१४ मंसिर २०७८, मंगलवार
 |   Tue Nov 30 2021
Logo

भरतपुरमा ६ जना मन्त्री उतारेर प्रचण्डले गरे ‘विकास बहस’



चितवन, ६ मंसिर

आफू र नेकपा माओवादी केन्द्रलाई सिध्याउनकै लागि एमालेले चितवनमा महाधिवेशन गर्न लागेको बताउँदै आएका प्रचण्डले भरतपुरमा सोमबार ६ जना मन्त्री उतारेर ‘विकास बहस’ गरेका छन् । सत्तारुढ गठबन्धनका नेता प्रचण्डले संघका चार र प्रदेशका दुई मन्त्री भरतपुरमा ल्याएर विकास बहस गरेका हुन् ।

भरतपुर महानगरपालिकाको आयोजना भनिए पनि नजिकिँदो स्थानीय तहको चुनाव र एमालेको महाधिवेशनलाई लक्षित गरेर समृद्ध भरतपुरको लागि विकास बहस नामक कार्यक्रमको आयोजना गरिएको हो । बहस कार्यक्रमका लागि अर्थमन्त्री जनार्दन शर्मा, उर्जामन्त्री, जलस्रोत तथा सिंचाईमन्त्री पम्फा भुषाल, पर्यटनमन्त्री प्रेम आले, मन्त्रीपरिषद् कार्यालयका राज्यमन्त्री उमेश श्रेष्ठ, बाग्मती प्रदेशका आर्थिक मामिलामन्त्री सालिकराम जम्कट्टेल र आन्तरिक मामिलामन्त्री कृष्ण खनाल आएका थिए ।

कार्यक्रमलाई सम्बोधन गर्दै प्रचण्डले यतिबेला देशका धेरै मानिसको ध्यान चितवनतर्फ रहेको भन्दै चितवनमा पक्कै केही कुरा लुकेको बताए । ‘अब चितवनमा के हुन्छ ? भनेर सोध्छन् । भोजपुर गयो त्यही छ, सर्लाही गयो त्यहि छ, महोत्तरी, रौतहट गयो त्यही छ । भनेपछि चितवनमा पक्कै केही छ,’ उनले भने, ‘त्यत्तिकै त चितवनमा सबैको ध्यान गएकाे हाेइन नी ।’

कुनै दललाई आरोप लगाउने मुडमा नरहेको भन्दै उनले सबैले चितवन रोज्नुमा पनि केही कुरा लुकेको हुनसक्ने बताए । भरतपुर महानगरपालिकामा भएको विकासको यात्रा भत्किन नहुने उनले बताए । महानगरपालिकाको विकासका निम्ति रेणु दाहालको समर्पणबाहेक अन्य केही स्वार्थ नरहेको उनले दाबी गरे । ‘हाम्रा मित्र हुन् वा आलोचक । या विरोधी हुन् । सबैको निम्ति चितवन भन्ने भएको छ । त्यसले हामी सबैको जिम्मेवारी बढाएको जस्तो लाग्छ मलाई,’ उनले भने, ‘अस्थिरता निम्त्याउन खोज्नेहरूलाई कसरी परास्त गर्ने होला । विकास र समृद्धिको यात्रालाई डिरेल गर्न खोज्ने प्रवृत्तिलाई कसरी परास्त गर्ने होला ? भन्ने चासो, जिज्ञासा र जागरुकता बढ्नुपर्ने भएको छ ।’

गठबन्धनको सरकारले चितवनमा नारायणी र राप्ती नदी तटबन्धन, सुकुम्बासी तथा अव्यवस्थित बसोबासीलाई लालपुर्जा, रंगशाला निर्माणलगायतका विकास निर्माणका कामलाई प्राथमिकतामा राखेर गरिरहेको उनले बताए । किसानसँग विश्वविद्यालय कार्यक्रममा पनि पर्याप्त बजेट व्यवस्था गरेर देशभर लैजानुपर्ने उनको भनाइ छ । ‘८-१० वर्षभित्र चितवनमा ठूलो क्रान्ति ल्याउने र चितवनमार्फत देशभर ल्याउने सम्भावना छ,’ उनले भने, ‘यो समृद्धिको नयाँ युग निर्माणसँग सम्बन्धित कुरा हो ।’

‘नेतृत्वलाई समाप्त पार्न एमालेको कुम्भ मेला’

प्रतिगमनका माध्यमबाट माओवादीलाई सिध्याउन नसकेपछि माओवादीको नेतृत्वलाई नै समाप्त पार्ने दुरासयले एमाले लागेको उर्जामन्त्री पम्फा भुषालले आरोप लगाइन् । ‘नेतृत्वलाई समाप्त पार्न यही भरतपुरलाई नै थलो बनाउन लागेको हामीले देखेका छौँ,’ उनले भनिन्, ‘केही दिनमै नारायणी किनारमा एक प्रकारको कुम्भ मेला हुँदैछ भन्ने सुनेको छु ।’

राजनीतिक परिवर्तनमा चितवनले ठूलो भूमिका खेलेको भन्दै उनले अब पनि चितवनले प्रतिगमनलाई साथ नदिने विश्वास व्यक्त गरिन् । चितवनको विकासका लागि आफ्नो मन्त्रालयबाट हुने काममा कुनै ढिलाई हुन नदिने उनले प्रतिबद्धता जनाइन् । ‘नारायणीमा तटबन्धन गर्नका लागि डीपीआर तयार भइसकेको छ । केही दिनमै टेण्डरमा जान्छौँ र यही वर्षभित्रै तटबन्धनको काम सुरू गर्नेछौँ’, उनले भनिन् ।

भरतपुर महानगरपालिका निर्माणको चरणमा रहेका र आगामी आयोजनाको लागि बजेटको अभाव हुन नदिने अर्थमन्त्री जनार्दन शर्माले पनि प्रतिबद्धता जनाए । ‘अध्यक्ष प्रचण्डको निर्वाचन क्षेत्र इर्श्या गर्न लायक भइसक्यो । विकासले तीव्रता पाएको छ,’ उनले भने, ‘नारायणी नदी तटबन्धनको लागि अर्थ मन्त्रालयले उचित बजेटको व्यवस्था गर्न जानेका छौँ । त्योअघि बढ्छ ।’


प्रतिक्रिया दिनुहोस !


एमाले महाधिवेशन : मतगणना सुरू, दुई घण्टामा परिणाम आउने



काठमाडौं, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको भएको निर्वाचनको मतगणना सुरू भएको छ । केहीबेर अघिबाट भएको मतदानको परिणाम दुई घण्टामा आउने बताइएको छ । 

दुई हजार १५३ जना प्रतिनिधि रहेकामा दुई हजार ९६ मत खसेको छ । विद्युतीय मेसिनबाट मतदान गरिएकाले परिणाम चाँडै आउने भएको छ । 

अध्यक्षमा केपी शर्मा ओली र भीम रावलको प्रतिस्पर्धा छ । 
 

प्रतिक्रिया दिनुहोस !

एमाले महाधिवेशन : २०९६ मत खस्यो, अब मतगणना सुरू हुने



चितवन, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको मतदानमा दुई हजार ९६ मत खसेको छ । 

कुल मतदाता दुई हजार १५३ जना रहेकामा दुई हजार ९६ मत खसेको निर्वाचन अधिकृत कमद पाठकले जानकारी दिए । उनकाअनुसार अबको केहीबेरमै मतगणना सुरू हुनेछ । 

विद्युतीय मेसिनबाट मतदान गरिएकाले चाँडै नै परिणाम आउने बताइएको छ । मतदान सकिएसँगै मुचुल्का उठाउने काम भइरहेको र अब केही समयमै मतगणना सुरू हुने अधिकृत पाठकले बताए । 

मतगणना भएको दुई घण्टामै परिणाम आउने अध्यक्ष पदका उम्मेदवार भीम रावलले जानकारी दिए । 

प्रतिक्रिया दिनुहोस !

एमालेको प्रथम विधान र १०औँ महाधिवेशनमा १३ करोड ७१ लाख खर्च, कुनमा कति ?



चितवन, १४ मंसिर 

चितवनमा जारी एमालेको १०औँ महाधिवेशनमा नौ करोड रुपैयाँ खर्च भएको छ । निर्धारित समयभन्दा दुई दिन लम्बिएको महाधिवेशनमा नौ करोड रुपैयाँ खर्चको एमाले कार्यालयका सचिव शेरबहादुर तामाङले जानकारी दिए । 

सात करोड ५० लाख अनुमान गरिएकोमा दुई दिन लिम्बँदा नौ करोड खर्च हुन पुगेको उनले बताए । 

‘दुई दिन महाधिवेशन लम्बिनी अप्रत्यासित नै भयो । यसले अलि बढी खर्च भयो । महाधिवेशन लम्बिँदा खान बस्ने एक करोड ५० लाख खर्च भयो’, महाधिवेशन स्थलमा पत्रकारसँग कुरा गर्दै तामाङले भने, ‘जम्मा सात करोड ५० लाखको बजेट बनाएका थियौँ । तर, दुईदिन लम्बिँदा सात करोड ५० लाखमा थप एक करोड ५० लाख रुपैयाँ खर्च बढ्ने सम्भावना छ । सबै बिलहरू आइसकेपछि थाहा हुन्छ ।’ 

उनका अनुसार ललितपुरमा भएको विधान महाधिवेशनमा चार करोड ७१ लाख रुपैयाँ खर्च भएको थियो । 
 

प्रतिक्रिया दिनुहोस !

%d bloggers like this: