१६ मंसिर २०७८, बिहीबार
 |   Thu Dec 2 2021
Logo

नेपाली कांग्रेस महाधिवेशन प्रतिनिधिका लागि दार्चुलामा ५९ जनाको उम्मेदवारी दर्ता



नेपाली कांग्रेस दार्चुलाको सातौं जिल्ला अधिवेशन अन्तरगत महाधिवेशन प्रतिनिधिका लागी ५९ जनाले आफ्नो मनोनयनपत्र दर्ता गराएका छन् । अधिवेशनको बन्दसत्रमा नेताहरुका बिचमा सहमति जुट्न नसकेपछि निर्वाचनका लागी मनोनयनपत्र दर्ता गराएका हुन् । दार्चुलाबाट महाधिवेशन प्रतिनिधिका लागी महिला प्रत्यक्षबाट ५ जनाले मनोनयनपत्र दर्ता गराएका छन् । महिला प्रत्यक्षबाट ४ जना महिला महाधिवेशन प्रतिनिधिका लागी चयन हुने भए पनि ५ जनाको उम्मेदवारी परेको नेपाली कांग्रेस निर्वाचन अधिकृतको कार्यालय दार्चुलाले जनाएको छ ।

महिला प्रत्यक्ष तर्फ यसोदा तिंकरी, शान्ति देवी बम, राजमती पाल, ईश्वरी जोशी र नन्दा बमले उम्मेदवारी दर्ता गराएका छन् । यस्तै महाधिवेशन प्रतिनिधि प्रत्यक्ष खुल्ला पुरुषबाट दान बहादुर विष्ट, लाल बहादुर धामी, अम्भा दत्त जोशी, विक्रम सिंह धामी, गणेश राज भट्ट, लोकेन्द्र सिंह लोथ्याल, कर्ण बहादुर बम, जगदिश बहादुर पाल, सुरेन्द्र प्रसाद अवस्थी, महादेव बडू, धिरेन्द्र साउँद, गौरीशंकर गिरी, नन्दन सिंह बडाल, शम्भु प्रसाद जोशी मान सिंह बुढाथोकी, इन्जिनियर जयराज विष्टले उम्मेदवारी दर्ता गराएका छन् ।

यसैगरी केशव सिंह भण्डारी, नरेन्द्र सिंह धामी, दिलिप सिंह बुढाथोकी, मदन गिरी, हरक सिंह विष्ट, चन्द्र सिंह सामन्त, गणेश सिंह बुढाथोकी लाल सिंह धामी, गोपाल दत्त जोशीले उम्मेदवारी दर्ता गराएको केन्द्रीय प्रतिनिधि तथा निर्वाचन अधिकृत देवराज अवस्थीले जानकारी दिनुभयो । महाधिवेशन प्रतिनिधि प्रत्यक्ष खुल्ला पुरुषबाट १० जना प्रतिनिधि चयन हुनेछन् । खुल्ला पुरुषबाट २५ जनाले उम्मेदवारी दर्ता गराएका छन् ।

महाधिवेशन प्रतिनिधि खस आर्य महिला समानुपातिकबाट ८ जनाले उम्मेदवारी दर्ता गराएका छन् । ४ जना प्रतिनिधि चयन हुनेभए पनि ८ जनाले उम्मेदवारी दर्ता गराएको उहाले बताउनुभयो । खस आर्य महिला समानुपातिकबाट शान्ति धामी, देवकी देवी बोहरा, सुना जोशी, संगिता चन्द, ललिता बम, द्रोपती डागा, सुना बोहरा र आनन्दी पन्त भट्टले उम्मेदावरी दर्ता गराएका छन् । महाधिवेशन प्रतिनिधि खसआर्य खुल्ला समानुपातिक पुरुषबाट १४ जनाले उम्मेदवारी दर्ता गराएका छन् । ५ जना को प्रतिनिधित्व मात्रै रहेको उक्त पदमा पुर्ण सिंह बोहरा, करविर सिंह कार्की, रमेश दत्त भट्ट, सुरेन्द्र बहादुर बम, कर्ण बहादुर खडायत, सुरेन्द्र अवस्थी, वीर सिंह शाहु, गणेश दत्त जोशी, दिवाकर जोशी, गोकर्ण बहादुर चन्द, कृष्ण प्रसाद भट्ट छत्ती, मोहन देव पन्त, पदमराज पन्त र धन सिंह जागरी गरी १४ जनाले उम्मेदवारी दर्ता गराएका छन् ।

यस्तै महाधिवेशन प्रतिनिधि दलितमा गोर्वधन कोलीले उम्मेदवारी दिएका छन् । महाधिवेशन प्रतिनिधि अपाङ्ग अल्पसंख्यकबाट विष्णु दत्त मिश्र, बासु देव ऐतवाल, चक्र सिंह ह्याकी, ओम प्रकाश तिंकरी, विनोद सिंह बोहरा र केशव राज बडूले उम्मेदवारी दर्ता गराएका छन् । अपाङ्ग अल्पसंख्यक पदमा १ जनाको मात्रै सिट छ । दार्चुलाबाट २५ जना महाधिवेशन प्रतिनिधि चयन हुनेछन् । जिल्ला कार्यसमिति र महाधिवेशन प्रतिनिधि चयनका लागी भोली विहान ९ बजे देखी मतदान हुने जनाइएको छ ।


प्रतिक्रिया दिनुहोस !


शशांकले भने- कांग्रेस कसैसँग गठबन्धन गर्दैन, पौडेल भन्छन- एकलकाटे हुनुहुँदैन



पोखरा, १६ मंसिर

नेपाली कांग्रेसका वरिष्ठ नेता रामचन्द्र पौडेलले आगामी निर्वाचनमा गठबन्धनको संकेत गरेका छन् । पोखरामा गण्डकी प्रदेश अधिवेशनको उद्घाटनलाई सम्बोधन गर्दै उनले नयाँ संविधानपछि कसैले पनि बहुमत ल्याउने अवस्था नभएकोले मन मिल्नेहरूसँग गठबन्धन आवश्यक रहेको बताए ।

‘कम्युनिष्ट पार्टीमा एकथरी पृथक अस्थित्व बनाएर बसेका छन् । केपी ओलीहरू एकातिर छन् । परिस्थितिले उनीहरू फेरि एकैतिर खनिने अवस्था भए कस्तो होला ? अहिले मैले सम्झाउन जरुरी छ । हामी एकोरिँदै गयौं भने गएकै चुनावको ठाउँमा पुगौंला,’ उनले भने, ‘गएको चुनावमा के भयो ? सबै एकातिर हामी अर्काेतिर । परिणाम के भयो ? अहिलेको अहिले नै बिर्सने ?’

उनले कसैले एकल बहुमत ल्याउन नसक्ने बताए । ‘अहिले जे संविधान बनाएका छौं, यो संविधानले समावेशी व्यवस्था ल्याएका छौं । सितिमिती कुनै पार्टीको एब्सुलुट मेजोरिटी आउँदैन । पूरा बहुमत ल्याएर कसैले सरकार चलाउन धेरै कठिन छ । अरूसँग नमिलिकन सम्भव छैन,’ उनी अघि भन्छन्, ‘जसरी शेरबहादुरजी अहिले प्रधानमन्त्री बन्नुभएको छ, उहाँ एक्लै कांग्रेसको मात्र हो र ? यो कुरालाई ध्यान दिनुहोस् । भोलिको चुनावमा पनि कांग्रेसलाई एक्ल्याउने कुरा नगरम । कांग्रेसलाई आईसोलेसनमा पुर्‍याउने कुरा नगरौं ।’

यसअघि बोल्दै कांग्रेस महामन्त्री डा. शशांक कोइरालाले कांग्रेस आगामी चुनावमा कसैसँग नमिल्ने बताएका थिए । ‘आउँदो निर्वाचनमा तिक्तता नहोस् । कांग्रेसले कसैसँग मिल्नु हुँदैन । कसैसँग नमिलेर हामी एक्लै हिड्नुपर्छ । र हामी विजय हासिल गर्छौं । त्यो अठोट हामीसँग हुनुपर्छ,’ उनले भने ।

कोइरालाले पार्टीलाई बहुमत दिलाउन नेता कार्यकर्तासँग आग्रह गरेका थिए ।

प्रतिक्रिया दिनुहोस !

गण्डकी कांग्रेसमा विवाद : बोल्न नपाएको निहुँमा नाराबाजी, मनोनयन शुल्क घटाउन माग



पोखरा, १६ मंसिर

गण्डकी प्रदेशको जारी अधिवेशनअन्तर्गत बिहीबार उद्घाटन सभामै नाराबाजी भएको छ । आफ्नो पक्षका उम्मेद्वार आकांक्षीलाई बोल्न नदिएको भन्दै संस्थापनइतरका नेता कार्यकर्ताले नाराबाजीसहित प्रदर्शन गरेका हुन् ।

कार्यक्रममा केन्द्रीय सदस्य तथा प्रदेश सभापति पदका उम्मेद्वार अर्जुन जोशी बोलेपछि संस्थापनइतरका आकांक्षीले आफुहरू पनि बोल्न पाउनुपर्ने माग राखे ।

यहाँ संस्थापनबाट जोशी निर्विकल्प उम्मेद्वार बनेका छन् भने इतर पक्षले उम्मेद्वार टुंग्याउन सकेको छैन । कास्कीबाट शुक्रराज शर्मा, देवराज चालिसे र यज्ञबहादुर थापा आकांक्षी छन् । विवादपछि तीनै जनालाई बोल्न दिइएको छ । कांग्रेस कास्कीका सचिव भानु ढकालको नेतृत्वमा असन्तुष्टहरूले नाराबाजी गरेका हुन् ।

यसैबीच, संस्थापनइतरका नेताहरूले उम्मेद्वारी शुल्क अत्यधिक चर्को भएको भन्दै घटाउन माग गरे । नेता महादेव गुरुङले यो शुल्क तिरेर कोही पनि उम्मेद्वार बन्न नसक्ने बताए । गण्डकी कांग्रेसको सभापति उम्मेद्वार बन्न ९१ हजार शुल्क छ । उपसभापतिमा ६१, महामन्त्रीमा ५१, सहमहामन्त्रीमा ४१ र सदस्यको नाम दर्ता गराउन ३१ हजार तोकिएको छ । यस्तै, प्रवेश शुल्कका लागि २ हजार ५ सय छ ।

कार्यक्रम स्थलमै विरोध भएपछि केन्द्रीय निर्वाचन कमिटीले तोकेकै मूल्य कायम हुने आयोजकले जनाएको छ ।

प्रतिक्रिया दिनुहोस !

कांग्रेस महाधिवेशन : नेतृत्व चयन गर्दा ध्यान पुर्‍याउन नेता सिंहको आग्रह



हेटौँडा, १६ मंसिर

नेपाली कांग्रेस नेता प्रकाशमान सिंह पार्टीको नेतृत्व चयन गर्दा ध्यान पु¥याउन कार्यकर्ताहरूलाई आग्रह गरेका छन् ।

हेटौडामा भएको कांग्रेस बाग्मती प्रदेश अधिवेशनको उद्घाटन गर्दै बिहीबार नेता सिंहले नेतृत्वकै कारण पार्टी कमजोर अवस्था पुगेकाले नेतृत्व चयन गर्दा ध्यान पु¥याउन आग्रह गरे ।

‘नेतृत्व चयन गर्दा ध्यान नदिने अनि कांग्रेसले काम गरेन भनेर गुनासो गर्ने ?’ उनले भने, ‘नेतृत्वकै कारणले पार्टी कमजोर अवस्थामा आएको छ । नेतृत्व चयन गर्दा तपाईंहरूले ध्यान दिनु पर्दछ ।’

कांग्रेसको नेतृत्वमा संविधान जारी गर्दा पनि जनताले नेतृत्वकै कारण भोट नदिएको बताएउँदै उनले भने, ‘संविधान जारी गरी जनतामा जाँदा दुई तिहाइ त कांग्रेसले पाउनुपर्ने हो । तर, कम्युनिष्टहरूले प्राप्त गरे।’

संविधान जारी गरेको कांग्रेसले यसको संस्थागत तथा लागू गर्ने जिम्मेवारी पनि कांग्रेसमा नै रहेको नेता सिंहको भनाइ छ ।

समयमा नै ख्याल नगरे लामो संघर्ष र बलिदानबाट प्राप्त उपलब्धीहरू गुम्ने खतरा रहेको बताउँदै उनले कम्युनिटहरूले प्राप्त उपलब्धीहरू नष्ट गर्न लागि परेको आरोप लगाए ।

प्रतिक्रिया दिनुहोस !

ताजा

लोकप्रिय

%d bloggers like this: