१९ मंसिर २०७८, आईतवार
 |   Sun Dec 5 2021
Logo

चितवन कांग्रेस प्रदेशसभा क्षेत्रीय अधिवेशन : १ (क) मा कडा प्रतिस्पर्धाबीच मल्लको प्यानल नै विजयी



चितवन, ४ मंसिर

नेपाली कांग्रेसको १४औँ राष्ट्रिय महाधिवेशनअन्तर्गत चितवनका ६ वटा प्रदेशसभा क्षेत्रीय अधिवेशन सम्पन्न भएको छ । अधिवेशनबाट एक सभापति र दुई-दुई जना उपसभापति, सचिव र सहसचिव निर्वाचित भएका हुन् ।

हरेक क्षेत्रबाट १६ देखि १८ जनासम्म प्रदेश महाधिवेशन प्रतिनिधि निर्वाचित भएका छन् । सबै क्षेत्रबाट निर्वाचनको मतपरिणाम आइसकेको छ । ६ जना प्रदेशसभा क्षेत्रीय सभापतिका लागि १८ जनाले उम्मेदवारी दिएका थिए ।

चितवन निर्वाचन क्षेत्र नं १ (क)मा प्रतिस्पर्धाबीच सभापतिका उम्मेदवार गणेश मल्ल विजयी भएका छन् । सभापतिका लागि मल्ल र कृष्णबहादुर श्रेष्ठ चुनावी प्रतिस्पर्धा भएको थियो ।

मल्ल एक मत मात्रै बढी ल्याएर सभापतिमा विजयी भएका मुख्य निर्वाचन अधिकृत कमलमोहन पोखरेलले जानकारी दिए । क्षेत्रीय अधिवेशनमा मल्लको प्यानलै विजयी भएको हो । मल्लले १७६ मत प्राप्त गर्दा उनका प्रतिद्धन्द्धी श्रेष्ठले १७५ मत ल्याएका थिए ।

उपसभापतिमा प्रकाश श्रेष्ठ र राजु चौधरी, सचिवमा दीपेन्द्र रोक्का र संगीता चौधरी र सहसचिवमा कृष्णप्रसाद पाठक र पदमबहादुर मोक्तान विजयी भएका हुन् ।

निर्वाचन क्षेत्र नं १ (ख)को सभापतिमा गोविन्द गौतम विजयी भए । गौतमले २७९ मत प्राप्त गर्दा उनका निकटतम प्रतिद्वन्द्वी रामहरी न्यौपानेले २६५ मत प्राप्त गरे । अर्का प्रतिस्पर्धी सुजन थापाले जम्मा १९ मत मात्रै प्राप्त गरे ।

उपसभापतिमा इन्द्रलाल न्यौपाने र डिल्लीप्रसाद छत्कुली निर्वाचित भए । सचिवमा देवेन्द्रबहादुर भुजेल र मनोज चौधरी निर्वाचित भएका छन् । त्यस्तै, सहसचिवमा गीता दाहाल र रामसिंह चौधरी निर्वाचित भएका हुन् ।

२ (क)को सभापतिमा जनार्दन दाहाल विजयी भएका छन् । उनले २२९ मत प्राप्त गरे । उनका निकटम प्रतिद्वन्द्वी हरिप्रसाद भण्डारीले १९५ मत मात्रै प्राप्त गरे । अर्का प्रतिस्पर्धी राजकुमार गुरुङले जम्मा ५० मत पाए ।

उपसभापतिमा केशवराज रिमाल र मिठु गौतम सुवेदी, सचिवमा कुमबहादुर गुरुङ र ठाकुर लामिछाने र सहसचिवमा सोमराज आचार्य र सुजन थापा निर्वाचित भएकाे निर्वाचन अधिकृत सुशील घिमिरेले जानकारी दिए ।

२ (ख)को सभापतिमा रोशन शाही ठकुरी विजयी भए । ठकुरीले २६१ मत प्राप्त गर्दा उनका निकटम प्रतिद्वन्द्वी करुणाकान्त पोख्रेलले १९८ मत प्राप्त गरे । अर्का प्रतिस्पर्धी रचन कार्कीले २३ मत मात्रै प्राप्त गरे ।

उपसभापतिमा जानकी पौडेल सापकोटा र महेन्द्रराज पौडेल विजयी भएका छन् । सचिवमा कृष्ण विलास अधिकारी र रविभन्द्र शर्मा खनाल विजयी भए । सहसचिवमा बसन्त ढकाल र सजनी भन्तना विजयी भएको मुख्य निर्वाचन अधिकृत पोख्रेलले जानकारी दिए ।

३ (क)को सभापतिमा खेमनारायण सापकोटा विजयी भए । उनले ३०८ मत ल्याए । उनका निकटम प्रतिद्वन्द्वी कमलनाथ पौडेलले १५८ मत पाए भने अर्का प्रतिस्पर्धी शालिग्राम पौडेलले ११८ मत प्राप्त गर्न सफल भए ।

उपसभापतिमा आशबहादुर गुरुङ र सूर्यकला अधिकारी कोइराला, सचिवमा आनन्द प्रसाद सुवेदी र ठाकुरप्रसाद पौडेल र सहसचिवमा डिलु गुरुङ र भरत अधिकारी पण्डित विजयी भएका छन् ।

३ (ख)को सभापतिमा चार जनाले उम्मेदवारी दिएकामा १४७ मत ल्याएर शोभाखर चापागाईँ विजयी भए । उनका निकटम प्रतिस्पर्धी ओमप्रसाद पोख्रेलले ९९ मत ल्याए भने अर्का प्रतिस्पर्धी रामबहादुर कुँवरले ७८ र अशोक लामाले २८ मत मात्रै ल्याउन सफल भए ।

उपसभापतिमा केशव बसेल र लिलाराज भुसाल, सचिवमा गोविन्द शर्मा र सूर्य अधिकारी र सहसचिवमा नेत्रराज आचार्य र मोहदत्त काफ्ले निर्वाचित भएका छन् ।


प्रतिक्रिया दिनुहोस !


माओवादी केन्द्रको राष्ट्रिय भेलाः गुरुङको भागमा विधान, हितमानलाई व्यवस्थापनको जिम्मा



काठमाडौं, १९ मंसिर

नेकपा माओवादी केन्द्रले आगामी ११–१३ पुसमा हुने राष्ट्रिय सम्मेलनका लागि कार्यविभाजन गरेको छ । 

स्थायी कमिटीको बैठकपछि जारी गरिएको सर्कुलरअनुसार माओवादीको विधान परिमार्जन गर्ने जिम्मा स्थायी कमिटी सदस्य देव गुरुङले पाएका छन् । उनको संयोजकत्वमा गठन भएको विधान परिमार्जन समितिले पार्टीको आगामी विधानको परिमार्जित मस्यौदा राष्ट्रिय सम्मेलनमा पेस गर्नेछ । 

त्यसैगरी काठमाडौंमा हुने सम्मेलनको मूल व्यवस्थापनको जिम्मा हितमान शाक्य नेतृत्वको सात सदस्यीय कमिटीले पाएको छ । 

सम्मेलनको प्रचारको काम भने प्रवक्ता कृष्णबहादुर महरा नेतृत्वमा गठित उपसमितिले गर्नेछ । 

सर्कुलरअनुसार सम्मेलनमा सहभागी हुने प्रतिनिधकिो छनोट मंसिर मसान्तसम्ममा सक्नुपर्नेछ । सम्मेलनमा सहभागी कुल सदस्यको ५ प्रतिशत प्रतिनिधि केन्द्रले मनोनयन गर्ने परिपत्रमा उल्लेख छ । हरेक प्रदेशवाट ३० जनाका दरले र एक हजार पाँच सय संगठित सदस्य बराबर एकजनाले सम्मेलनमा भाग लिन पाउनेछन् । 

प्रदेशबाट प्रतिनिधित्व गर्ने ३० मध्ये एकजना अपांगता भएका र सशस्त्र विद्रोहमा घाइते भएकाहरू अनिवार्य समेटिनुपर्ने परिपत्रमा उल्लेख छ । 
 

प्रतिक्रिया दिनुहोस !

पराजित कमल थापाले भने- ‘पुरस्कार पाएँ, राजाको भलो होस्



काठमाडौं । राष्ट्रिय प्रजातन्त्र पार्टी (राप्रपा)को अध्यक्षमा पराजित भएको कमल थापाले विजयी राजेन्द्र लिङ्देनलाई बधाइ दिनु भएको छ । थापालाई २२७ मतान्तरले पराजित गर्दै लिङ्देन अध्यक्षमा निर्वाचित हुनुभएको हो ।पराजित भएपछि थापाले पार्टीको आन्तरिक प्रतिस्पर्धामा निर्मल निवासको नाङ्गो हस्तक्षेप भएको आरोप लगाउनुभएको छ । यद्यपि, उहाँले पराजयलाई सहर्ष स्वीकार गर्ने बताउनुभएको छ ।

‘प्रजातान्त्रिक मूल्य र मान्यता आत्मसात गर्दै राप्रपा अध्यक्ष पदको निर्वाचनमा भएको पराजय सहर्ष स्विकार गर्दछु । नवनिर्वाचित अध्यक्ष राजेन्द्र लिङदेनलाई बधाई तथा शुभकामना’, उहाँले भन्नुभएको छ, ‘पार्टीको आन्तरिक प्रतिस्पर्धामा निर्मल निवासको नाङ्गो हस्तक्षेपको भत्सर्ना गर्दछु ।’

थापाले २०६३ सालदेखि राजसंस्था बोकेर हिँडेको पुरस्कार आज पाइएको भन्दै गुनासो समेत गनुभएको छ । सो एजेण्डाको मूल संवाहकलाई राजाले राजनीतिक रुपमा समाप्त पार्न खोजेको पनि उहाँको आरोप छ ।

उहाँले लेख्नुभएको छ– ‘सिङ्गो मुलुक गणतन्त्रमय भएको बेला शिरमा कफन बाँधेर २०६३ साल देखि राजसंस्था बोकेर हिँडेको पुरस्कार आज पाइयो । सो एजेण्डाको मूल संवाहकलाई राजनीतिकरुपमा समाप्त पार्न गरिएको चेष्टाले राजाको भलो होस् । हार्दिक शुभकामना ।’

प्रतिक्रिया दिनुहोस !

नेपाली काँग्रेस प्रदेश- २ को अधिवेशन स्थगित, नेतृत्व चयन महाधिवेशनपछि मात्र हुने



काठमाडौ । नेपाली कांग्रेसको प्रदेश- २ को अधिवेशन उद्घाटनपछि स्थगित भएको छ । प्रदेश २ का धनुषाबाहेक केही जिल्लाबाट मतदाता नामावली नआएका कारण हाललाई अधिवेशन रोकिएको निर्वाचन समितिले बताए ।अब प्रदेश- २ को नेतृत्व चयन महाधिवेशनपछि मात्र हुने बताइएको छ। प्रदेश अधिवेशनको उद्घाटन भएको तीन दिन बितिसक्दा पनि मनोनय दर्तालगायत चुनावी प्रक्रिया अगाडि बढेको छैन।

यता प्रदेश सभापतिलगायत पदहरूमा आकांक्षीहरूले औपचारिक रुपमा उम्मेदवारीसमेत घोषणा गरिसकेका छन्।प्रदेशका ८ जिल्लाका ३२ प्रदेशसभा निर्वाचन क्षेत्रमध्ये हालसम्म सात वटा निर्वाचन क्षेत्रमा अधिवेशन नभएकाले प्रदेश अविधेशन स्थगित भएको निर्वाचन समितिले बताए।सर्लाहीका चार निर्वाचन क्षेत्र, बाराका प्रदेश निर्वाचन क्षेत्र २ ९ख०, सप्तरीको निर्वाचन क्षेत्र नम्बर ४, र रौतहटको निर्वाचन क्षेत्र नम्बर ४ बाट प्रतिनिधि छनोट हुन सकेका छैनन्।

सर्लाहीमा त अहिलेसम्म वडा अधिवेशनसमेत हुन सकेको छैन। निर्वाचन समितिकाअनुसार सर्लाही जिल्लामा अधिवेशनको प्रक्रियामा झमेला देखिएको छ।जिल्लाका निर्वाचन समितिहरूबाट प्राप्त हुनुपर्ने मतदाता नामावली साँझसम्म उपलब्ध नभएकाले पूर्वघोषित निर्वाचन तालिकाअनुसार शनिबार पनि मतदाता नामावली प्रकाशन हुन सकेन।

मतदाता नामावली नै प्रकाशन हुन नसकेको कारण आइतबार हुने भनिएको मनोनयन पत्र दाखिला पनि स्थगित भएको छ। रौतहट र सप्तरी जिल्लामा प्रतिनिधि छनोटको काम सम्पन्न भइसकेको बताइए पनि निर्वाचन समितिमा नामावली प्राप्त हुन सकेन।” श्रोतका अनुसार प्रदेशको नेतृत्व चयनको प्रक्रिया अब महाधिवेशनपछि मात्र हुनेछ।

प्रतिक्रिया दिनुहोस !

ताजा

लोकप्रिय

%d bloggers like this: