१४ मंसिर २०७८, मंगलवार
 |   Tue Nov 30 2021
Logo

एमाले महाधिवेशन : बाग्मतीबाट मात्रै साढे दुई लाख कार्यकर्ता चितवन उत्रँदै



फाेटाे क्याप्सन : चितवनमा एमालेकाे १० औँ महाधिवेशनकाे उद्घाटन सत्रमा देखिने मञ्चकाे डिजाइन

मकवानपुर, ९ मंसिर

१० मंसिरबाट चितवनमा हुन लागेको नेकपा एमालेको १०औँ राष्ट्रिय महाधिवेशनमा बाग्मती प्रदेशका करिब दुई लाख ५० हजार जना सहभागी हुने भएका छन् ।

महाधिवेशनस्थलमा काठमाडौं उपत्यकाबाट ५५ हजार, काठमाडौं विशेषबाट ५० हजार, काभ्रेबाट १५ हजार, चितवनबाट ७५ हजार, मकवानपुरबाट ३५ हजार, नुवाकोटबाट आठ हजार, सिन्धुपाल्चोबाट आठ हजार, धादिङबाट १५ हजार, दोलखाबाट दुई हजार, रामेछापबाट दुई हजार, सिन्धुलीबाट १५ हजार र रसुवाबाट पाँच सय जनाको सहभागिता रहने एमाले बाग्मती प्रदेश कमिटीका अध्यक्ष आनन्द पोख्रेलले जानकारी दिए ।

महाधिवेशनमा देशभरबाट पाँच लाख उतार्ने तयारी रहेकोमा करिब आधा मानिस बागमती प्रदेशबाटै सहभागी हुने अध्यक्ष पोख्रेलले बताए । ‘बाग्मती प्रदेशका विभिन्न जिल्ला, काठमाडौं उपत्यकालगायतबाट साढे दुई लाखदेखि तीन जनासम्मको महाधिवेशन उद्घाटन समारोहमा सहभागिता रहनेछ ।’ अध्यक्ष पोख्रेलले भने, ‘देशभरबाट हुने सहभागीमध्ये बाग्मती प्रदेशबाट आधा मानिस आउँनेछन् ।’

देशभरबाट दुई हजार नाै सय ९७ जना महाधिवेशन प्रतिनिधि चयन भएकोमा बाग्मती प्रदेशका तीन सय ३२ जना रहका छन् । यसमा मजदुर संगठनबाट पाँच जना, जिफन्टबाट ९६ जना, विद्यार्थीबाट पाँच जना, युवा संघबाट आठ जना, उपत्यका विशेषबाट पाँच जना, बाग्मती सम्पर्क मञ्चबाट ६ जना समेत रहनेछन् ।

महाधिवेशन कारण सार्वजनिक सवारीसाधन अभाव

चितवनमा हुने राष्ट्रिय महाधिवेशनमा जानेहरूलाई ओसार्ना सार्वजनिक सवारीसाधन प्रयाेग भएपछि सर्वसाधारणले सवारीसाधनकाे अभाव महशुत गर्न थालेका छन् । देशभर जम्मा चार हजार बस, सुमोलगायतका सार्वजनिक सवारीसाधन रहेकाेमा ६ हजारभन्दा बढी सवारीसाधन चितवान पुग्ने अनुमान गरिएकाे छ । यसमा करिब दुई हजार वटा निजी सवारीसाधन हुने छन् । प्राय: सवारीसाधन महाधिवेशनका लागि एमालेले बुक गरेकाले अभाव भएको यातायात व्यवसायीहरूको भनाइ छ ।


प्रतिक्रिया दिनुहोस !


राखेपका नवनियुक्त सदस्य सचिव घिसिङले लिए शपथ



काठमाडौं, १४ मंसिर 

राष्ट्रिय खेलकुद परिषद् (राखेप) नवनियुक्त सदस्य सचिव टंकलाल घिसिङले पद तथा गोपनीयताको शपथ लिएका छन् ।

मंगलबार युवा तथा खेलकुद मन्त्रालयमा मन्त्री महेश्वरजंग गहतराजले घिसिङलाई पद तथा गोपनियताको शपथ गराएका थिए ।

घिसिङलाई सोमबार बसेको मन्त्रीपरिषद्को बैठकले सदस्य सचिवमा नियुक्त गरेको थियो । शपथ ग्रहणपछि सदस्य सचिव घिसिङले संविधान र खेलकुद विकास ऐन २०७८ अनुरुप काम गर्ने बताए ।

आज नै उनले पदभार ग्रहण गर्नेछन् ।

प्रतिक्रिया दिनुहोस !

एमाले अध्यक्षमा ओली भारी मतले विजयी



१४ मंसिर, काठमाडौंः नेकपा एमालेको १० औँ महाधिवेशनबाट अध्यक्षमा केपी शर्मा ओली दोस्रो कार्यकालका लागि निर्वाचित भएका छन्।

निर्वाचनमा खसेको कूल २ हजार ९६ मतमा नवनिर्वाचित अध्यक्ष ओलीले १ हजार ९ सय मत पाएका छन् भने उनका प्रतिद्वन्द्वी रहेका भीम रावलले १ सय ९६ मत प्राप्त गरेका छन्।

यसैबीच, उपाध्यक्ष पदको मत गणना पनि शुरु भएको छ । त्यसपछि सचिव र केन्द्रीय सदस्यको मत गणना हुने एमाले निर्वाचन आयोगले जानकारी दिएको छ । शुरुमा सर्वसम्मत नेतृत्व चयन गर्ने प्रयास भएपनि रावलले अस्वीकार गर्दै उम्मेदवारी दिएपछि अध्यक्ष पदका लागि निर्वाचन भएको थियो।

बिहान ४ बजेबाट मतदान शुरु गरी दिउँसो एक बजेबाट मतगणना शुरु गरिएको थियो ।

प्रतिक्रिया दिनुहोस !

बालिका मृत्युकाे विषयलाई लिएर स्थानीय र प्रहरीबीच झडप, नाै जना सुरक्षाकर्मी घाइते



कपिलवस्तु, १४ मंसिर

सवारी दुर्घटनामा बालिका मृत्युको विषयलाई लिएर प्रहरी र स्थानीयबीच झडप हुँदा नाै जना सुरक्षाकर्मी घाइते भएका छन् । यशोधरा गाउँपालिका ६ सुठौली कार्यालय नजिकै लु ३ त ७६ नम्बरको ट्याक्टरले ठक्कर दिँदा १२ वर्षीय बालिका सुमन यादवकाे मृत्यु भएकाे थियो ।

मृत्युको विषयलाई लिएर सवारी साधन तोडफोड गर्न खोजेका स्थानीयवासी र प्रहरीबीच झडप भएको हाे ।  स्थितिलाई नियन्त्रणमा ल्याउन प्रहरीले पाँच राउण्ड र सशस्त्र प्रहरीले ६ राउण्ड अश्रु ग्यास फायर गरेका थिए ।  झडपमा परी प्रहरी निरीक्षक विजय सिंह, प्रहरी सहायक निरीक्षक पराग यादव, प्रहरी हवलदार कैलासकोटी चौधरी, प्रहरी जवान भुवन घर्ती, बाल गोविन्द कुर्मी, अनिल थारु, राज कुमार तेली, विवेक खत्री र कमल थापा घाइते भएका छन् ।  

अश्रु ग्यास प्रहारपछि प्रहरीले भिड नियन्त्रणमा लिएको थियो । अहिले अवस्था सामान्य रहेको छ । 

प्रतिक्रिया दिनुहोस !

%d bloggers like this: