१४ मंसिर २०७८, मंगलवार
 |   Tue Nov 30 2021
Logo

के को दश बुँदे ? औचित्य समाप्त भई सक्यो : ओली



काठमाडौं । नेकपा एमालेका अध्यक्ष केपी शर्मा ओलीले १० बुँदे सहमतिको औचित्य समाप्त भएको बताउनुभएको छ । पार्टी फुटबाट जोगाउन सकिन्छ कि भनेर १० बुँदे गरिएको तर, माधव नेपालले पार्टी फुटाएसँगै त्यसको औचित्य सकिएको उहाँको भनाइ छ । एमालेमा तत्कालीन माधव नेपाल समूह छोडेर बसेका ‘तेस्रो धार’का नेताहरुले १० बुँदे कार्यान्वयनमा जोड दिइरहेका बेला ओलीको यस्तो धारणा आएको हो । के को दश बुँदे ? हामीले अझैपनि माधव नेपालसँग झुक्किएर गएकालाई आऊ भनिरहेका छौँ । तर, माधव नेपाललाई नो इन्ट्री’ आज पार्टीको बाग्मती प्रदेश अधिवेशन आयोजक कमिटीको बैठकलाई सम्बोधन गर्दै ओलीले भन्नुभयो ।

‘अब १० बुँदे-१० बुँदे ट्यान्ड्याङ, ट्यान्ड्याङ गरिरहन आवश्यक छैन, माधव आउँछन् कि, पार्टी फुटाउँदैन कि भनेर १० बुँदे गरियाथ्यो, अब केको १० बुँदे ? उपाध्यक्ष भीम रावल,घनश्याम भुसाललगायतका नेताहरुले १० बुँदे अनुसार पार्टीमा जिम्मेवारी नपाएको गुनासो गरिरहेका बेला ओलीले माधव नेपाल छोडेर आउनेलाई उचित भूमिका दिने पनि बताउनुभयो । माधव नेपाललाई भने कुनै हालतमा एमालेमा ल्याउन नसकिने उहाँको भनाइ छ । एमालेमा अन्तरसंघर्ष चर्किंदै जाँदा आन्तरिक एकताका लागि भन्दै १० बुँदे सहमति भएको थियो । उक्त सहमतिप्रति असन्तुष्टि जनाउँदै माधव नेपालले छुट्टै पार्टी दर्ता गरे पनि माधव समूहका १० जना स्थायी कमिटी सदस्य भने एमालेमै फर्किएका थिए ।


प्रतिक्रिया दिनुहोस !


बालिका मृत्युकाे विषयलाई लिएर स्थानीय र प्रहरीबीच झडप, नाै जना सुरक्षाकर्मी घाइते



कपिलवस्तु, १४ मंसिर

सवारी दुर्घटनामा बालिका मृत्युको विषयलाई लिएर प्रहरी र स्थानीयबीच झडप हुँदा नाै जना सुरक्षाकर्मी घाइते भएका छन् । यशोधरा गाउँपालिका ६ सुठौली कार्यालय नजिकै लु ३ त ७६ नम्बरको ट्याक्टरले ठक्कर दिँदा १२ वर्षीय बालिका सुमन यादवकाे मृत्यु भएकाे थियो ।

मृत्युको विषयलाई लिएर सवारी साधन तोडफोड गर्न खोजेका स्थानीयवासी र प्रहरीबीच झडप भएको हाे ।  स्थितिलाई नियन्त्रणमा ल्याउन प्रहरीले पाँच राउण्ड र सशस्त्र प्रहरीले ६ राउण्ड अश्रु ग्यास फायर गरेका थिए ।  झडपमा परी प्रहरी निरीक्षक विजय सिंह, प्रहरी सहायक निरीक्षक पराग यादव, प्रहरी हवलदार कैलासकोटी चौधरी, प्रहरी जवान भुवन घर्ती, बाल गोविन्द कुर्मी, अनिल थारु, राज कुमार तेली, विवेक खत्री र कमल थापा घाइते भएका छन् ।  

अश्रु ग्यास प्रहारपछि प्रहरीले भिड नियन्त्रणमा लिएको थियो । अहिले अवस्था सामान्य रहेको छ । 

प्रतिक्रिया दिनुहोस !

एमाले महाधिवेशन : मतगणना सुरू, दुई घण्टामा परिणाम आउने



काठमाडौं, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको भएको निर्वाचनको मतगणना सुरू भएको छ । केहीबेर अघिबाट भएको मतदानको परिणाम दुई घण्टामा आउने बताइएको छ । 

दुई हजार १५३ जना प्रतिनिधि रहेकामा दुई हजार ९६ मत खसेको छ । विद्युतीय मेसिनबाट मतदान गरिएकाले परिणाम चाँडै आउने भएको छ । 

अध्यक्षमा केपी शर्मा ओली र भीम रावलको प्रतिस्पर्धा छ । 
 

प्रतिक्रिया दिनुहोस !

एमाले महाधिवेशन : २०९६ मत खस्यो, अब मतगणना सुरू हुने



चितवन, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको मतदानमा दुई हजार ९६ मत खसेको छ । 

कुल मतदाता दुई हजार १५३ जना रहेकामा दुई हजार ९६ मत खसेको निर्वाचन अधिकृत कमद पाठकले जानकारी दिए । उनकाअनुसार अबको केहीबेरमै मतगणना सुरू हुनेछ । 

विद्युतीय मेसिनबाट मतदान गरिएकाले चाँडै नै परिणाम आउने बताइएको छ । मतदान सकिएसँगै मुचुल्का उठाउने काम भइरहेको र अब केही समयमै मतगणना सुरू हुने अधिकृत पाठकले बताए । 

मतगणना भएको दुई घण्टामै परिणाम आउने अध्यक्ष पदका उम्मेदवार भीम रावलले जानकारी दिए । 

प्रतिक्रिया दिनुहोस !

%d bloggers like this: