१६ मंसिर २०७८, बिहीबार
 |   Thu Dec 2 2021
Logo

बिर्तामोडदेखि भद्रपुरसम्म चार लेनको सडक



झापा, ८ मंसिर

बर्तिामोदेखि झापाको सदरमुकामसम्मको यात्रा निकै कष्टकरपूर्ण छ । भत्किएको धुलाम्मे सडकका कारण बिर्तामोडदेखि सदरमुकाम चन्द्रगढीसम्मको यात्रामा यात्रुले निकै कष्ट भोग्दै आएका छन् । तर, अब भने सदरमुकाम चन्द्रगढीसम्म चार लेनको सडक बन्ने भएको छ ।

यसअघि बिर्तामोडको मुक्ति चोकदेखि हचर्ना कल्भर्टसम्म चार किलोमिटर सडक चार लेनको बनेको छ । उक्त सडक २७ करोड नाै लाख ७० हजारमा निर्माण भएको हो । बाँकी आठ किलोमिटर पनि चार ठेक्का लागेर धमाधम काम भइरहेको सडक डिभिजन कार्यालय दमकले जनाएको छ । बिर्तामोड-भद्रपुर सडकखण्डअन्तर्गतर बाँकी आठ किलोमिटर सडकको स्तरोन्नतिसहित चार लेनको सडक बनाउन गतवर्षको माघमा ठेक्का सम्झौता भएर काम धमाधम भइरहेको सडक डिभिजन कार्यालय दमकका सूचना अधिकारी अनुप साउदेनले जानकारी दिए ।

उनका अनुसार उक्त सडक निर्माणको ठेक्का कोनटेक प्रालि काठमाडौंले लिएको छ । ६ माघ २०७७ मा ५८ करोड दुई लाख २२ हजारमा ठेक्का सम्झौता भएको हो । यसको काम ५ भदौ २०८० सालसम्ममा सक्नुपर्ने उनले बताए । यद्यपि, सोचेअनुरूप काम नभएको उनको भनाइ छ ।

‘हालसम्म १० प्रतिशत मात्र काम भएको छ । यो अपेक्षा अनुरूप हैन । गत वैशाखमा कोरोनाका कारण लकडाउन हुँदा काम गर्न केही समस्या भएको हो’, साउदेनले भने, ‘तर, त्योबेला काम गर्न नसकेको काम यो वर्ष पूरा गर्छु भन्नुभएको छ । निर्माण व्यवसायीले यो वर्ष कामको कति बढाए तोकिएकै समयमा काम सकिन्छ ।’ यो सडक राजमार्ग पुनर्निमार्ण तथा स्तरोन्नतिको योजनाअनुसार निर्माण सुरू भएको साउदेनले बताए ।

बिर्तामोडदेखि हर्चना कल्भर्टसम्मको सडक पनि समयमा सकिएको थिएन । आशिष-प्रेररा जेभीले ठेक्कामा लिएको यो सडक पटकपटक म्याद थप्दा मात्र निर्माण सम्पन्न भएको थियो । यो सडक समयमा निर्माण सम्पन्न भयो भने सर्वसाधरणले सास्ती व्यहोर्नबाट मुक्ति पाउने स्थानीय बताउँछन् । सडककै कारण झापावासीका लागि सदरमुकाम टाडा हुँदै आएको छ ।

राजमार्गदेखि दक्षिणमा रहेको झापाको सदरमुकाम चन्द्रगढी जान सडककै कारण स्थानीयलाई निकै मुस्किल पर्दै आएको छ । ‘सडक त्यस्तो छ । सदरमुकाम पुग्दा धुलोले पुर्छ । सडककै कारण सदरमुकाम त हाम्रा लागि टाडा हुँदै आएको छ,’ दमकका सर्वसाधारण भुवन न्यौपाने भन्छन्, ‘सडकमा खाल्डाखुल्डी उस्तै छ । दुर्घटना होइन्छ कि भन्ने डर पनि उत्तिकै छ । तर, निकै तलसम्म त चार लेनको सडक बनिसकेछ । बाँकी पनि काम भइरहेको देखिन्छ । धमाधम काम गरेर समयमै काम सक्ने भए हामीलाई पनि सदरमुकाम नजिक हुने थियो । सहजै सदरमुकाम पुग्न सक्ने थियौँ ।’


प्रतिक्रिया दिनुहोस !


शशांकले भने- कांग्रेस कसैसँग गठबन्धन गर्दैन, पौडेल भन्छन- एकलकाटे हुनुहुँदैन



पोखरा, १६ मंसिर

नेपाली कांग्रेसका वरिष्ठ नेता रामचन्द्र पौडेलले आगामी निर्वाचनमा गठबन्धनको संकेत गरेका छन् । पोखरामा गण्डकी प्रदेश अधिवेशनको उद्घाटनलाई सम्बोधन गर्दै उनले नयाँ संविधानपछि कसैले पनि बहुमत ल्याउने अवस्था नभएकोले मन मिल्नेहरूसँग गठबन्धन आवश्यक रहेको बताए ।

‘कम्युनिष्ट पार्टीमा एकथरी पृथक अस्थित्व बनाएर बसेका छन् । केपी ओलीहरू एकातिर छन् । परिस्थितिले उनीहरू फेरि एकैतिर खनिने अवस्था भए कस्तो होला ? अहिले मैले सम्झाउन जरुरी छ । हामी एकोरिँदै गयौं भने गएकै चुनावको ठाउँमा पुगौंला,’ उनले भने, ‘गएको चुनावमा के भयो ? सबै एकातिर हामी अर्काेतिर । परिणाम के भयो ? अहिलेको अहिले नै बिर्सने ?’

उनले कसैले एकल बहुमत ल्याउन नसक्ने बताए । ‘अहिले जे संविधान बनाएका छौं, यो संविधानले समावेशी व्यवस्था ल्याएका छौं । सितिमिती कुनै पार्टीको एब्सुलुट मेजोरिटी आउँदैन । पूरा बहुमत ल्याएर कसैले सरकार चलाउन धेरै कठिन छ । अरूसँग नमिलिकन सम्भव छैन,’ उनी अघि भन्छन्, ‘जसरी शेरबहादुरजी अहिले प्रधानमन्त्री बन्नुभएको छ, उहाँ एक्लै कांग्रेसको मात्र हो र ? यो कुरालाई ध्यान दिनुहोस् । भोलिको चुनावमा पनि कांग्रेसलाई एक्ल्याउने कुरा नगरम । कांग्रेसलाई आईसोलेसनमा पुर्‍याउने कुरा नगरौं ।’

यसअघि बोल्दै कांग्रेस महामन्त्री डा. शशांक कोइरालाले कांग्रेस आगामी चुनावमा कसैसँग नमिल्ने बताएका थिए । ‘आउँदो निर्वाचनमा तिक्तता नहोस् । कांग्रेसले कसैसँग मिल्नु हुँदैन । कसैसँग नमिलेर हामी एक्लै हिड्नुपर्छ । र हामी विजय हासिल गर्छौं । त्यो अठोट हामीसँग हुनुपर्छ,’ उनले भने ।

कोइरालाले पार्टीलाई बहुमत दिलाउन नेता कार्यकर्तासँग आग्रह गरेका थिए ।

प्रतिक्रिया दिनुहोस !

गण्डकी कांग्रेसमा विवाद : बोल्न नपाएको निहुँमा नाराबाजी, मनोनयन शुल्क घटाउन माग



पोखरा, १६ मंसिर

गण्डकी प्रदेशको जारी अधिवेशनअन्तर्गत बिहीबार उद्घाटन सभामै नाराबाजी भएको छ । आफ्नो पक्षका उम्मेद्वार आकांक्षीलाई बोल्न नदिएको भन्दै संस्थापनइतरका नेता कार्यकर्ताले नाराबाजीसहित प्रदर्शन गरेका हुन् ।

कार्यक्रममा केन्द्रीय सदस्य तथा प्रदेश सभापति पदका उम्मेद्वार अर्जुन जोशी बोलेपछि संस्थापनइतरका आकांक्षीले आफुहरू पनि बोल्न पाउनुपर्ने माग राखे ।

यहाँ संस्थापनबाट जोशी निर्विकल्प उम्मेद्वार बनेका छन् भने इतर पक्षले उम्मेद्वार टुंग्याउन सकेको छैन । कास्कीबाट शुक्रराज शर्मा, देवराज चालिसे र यज्ञबहादुर थापा आकांक्षी छन् । विवादपछि तीनै जनालाई बोल्न दिइएको छ । कांग्रेस कास्कीका सचिव भानु ढकालको नेतृत्वमा असन्तुष्टहरूले नाराबाजी गरेका हुन् ।

यसैबीच, संस्थापनइतरका नेताहरूले उम्मेद्वारी शुल्क अत्यधिक चर्को भएको भन्दै घटाउन माग गरे । नेता महादेव गुरुङले यो शुल्क तिरेर कोही पनि उम्मेद्वार बन्न नसक्ने बताए । गण्डकी कांग्रेसको सभापति उम्मेद्वार बन्न ९१ हजार शुल्क छ । उपसभापतिमा ६१, महामन्त्रीमा ५१, सहमहामन्त्रीमा ४१ र सदस्यको नाम दर्ता गराउन ३१ हजार तोकिएको छ । यस्तै, प्रवेश शुल्कका लागि २ हजार ५ सय छ ।

कार्यक्रम स्थलमै विरोध भएपछि केन्द्रीय निर्वाचन कमिटीले तोकेकै मूल्य कायम हुने आयोजकले जनाएको छ ।

प्रतिक्रिया दिनुहोस !

कांग्रेस महाधिवेशन : नेतृत्व चयन गर्दा ध्यान पुर्‍याउन नेता सिंहको आग्रह



हेटौँडा, १६ मंसिर

नेपाली कांग्रेस नेता प्रकाशमान सिंह पार्टीको नेतृत्व चयन गर्दा ध्यान पु¥याउन कार्यकर्ताहरूलाई आग्रह गरेका छन् ।

हेटौडामा भएको कांग्रेस बाग्मती प्रदेश अधिवेशनको उद्घाटन गर्दै बिहीबार नेता सिंहले नेतृत्वकै कारण पार्टी कमजोर अवस्था पुगेकाले नेतृत्व चयन गर्दा ध्यान पु¥याउन आग्रह गरे ।

‘नेतृत्व चयन गर्दा ध्यान नदिने अनि कांग्रेसले काम गरेन भनेर गुनासो गर्ने ?’ उनले भने, ‘नेतृत्वकै कारणले पार्टी कमजोर अवस्थामा आएको छ । नेतृत्व चयन गर्दा तपाईंहरूले ध्यान दिनु पर्दछ ।’

कांग्रेसको नेतृत्वमा संविधान जारी गर्दा पनि जनताले नेतृत्वकै कारण भोट नदिएको बताएउँदै उनले भने, ‘संविधान जारी गरी जनतामा जाँदा दुई तिहाइ त कांग्रेसले पाउनुपर्ने हो । तर, कम्युनिष्टहरूले प्राप्त गरे।’

संविधान जारी गरेको कांग्रेसले यसको संस्थागत तथा लागू गर्ने जिम्मेवारी पनि कांग्रेसमा नै रहेको नेता सिंहको भनाइ छ ।

समयमा नै ख्याल नगरे लामो संघर्ष र बलिदानबाट प्राप्त उपलब्धीहरू गुम्ने खतरा रहेको बताउँदै उनले कम्युनिटहरूले प्राप्त उपलब्धीहरू नष्ट गर्न लागि परेको आरोप लगाए ।

प्रतिक्रिया दिनुहोस !

ताजा

लोकप्रिय

%d bloggers like this: