५ माघ २०७८, बुधबार
 |   Wed Jan 19 2022
Logo

अमेरिकाका ६३४ हत्या षडयन्त्रबाट जोगिएका थिए फिडेल क्यास्ट्रो



नोभेम्बर महिना क्युबाका लागि एउटा विशेष महिना हो । यही महिनामा क्युबाका पूर्वराष्ट्रपति फिडेल क्यास्ट्रोको निधन भएको थियो । विश्व कम्युनिष्ट क्रान्तिका नायक क्यास्ट्रोको सन् २०१६ को २६ नोभेम्बरमा ९० वर्षको उमेरमा निधन भएको थियो ।
प्रस्तुत छ २० औं शताब्दीका उनै महान राजनीतिज्ञ फिडेल क्यास्ट्रोबारे केही रोचक तथ्यः

हावानाबाट कानुनमा स्नातक

क्यास्ट्रोको जन्म १३ अगस्ट १९२६ मा एउटा गाउँमा सामान्य परिवारमा भएको थियो । गाउँकै एउटा विद्यालयमा अध्ययन गरेका उनले युनिर्भसिटी अफ हवानाबाट कानुनमा स्नातक र समाजिक विज्ञानमा स्नातकोत्तर गरेका थिए । पाँच पत्नीका तर्फबाट उनका ९ सन्तान छन् ।

सबैभन्दा बढी शासन गर्ने तेस्रो व्यक्ति

क्यास्ट्रोेले ५० वर्षसम्म क्युबाको नेतृत्व सम्हालेका थिए । उनी सन् १९५९ देखि १९७६ सम्म प्रधानमन्त्री र १९७६ देखि २००८ सम्म राष्ट्रपति बनेका थिए । सन् २०११ को अप्रिल १९ मा फिडेलले राजीनामा दिएपछि उनकै भाई राहुल क्यास्ट्रोे पार्टी नेता बनेका थिए । उनी बेलायतकी महारानी एलिजाबेथ द्धितीय र थाइल्यान्डका राजापछि विश्वमै सबैभन्दा बढी शासन गर्ने नेता हुन् ।

सन् २००८ मा आफ्ना सम्पूर्ण अधिकार भाइलाई राहुल क्यास्ट्रोेलाई हस्तान्तरण गरेका थिए । आफ्नो कार्यकालमा उनी अमेरिकाका ९ ओटा राष्ट्रपतिका शासनकालका साक्षी बने ।

नायक र खलनायक

फिडेल क्यास्ट्रो नायक र खलनायक दुबै रुपमा चिनिन्छन् । समर्थकका लागि क्यास्ट्रो विश्व कम्युनिस्ट क्रान्तिका महान व्यक्ति हुन्, जसले आफ्ना शासनकालमा धेरै महत्वपूर्ण कार्य गरे । तर, विरोधीका नजरमा उनी खलनायक हुन् । उनीमाथि मानवअधिकार उल्लंधन, विरोधीलाई चरम यातना दिएको संगीन आरोप लाग्दै आएको छ ।

उनले आफ्नो शासनकालमा ५०० भन्दा बढीलाई मृत्युदण्ड दिएका थिए । त्यस्तै, आफ्ना विरोधीको आवाज दबाउन उनले केही पत्रिकाको प्रकाशन बन्द गरेका थिए । समलिंगीलाई शैक्षिक शिविरमा पठाएका थिए ।

सयौं षडयन्त्रबाट जोगिएका थिए फिडेल

फिडेल क्यास्ट्रो अमेरिकाको एक नम्बर शत्रु बनेका थिए । संसारबाटै कम्युनिष्ट शासन अन्त्य हुँदा क्यास्ट्रोले आफ्नो मुख्य दुश्मन अमेरिकाकै नाकअगाडि लाल झन्डा फर्फराएका थिए ।

अमेरिकी गुप्तचर निकायले उनको हत्या गर्न अनगिन्ति प्रयास गरेको थियो । खाने चुरोटमा विष मिसाउनेदेखि उनले लेख्ने कलममा बम मिसाउने समेतका षडयन्त्र भएका थिए । फिडेल आफूमाथि भएका ६३४ ओटा हत्या षडयन्त्रबाट बचेको दाबी गरेका थिए । सबै षडयन्त्र अमेरिका र क्युबाबाट देश निकाला गरिएका समूहबाट भएका थिए । अमेरिकाले उनले लगाउने लुगामा रसायनिक पर्दाथ मिसाउनेदेखि उनको लोकप्रियता गिराउन दाह्ी झार्ने पाउडरसमेत तयार गरेको थियो ।


प्रतिक्रिया दिनुहोस !


रुसले युक्रेनमा आक्रमण गरे चर्को मूल्य चुकाउनु पर्ने नेटोको चेतावनी



एजेन्सी । रुसले युक्रेनको सीमामा ठूलो संख्यामा सैनिक पठाएको र उनीहरुले कुनै पनि बेला युक्रेनमा हमला गर्नसक्ने ह्वाइट हाउसले बताएको छ । ह्वाइट हाउसकी प्रवक्ता जेन साकीले युक्रेनका लागि स्थिति निकै खतरनाक बनिरहेको जानकारी दिएकी छिन्  ।

उनका अनुसार विदेशमन्त्री एन्टनी ब्लिंकनले मंगलबार यो मुद्दामा आफ्ना समकक्षी सर्गेई लेवरोयसँग चर्चा गरेको र दुबै नेता छिट्नै जेनेभामा भेट गर्नेबारे सहमति बनेकोसमेत बताइन् । 

समाचार एजेन्सी एएफपीका अनुसार यो भेट शुक्रबार हुँदैछ । यसअघि ब्लिंकन युक्रेन र युरोपेली देशका प्रतिनिधिसँग भेटघाट गरिरहेकी छिन् । 

जेन साकीले भनिन्, ‘स्थिति असाध्यै खतरनाक भइरहेको हाम्रो मान्यता छ । हामी अब त्यो चरणमा छौँ जहाँ रुस जुनसुकै बेला पनि युक्रेनमाथि हमला गर्नसक्छ । आफ्ना समकक्षीसँगको छलफलमा विदेशमन्त्रीले यो स्थितिलाई कुटनीतिक तरिकाले हल गर्ने कुरामा जोड दिनेछन् । अब रुसी राष्ट्रपति भ्लादिमिर पुटिन र रुसी नागरिकले उनीहरुले आर्थिक प्रतिबन्ध चाहिन्छ कि चाहिँदैन भनेर आफ्नै निश्चित गर्नुपर्छ ।’

प्रतिक्रिया दिनुहोस !

रासस र महिला आयोगको बीचमा घरबहालका विषयमा किचलो



काठमाडौं । भद्रकालीस्थित राष्ट्रिय महिला आयोगले भाडामा लिएको खाद्य व्यवस्था तथा व्यापार कम्पनी लिमिटेडलाई एक फ्ल्याटको मासिक भाडा १ लाख ५२ हजार तिर्छ । आयोगले स्थापनाकालदेखि बस्दै आएको राष्ट्रिय समाचार समिति (रासस) ले तीनतले भवनको मासिक भाडा भने १ लाख ३८ हजार मात्रै तिर्दै आएको छ, जुन सरकारको प्रचलित घरबहाल दररेटभन्दा सस्तो हो ।

समग्र महिलाको मूलप्रवाहीकरण, समानता र सशक्तीकरणका लागि काम गर्दै आएको संवैधानिक आयोग २०५८ फागुन २३ मा स्थापना भएको थियो । आयोग र राससबीच २०५९ साउनमा भएको द्विपक्षीय सम्झौतामा सुरुमा वार्षिक १० लाख भाडा तिर्ने र नियमअनुसार बर्सेनि १० प्रतिशतका दरले भाडादर वृद्धि हुने सर्त थियो । सम्झौताअनुसार हाल वार्षिक भाडादर १६ लाख ५६ हजार पुगेको छ ।

दुई वर्षअघि काठमाडौं महानगरको वडा नं. ११ ले तत्कालीन महानगरको बहाल कर प्रयोजनका लागि वर्गीकरण गरेको क्षेत्रअनुसार महिला आयोग बस्ने भवन र पार्किङ क्षेत्रको घर भाडा मूल्यांकन गरेर कर तिर्न पत्र पठायो । वडाले २०७६ मंसिर २४ मा गरेको पत्राचारअनुसार आयोग बस्ने भवनको ४ हजार १ सय ८६ वर्गफिट र पार्किङ रहेको २ हजार २ सय ८१ वर्गफिटको मासिक भाडा १ लाख ९० हजारका दरले वार्षिक २२ लाख ८० हजार पर्ने हुँदा सोको १० प्रतिशत कर वडामा बुझाउनुपर्ने उल्लेख गरेको थियो । जबकि त्यतिबेलाको मूल्यांकनभन्दा वार्षिक ६ लाख २४ हजार कम दरमा आयोगले राससलाई भाडा तिर्छ ।

प्रचलित घरबहाल दररेटअनुसार भाडादर परिमार्जन गर्न सम्झौताका लागि आयोगलाई पटक–पटक ताकेता गर्दा पनि सुनुवाइ नगरेपछि राससले गत साउन ८ मा तीन महिनाको समय दिँदै भवन खाली गर्न पत्राचार नै गर्‍यो । यसअघि दुई/दुई वर्षमा नवीकरण गर्ने गरी आयोग र राससबीच बहाल सम्झौता भएको थियो । पछिल्लो सम्झौताको म्याद गत असार मसान्तमा समाप्त भइसकेको छ । भाडादर परिमार्जन गर्न आलटाल गरेपछि घर खाली गर्न पत्राचार गरिएको राससका अध्यक्ष हरिहर अधिकारी श्यामलले बताए ।

प्रतिक्रिया दिनुहोस !

नेपालमा एक हप्तामा ३८ हजार बढीमा कोरोना संक्रमण



काठमाडौं, माघ ४ । पछिल्लो एक हप्तामा नेपालमा ३८ हजारभन्दा बढीमा कोरोना संक्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार एक हप्तामा ३८ हजार ३०४ जनामा कोरोना भाइरस सङ्क्रमण पुष्टि भएका हुन् । सबैभन्दा बढी मंगलबार १० हजार २५८ जना नयाँ संक्रमित थपिएका हुन् ।

दैनिक संक्रमित बढिरहेका छन् । नेपालमा कोरोना भाइरसको नयाँ भेरियन्ट ओमिक्रोन पुष्टि भएसँगै दैनिक संक्रमित हुनेको सङ्ख्या पनि बढिरहेको छ ।

पछिल्लो एक हप्ताको तथ्याङ्कअनुसार पुस २८ गते तीन हजार ७५, पुस २९ गते तीन हजार ५५३, पुस ३० गते पाँच हजार ८७, माघ १ गते चार हजार ६३६, माघ २ गते चार हजार ९६१, माघ ३ गते छ हजार ७३४ सङ्क्रमण थपिएका हुन् ।

यस एकहप्ताको बीचमा सक्रिय संक्रमित हुने सङ्ख्या पनि बढेको छ । पुस २८ गते ११ हजार ६९० सक्रिय संक्रमित रहेकोमा यो सङ्ख्या बढेर आज ३९ हजार ४४ पुगेको छ ।

पुस २८ गते कूल परीक्षण गराएकामध्ये २३.६ प्रतिशतमा सङ्क्रमण पुष्टि भएको थियो भने मंगलबार ४४.९ प्रतिशतमा सङ्क्रमण पुष्टि भएको छ ।

प्रतिक्रिया दिनुहोस !

%d bloggers like this: