१४ मंसिर २०७८, मंगलवार
 |   Tue Nov 30 2021
Logo

प्रधानमन्त्री देउवा सर्वसम्मत महाधिवेशन प्रतिनिधि चयन



प्रधानमन्त्रीसमेत रहेका नेपाली कांग्रेसका सभापति शेरबहादुर देउवा सर्वसम्मत महाधिवेशन प्रतिनिधि चयन भएका छन्।

उनी गृहजिल्ला डडेल्धुराको जारी सातौं जिल्ला अधिवेशनबाट सर्वसम्मत महाधिवेशन प्रतिनिधि चयन भएका हुन्।

महाधिवेशन प्रतिनिधिको निर्वाचनका लागि तयार पारिएको मतपत्रमा सभापति देउवाको नाममा बाहिरबाटै ‘टिक’ (रेजा) लगाएर निर्वाचन प्रक्रिया अगाडि बढाइएको बताइएको छ।

‘यसअघि पनि यही तरिकाले उहाँलाई महाधिवेशन प्रतिनिधिमा सर्वसम्मत गरिँदै आइएको थियो,’ एक कांग्रेस नेताले भने, ‘यसपाली पनि बाहिरै मतपत्रमा रेजा लगाइएको छ।’

देउवापत्नी डा. आरजु राणा देउवा, सरस्वती खड्का, कौशिल्लाकुमारी भट्ट र कलावती बोहरा पनि सर्वसम्मत महाधिवेशन प्रतिनिधि चयन भएका छन्।

यस्तै दलिततर्फ सन्तोष जैरु, अपांगतर्फ जगदिश भट्ट पनि सर्वसम्मत महाधिवेशन प्रतिनिधिमा चयन भएका छन्।

जिल्ला कार्यसमितिको उपसभापतिमा डिल्लीराज जोशी र लक्ष्मीप्रसाद अवस्थी, सहसचिवमा प्रेमबहादुर महर र गोविन्दराज बोहरा पनि सर्वसम्मत भएका छन्।

कांग्रेस डडेल्धुराको सभापतिका लागि भीमबहादुर साउद र चुडामणि ठकुराठी प्रतिष्पर्धामा छन्। अहिले जिल्ला सभापतिलगायतका पदका लागि मतदान भइरहेको छ।


प्रतिक्रिया दिनुहोस !


एमाले महाधिवेशन : मतगणना जारी, ओलीको अग्रता



काठमाडौं । नेपाल कम्युनिष्ट पार्टी (एमाले)को नयाँ नेतृत्व चयनका लागि आज विहान मात्रै सम्पन्न भएको निर्वाचनको मतगणना जारी छ । मत गणनामा अध्यक्षका उम्मेदवार केपी शर्मा ओलीले सुरुदेखि नै अग्रता लिएका छन् ।

ओलीले ९९६ मत पाउँदा अर्का प्रत्यासी भीम रावलले १११ मत पाएका निर्वाचन समितिले जनाएको छ । चितवनमा आयोजित एमालेको १०औं राष्ट्रिय महाधिवेशनमा सर्वसम्मत नेतृत्व चयनको प्रयास असफल भएपछि मंगलबार बिहान ७२ वटा विद्युतीय भोटिङ मेसिनबाट मतदान भएको थियो ।दुई हजार १ सय ५३ प्रतिनिधिहरुमध्ये २ हजार ९६ मत खसेको जानकारी गराइएको छ । महाधिवेशनअन्तर्गत अध्यक्ष, उपाध्यक्ष र सचिवसहित विभिन्न क्लस्टरका केन्द्रीय सदस्य पदमा निर्वाचन भएको थियो ।

प्रतिक्रिया दिनुहोस !

एमाले अध्यक्षमा पुनः ओली : ओलीलाई १९०० मत, रावलको पक्षमा १९६ मत पर्‍यो



काठमाडौं । नेपाल कम्युनिष्ट पार्टी (एमाले)को अध्यक्षमा पुनः केपी शर्मा ओली निर्वाचित भएका छन् । चितवनको सौराहामा भएको १०औं महाधिवेशन अन्तर्गत नेतृत्व चयनका लागि मंगलबार भएको मतदानमा प्रतिस्पर्धी डा भीम रावललाई भारी मतान्तरले हराउँदै अध्यक्षमा पुनः ओली निर्वाचित भएका हुन् ।

एमाले केन्द्रीय निर्वाचन आयोगका अनुसार खसेको २ हजार ९६ मतमध्ये ओलीले १९०० मत र भीम रावलले १९६ मत प्राप्त गरेका छन् । आज (मंगलबार) विहान ४ बजेदेखि सुरु भएको मतदान साढे ११ बजे सकिएको थियो । जहाँ २ हजार १५३ मतदातामध्ये २ हजार १९६ मत खसेको थियो ।त्यसोत, एमाले नेता विष्णु रिजालले यस अगाडि नै १०औं महाधिवेशनबाट निर्वाचित केन्द्रीय कमिटीको पहिलो बैठक र शपथ ग्रहण सौराहामा नै हुने जानकारी गराएका छन् ।

प्रतिक्रिया दिनुहोस !

राखेपका नवनियुक्त सदस्य सचिव घिसिङले लिए शपथ



काठमाडौं, १४ मंसिर 

राष्ट्रिय खेलकुद परिषद् (राखेप) नवनियुक्त सदस्य सचिव टंकलाल घिसिङले पद तथा गोपनीयताको शपथ लिएका छन् ।

मंगलबार युवा तथा खेलकुद मन्त्रालयमा मन्त्री महेश्वरजंग गहतराजले घिसिङलाई पद तथा गोपनियताको शपथ गराएका थिए ।

घिसिङलाई सोमबार बसेको मन्त्रीपरिषद्को बैठकले सदस्य सचिवमा नियुक्त गरेको थियो । शपथ ग्रहणपछि सदस्य सचिव घिसिङले संविधान र खेलकुद विकास ऐन २०७८ अनुरुप काम गर्ने बताए ।

आज नै उनले पदभार ग्रहण गर्नेछन् ।

प्रतिक्रिया दिनुहोस !

%d bloggers like this: