१४ मंसिर २०७८, मंगलवार
 |   Tue Nov 30 2021
Logo

कुवेतलाई हराएर शीर्षमा उक्लिने नेपालकाे लक्ष्य



काठमाडौं, ८ मंसिर

पहिलो खेलमा हार र दोस्रो खेलमा जित निकालेको नेपाली राष्ट्रिय महिला क्रिकेट टोलीले आईसीसी महिला टी-२० विश्वकप एसिया छनोटको तेस्रो खेलमा बिहीबार (भोलि) कुवेतको सामना गर्दै छ ।

दुबईस्थित आईसीसी एकेडेमीको मैदानमा हुने खेल नेपाली समयअनुसार बिहान सवा ११ बजे सुरू हुनेछ । प्रतियोगितामा कुवेतविरुद्ध खेल्दै गर्दा नेपाल दोस्रो जितको खोजीमा हुनेछ । नेपाल कुवेतलाई सहज रूपमा हराउँदै नेट रनरेट बढाएर शीर्षस्थानमा पुग्ने दाउँमा हुनेछ ।

मंगलबार भएको दोस्रो खेलमा नेपालले भुटानलाई आठ विकेटले जितेको थियो । सोमबार भएको पहिलो खेलमा नेपाल हङकङसँग ६ विकेटले हार्‍याे ।

यता, कुवेत भने प्रतियोगितामा पहिलो जितको खोजीमा छ । कुवेत दुवै खेलमा पराजित हुँदै तालिकाको पुछारमा छ । पहिलो खेलमा भुटानसँग ४० रनले पराजित कुवेत दोस्रो खेलमा मलेसियासँग ८१ रनले पराजित भएको थियो ।

तेस्रो खेलमा जित निकाल्दै नेपाल ग्लोबल छनोटको सम्भावना कायमै राख्न चाहन्छ । त्यसका लागि रुबिना क्षेत्रीकाे कप्तानीमा रहेकाे नेपाली टाेली तयार छ । ६ टोली सहभागी प्रतियोगिताको शीर्ष टोली ग्लोबल छनोटमा स्थान बनाउनेछ ।

यसअघि नेपालले अन्तिम पटक सन् २०१९ मा भएको खेलमा कुवतेलाई ३० रनले पराजित गरेको थियो ।

यता बिहीबार एकै समयमा मलेसियाले हङकङसँग खेल्नेछ । प्रतियोगिताको चौथो खेलमा नेपालले शुक्रबार मलेसियाविरुद्ध र पाँचौँ खेलमा आइतबार संयुक्त अरब ईमिरेट्स (यूएई)विरुद्ध खेल्नेछ ।

जारी प्रतियोगितामा दुई खेलमा दुई नै जित निकालेको यूएई चार अंकसहित शीर्षस्थानमा छ । नेपाल, मलेसिया, हङकङ र भुटानको समान चार अंक रहँदा नेट रनरेटका आधारमा क्रमशः दोस्रो, तेस्रो, चौथो र पाँचौँ स्थानमा छन् । यता, बिनाअंक कुवेत पुछारमा छ ।


प्रतिक्रिया दिनुहोस !


विद्यार्थीहरुलाई प्राथमिक उपचार तालिम सम्पन्न



रोट्रयाक्ट क्लब अफ धरान घोपाले कार्मेल स्कूल, बुद्ध चौक र दिल्ली पब्लिक स्कुल, घोपामा प्राथमिक उपचार तालिम सञ्चालन गरेको छ ।

आफ्नो दीर्घकालीन परियोजना “पुनर्जीवन – जीवनको आशा” अन्तगर्त विद्यालयका विभिन्न तहमा अध्ययनरत विद्यार्थीहरूलाई प्राथमिक उपचार र यसको तरिकाहरु बारे सचेत गरिएको थियो ।

यसको मुख्य उद्देश्य विद्यार्थीहरूलाई रक्तश्राव, इपिस्टासिस(नाकबाट रगत बग्ने), फ्र्याक्चर, स्प्लिन्ट, कुकुरको टोकाइ र सर्पको टोकाइ जस्ता विपत्तिको बेला चाल्नु पर्ने कदम र लिनु पर्ने सावधानी बारे सचेत बनाउनु रहेको थियो ।

यस कार्यक्रम विद्यालय क्षेत्रमा करिब बिहान ११ बजेबाट विद्यार्थी, शिक्षक र क्लबका केही सदस्यहरू सहित १५० सहभागीहरूको उपस्थिति सहित सम्पन्न भएको थियो ।

प्रतिक्रिया दिनुहोस !

कास्कीमा बस दुर्घटना हुँदा चालकको मृत्यु, आठ जना घाइते



१४ मंसिर,पोखराःकास्कीमा यात्रवाहक बस दुर्घटना हुँदा एक जनाको मृत्यु भएको छ । अन्नपूर्ण गाउँपालिका–३ पाउदुरमा भैरहवाबाट बागलुङका लागि छुटेको बस सडकबाट ३० मिटर तल खसेर दुर्घटना हुँदा घाइते भएका बस चालक पाल्पाका भुपनाथ खनालको उपचारको क्रममा मृत्यु भएको प्रहरीले जनाएको छ ।  

दुर्घटनामा बागलुङका  शिवराम शर्मा, कृष्ण खड्का, राजु श्रेष्ठ, उमलाल श्रेष्ठ, सुवर्ण सापकोटा,  पर्वत फलेवासका सूर्य तिवारी, चितवन भरतपुरका साधना उपाध्याय, दुर्घटनास्थल पाउदुरकी माया विक घाइते भएका कास्की प्रहरी प्रवक्ता सुन्दरमणी तिवारीले जानकारी दिए । 

उनीहरुको पोखरास्थित फिस्टेल र गण्डकी मेडिकल कलेजमा उपचार भइरहेको छ ।
 

प्रतिक्रिया दिनुहोस !

विप्लवका नेताले बाईकको किस्ता नतिर्दा प्रहरीको खोजीको सूचीमा सुनसरीका एक युवा



काठमाडौं । विप्लव नेतृत्वको नेपाल कम्युनिस्ट पार्टीका दुई नेतालाई किस्तामा बाईक निकालि दिएका युवा अहिले प्रहरीको खोजीको लिस्टमा परेका छन् । विप्लवका उदयपुर जिल्लाका सेक्रेटरी लक्ष्मण पौडेलले इटहरीका एक समान्य होटल व्यवसायी अर्जुन श्रेष्ठको जग्गाको पूर्जा र पसलको भ्याट नम्बर राखेर दुई वर्ष अघि किस्तामा बाईक निकालेका थिए तर विप्लवका नेता पौडेलले बदमासी गरी गरेर किस्ता नतिर्दा प्रहरीले अर्जुन श्रेष्ठलाई खोजी गरिरहेको छ । विप्लवका नेता पौडेललाई श्रेष्ठले किस्ता तिर्न आग्रह गर्दा उल्टै धम्क्याउने गरेको पीडित श्रेष्ठ बताउँछन् । त्यति मात्रै होईन, अर्जुन श्रेष्ठले विप्लवका नेता लक्ष्मण पौडेलले किसतामा निकालेको बाईकको ४ वटा किस्ता बुझाई दिएका छन् तर विप्लवका नेता पौडेल भने किस्ता नतिरी फरार भएपछि प्रहरीले आफुलाई खोजी गरेको श्रेष्ठ बताउँछन् ।

त्यस्तै लक्ष्मण पौडेलले व्यवसायी श्रेष्ठबाट लाखौँ रकम लिएर अहिलेसम्म एक रुपैयाँ पनि फिर्ता गरेका छैनन् । होटल व्यवासायी श्रेष्ठले एक लाख ३८ हजार सापटी दिए पनि अहिलेसम्म सो पैसा फिर्ता नगरर हैरान पारेपछि मिडियामा आउन बाध्य भएको व्यवसायी श्रेष्ठ बताउँछन् । त्यस्तै शुरेश विष्टको धरौटी तिर्न आफुले एक लाख दिएको तर विप्लव समुहकी नेतृ उमा भुजेलसम्म पनि सो विषयमा जानकारी गराउँदा आफुले त्यो रकम फिर्ता नपाएको श्रेष्ठले गुनासो गरे ।

प्रतिक्रिया दिनुहोस !

%d bloggers like this: