसपटक उनले आफ्नो टास्कको काम छाडेर नयाँ काम सुरु गरेका छन् ।

समान्तर

एमएक्स प्लेयरमा रिलिज भएको सिरिजमा समान्तर पनि चर्चामा छ । मराठी सिरिज ‘समान्तर’ ले राम्रो चर्चा पायो । एक व्यक्तिले सफलता पाउन नसकेपछि भविष्य जान्न चाहन्छ । तर, उसको भविष्य एक व्यक्तिसँग मिल्छ । त्यसपछि उसले त्यहि खोज्न थाल्छ । कथा यसमै केन्द्रित छ । सानो बजेटमा निर्माण गरिएको सिरिजले समान्तर रुपमा जीवन चल्ने दुई व्यक्तिको कथालाई देखाएको थियो । यस कन्सेप्टलाई दर्शकले रुचाए । एउटा व्यक्ति जो जीवनबाट निराश छ, उसले आफ्नो भविष्यलाई अरुले भुतकालमा विताईसकेको थाहा पाएपछि आउने रोचक कथालाई यसको पहिलो सिजनमा देखाइएको छ । आफ्नो भविष्यलाई एक दिन अगावै देख्ने अवसर पाएको कुमार महाजनको जीवनमा सिरिज घुमेको छ । उनको जीवनलाई सुदर्शन चक्रपाणी चालिसे भन्ने क्यारेक्टरले विताई सकेका हुन्छन् ।

यसमा स्वप्निल जोशीको कामको तारिफ पनि गरिएको छ । यसमा स्वप्निलसँगै नितिश भारद्वाज, कृष्णा भारद्वाज, तेजस्विनी पण्डित, गणेश रेवडेकर, जयन्त स्वारकरलगायतको अभिनय छ । यसलाई सतिश राज्वाड़ेले निर्देशन गरेका हुन् । चक्रपाणीसंग उनको भोगाईको डायरी लिएर जीवनलाई सुन्दर बनाउने तयारी गरिरहेका कुमारले भविष्य देख्दा देख्दै भोग्ने पिडालाई दोस्रो भागमा देखाइएको छ । उनलाई भोलि हुने घटना थाहा छ । अब उनले भविष्यलाई चक्रपाणीकोभन्दा फरक बनाउन सक्छन त ? भन्ने नै सिरिजको आकर्षण हो ।

अम्बर हडापको लेखन तथा स्क्रीनप्ले सिरिजलाई समीर विडवाले निर्देशन गरेका छन् । यसमा कुमार महाजनको भूमिकामा स्वप्निल जोशी रहेका छन् भने चक्रपाणीको भूमिका नितिश भारद्वाजले गरेका छन् । यसमा स्वप्निल र नितिशसंगै तेजस्विनी पण्डित, साइ तम्हानकरको मुख्य भूमिका छ । यसको दुई सिजनलाई एमएक्स प्लेयरमा हेर्न सकिनेछ ।

स्पेसल ओपिएस

नीरज पाण्डेको विशेषता नै इण्डो-पाक स्टोरी हो । स्पेसल ओप्स यस्तै छ । भारतमा पार्लामेन्टमा भएको अट्याकमा यो केन्द्रित छ । नीरज पाण्डे र शिवम नैरले मिलेर यो सिरिजको निर्देशन गरेका छन् । सन् २००१ मा भएको अट्याकमा आधारित सिरिजले फिल्मकै झल्को दिन्छ । अट्याकमा आएका सबै आतंकवादी पक्राउ पर्छन् तर योजनाकार भने फरार हुन्छन् । उक्त योजनाकारलाई नै पक्राउ गर्ने मिसनमा सिरिज केन्द्रित छ । असमा केके मेनन, मुज्जमिल इब्राहिम, करण टेकर, सना खान, विपुल गुप्ता, सैयामी खेर, मेहर बिज, दिव्या दत्त, विनायक पाठकलगायतको अभिनय छ । यसलाई डिज्ने प्लस हटस्टारमा रखिएको छ । निर्देशक पाण्डे यसको सफलता पश्चात यसको एक क्यारेक्टर केके मेननको भूमिकालाई लिएर ‘स्पिन अफ’ स्पेसल ओप्स १.५ तयार गरिरहेका छन् ।

मिर्जापुर

वेब सिरिज मिर्जापुर दुई सिजनलाई दर्शकले उत्तिकै रुचाएका छन् । प्राइम भिडियोमा उपलब्ध दुई सिजननै दर्शक माँझ लोकप्रिय छन् । पहिलो सिजनको सफलतापछी निर्माण कम्पनिले यसको दोस्रो समेत दर्शक माँझ ल्याईसकेको छ । भारतको उत्तर क्षेत्रमा हुने गरेको अराजकता, हतियार र ड्रग्सका विषयलाई समेटेर तयार पारिएको सिरिजमा बदलाको भाव देखाइएको छ । रिभेन्ज स्टोरी सिरिजमा पंकज त्रिपाठी, अली फजल, दिव्येन्दु शर्मा, श्वेता त्रिपाठी शर्मा, रसिका दुगल, हर्षिता शेखर गौड, अमित सियाल, अञ्जुम शर्मा, शीबा चड्ढा, मनु ऋषि चड्ढा र राजेश तैलंगलगायतका कलाकारको अभिनय छ । यसको तेस्रो सिजनको प्रतीक्षा दर्शक छन् ।
आश्रम

निर्देशक प्रकाश झा निर्देशित सिरिज ‘आश्रम’को दुई सिजन एमएक्स प्लेयरमा उपलब्ध छन् उनले बोबी देओललाई लिएर ओटीटीमा डेब्यु गरेका थिए । डेब्यु सिरिजमै उनले सफलता हात पारेका छन् । दर्शक माँझ यसको उपलब्ध दुई सिजननै लोकप्रिय छ । धार्मिक गतिविधि मार्फत राजनीति र देशमा भइ अंधकार भित्र खेलमा देखाइएको सिरिजमा बबी देओलले बाबाको भूमिका निर्वाह गरेका छन् । उनी यस किसिमको भूमिकामा पहिलोपटक देखिएका हुन् ।

केही अगाडिसम्म अभिनयबाट टाढिएका बबीले कमब्याक गरेसँगै फिल्म र सिरिजमा काम गरिरहेका छन् । निर्देशक झाले पनि बबीले भूमिकालाई न्याय गरेको बताएका छन् । उनले सिरिजलाई पनि फिल्मकै शैलीमा निर्माण गरेका छन् । धर्मको आडमा चलि अपराधिक क्रियाकलाप देखाउने प्रयास उनले गरेको देखिन्छ। निर्देशक झा यतिबेला आश्रमको तेस्रो सिजनको छायांकनमा व्यस्त छन् ।


प्रतिक्रिया दिनुहोस !


कांग्रेसद्वारा कुशवाहामाथि दुव्र्यवहार गर्नेउपर कारवाहीको स्वागत



नेपाली कांग्रेसले खानेपानी तथा ढल व्यवस्थापन आयोजना कार्यालय जनकपुरका प्रमुख राजेश कुशवाहामाथि दुव्र्यवहार गर्ने दोषीलाई कानुनी कारवाही गर्न सरकारले अघि बढाएको प्रक्रियाको स्वागत गरेको छ ।

कांग्रेस प्रवक्ता विश्वप्रकाश शर्माले आज एक विज्ञप्तिमार्फत राजनीति, प्रशासन तथा समग्र समाजमा रहेका बेथितिविरुद्ध प्रश्न उठाउनु र स्वच्छ समाजको खोजी गर्नु सबैको कर्तव्य भएको उल्लेख गर्दै कानुन हातमा लिने, बलजफती र हुल हुज्जत गर्ने कार्य भने सभ्य समाजको परिचायक हुन नसक्ने बताउनुभएको छ ।

यस्तो घटना आपत्तिजनक र निन्दनीयसँगै कडा कारवाहीको विषय बन्ने जनाउँदै उहाँले जनकपुरको घटनाले नेपाली इञ्जिनीयर, कर्मचारी र सभ्य समाजमा विश्वास गर्ने सबैलाई मर्माहत बनाएको उल्लेख गर्नुभएको छ ।

कांग्रेसले सहकर्मीउपर गम्भीर दुव्र्यवहार हुँदा इञ्जिनीयर आक्रोशित र आन्दोलित हुनु स्वभाविक भएको जनाउँदै सुरु कानुनी कारवाहीसँगै राज्यको सक्रियताले यसलाई सम्बोधन गर्ने विश्वास लिएको छ । शान्तिपूर्ण राजनीतिमा सहभागी हुने उद्घोष गरेका हरेक दल र संस्थाले आफ्ना समर्थक तथा सदस्यलाई तदनुकूलको संस्कार र व्यवहारमा रुपान्तरण गर्नु सम्बन्धित दल नेतृत्वको कर्तव्य हुने कांग्रेसले स्मरण गराएको छ ।

हुलहुज्जतको बाटोबाट समुन्नत समाजमा पुग्न नसकिने उल्लेख गर्दै कांग्रेसले हरेक दल, नेतृत्व, सदस्य, समर्थक र नागरिकले यसलाई गहिरो आत्मसात् गर्नुपर्ने आवश्यकताका साथ थप सजगता तथा कडाइका लागि सरकारसँग अपिल गरेको छ ।

प्रतिक्रिया दिनुहोस !

एकीकृत समाजवादीले तीन महिने संगठन विस्तार अभियान चलाउने



सीपी लोहिया,/न्युज कारखाना

बैतडी, ६ कात्तिक

नेकपा (एकीकृत समाजवादी) बैतडीको पहिलो विस्तारित बैठक विभिन्न निर्णयहरु गर्दै सम्पन्न भएको छ । बैठकले तीन महिने संगठन विस्तार अभियान सञ्चालन गर्ने निर्णय गरेको छ । संगठन विस्तार अन्तर्गत पालिकाका कमिटीहरु गठन गर्ने, अहिले गठन प्रक्रियामा रहेका वडा कमिटी गठनलाई निरन्तरता दिने, जनवर्गीय संगठनहरु विस्तार गर्ने, नयाँ सदस्यता थप गर्ने र पुरानालाई नवीकरण गर्ने बताइएको छ ।

शनिबार आयोजित पत्रकार सम्मेलनमा पार्टीका पोलिटब्यूरो सदस्य तथा बैतडी जिल्ला इन्चार्ज परमानन्द भट्टले अबको तीन महिना संगठन विस्तार र सुदृढीकरणमा लाग्ने बताए । विस्तारित बैठकले जिल्ला सचिवालय गठन गर्ने तथा जिल्ला कमिटी सदस्यहरु थप गर्ने निर्णय गरेको छ ।

सचिवायल सदस्यको टुंगो लगाउने जिम्मेवारी जिल्ला कमिटीका पदाधिकारीलाई दिएको छ । जिल्ला पदाधिकारीले नै स्थानीय तहका इन्चार्जहरु तोक्नुका साथै जनवर्गीय संगठनका इन्चार्जसमेत तोक्ने निर्णय गरेको छ । सचिवालय सदस्यमा यसअघि नेकपा एमालेमा छँदा सचिवालय सदस्य र जिल्ला कमिटी सदस्य रहेका ब्यक्तिलाई स्वतः समावेश गर्ने र जिल्ला कमिटी सदस्यको टुंगो पदाधिकारी बैठकले लगाउने बताइएको छ ।

पार्टीले केही दिनअघिको अविरल वर्षाका कारण विपदमा परेका बैतडीवासीका पीडाहरु सरकार समक्ष पुर्‍याउने जनाएको छ । बाढी पहिरो पीडितका लागि तत्काल राहत तथा पुनर्स्थापनाका काम अघि बढाउन सरकारलाई आग्रह गरेको छ ।

यसैगरी स्थानीय तहमा भइरहेको भ्रष्टाचार न्यूनीकरणका लागि पहल गर्ने, सार्वजनिक मुद्दामा बहस गर्ने, विकास निर्माणका काममा हुने ढिलाईको कारण खोजी र कार्यान्वयन पक्षलाई बलियो बनाउने निर्णयसमेत भएको पोलिटब्यूरो सदस्य भट्टले बताए । उनले भने, ‘हामी अब पार्टी संगठन विस्तारको कामलाई तीब्रता दिनुका साथै आम जनताका सानादेखि ठूला मुद्दामा केन्द्रीत हुन्छौं ।’

उनले अहिले सरकारमा रहेका दलहरुको गठबन्धन आगामी चुनावसम्म रहने र चुनाव जितेरै छाड्ने दावी गरे ।

पत्रकार सम्मेलनमा नेकपा (एस) का प्रदेश सहसचिव एवं सुदूरपश्चिम प्रदेशका पूर्वउद्योग पर्यटन वन तथा वातावरण मन्त्री माया भट्टले आफ्नो पार्टी अहिले पनि सरकारमा भएकाले जनजिविकाका सवालहरुमा केन्द्रीत रहेको बताइन् ।

उनले भनिन्,‘सुदूरपश्चिम प्रदेश सरकारमा हाम्रो पार्टीको बाहुल्यता छ । केन्द्र सरकारमा हाम्रो पार्टीको गठबन्धन छ । त्यसैले दुबै सरकारसँग हामी जनजीविकाका सवालमा कुरा उठाउछौं । अहिले बर्षाका कारण विपदमा परेका बैतडीबासीका समस्यालाई हल गर्न, उनीहरुको पुनर्स्थापना गर्न हामी पहल गर्छौ ।’

पार्टीको केन्द्रीय सदस्यसमेत रहेकी भट्टले केन्द्रीय नेताका कारण पार्टी विभाजन भएकाले यसमा आफूहरुको कुनै गल्ती नरहेको बताइन् । उनले आफ्नो पार्टी अहिले सानो भए पनि जिल्लाका पुराना नेताको खोजी गरी उनीहरुसँगको सहकार्यमा अगाडि बढ्ने बताइन् ।

पत्रकार सम्मेलनमा नेकपा (एस) का जिल्ला अध्यक्ष महादेव भट्टले विगतमा भएका गल्ती कमजोरीलाई सुधार्दै नेकपा (एस) बलियो पार्टीको रुपमा स्थापित हुने बताए । उनले आगामी निर्वाचनमा बैतडीका ५० प्रतिशत स्थानीय तहमा आफ्नो पार्टीले चुनाव जित्ने दावी गरे ।

प्रतिक्रिया दिनुहोस !

वैशाखयताका विपद्जन्य घटनामा ३५३ को मृत्यु



यही वर्षको वैशाखयता विपदजन्य घटनामा परेर ३५३ जनाले ज्यान गुमाएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार उक्त अवधिमा ८० जना हराइरहेका छन् ।

सबैभन्दा बढी पहिरामा परेर १६१ को मृत्यु भएको तथ्याङ्कमा उल्लेख छ । त्यसपछि बाढीबाट ५२ र चट्याङ लागेर ४९ जनाको मृत्यु भएको छ । भारी वर्षाले १८, सर्पले टोकेर २०, आगलागीबाट १८, जनावरको आक्रमणबाट २८, डढेलो, हावाहुरी र महमारीबाट सात जनाले ज्यान गुमाएका छन् । बेपत्ता भएका ८० मध्ये पहिरामा ४२ र बाढीमा ३७ जना परेका छन् ।

प्राधिकरणका अनुसार उक्त अवधिमा दुई हजार ९० वटा विपद्का घटना भएका छन् । कूल एक हजार २८४ जना घाइते भएको विवरण छ । कूल तीन हजार ४४३ घर परिवार प्रभावित भएका छन् भने रु एक अर्ब बढीको क्षति भएको छ । पछिल्लो वर्षाका कारण मात्रै १११ जनाले ज्यान गुमाएका छन् भने ३५ बेपत्ता रहेका छन् । मनसुनको अवधिमा १३६ जनाले ज्यान गुमाएका थिए । यसपाली बेमौसमको वर्षाले झन ठूलो क्षति गराएको छ ।

मनसुनको समयमा समेत १५ प्रतिशत बढी पानी परेको थियो । अहिलेको वर्षाले भने लगाएको धानखेतीमा ठूलो क्षति गराएको छ । सबै क्षतिको विवरण सङ्कलनको क्रममै रहेको गृह मन्त्रालयले जनाएको छ ।

प्रतिक्रिया दिनुहोस !

ताजा

लोकप्रिय

%d bloggers like this: