५ माघ २०७८, बुधबार
 |   Wed Jan 19 2022
Logo

ओलीको भाषण : कांग्रेसले राजतन्त्रसँग साँठगाँठ गर्यो, कोईरालाले उत्तरी सीमामा भारतीय सेना राखे



काठमाडौं । नेकपा एमालेका अध्यक्ष केपी शर्मा ओलीले नेपाली काँग्रेस नेतृत्वको पहिलो सरकारले मुलुकको राष्ट्रियतामाथि हमला गरेको बताएका छन् । पार्टीको १० औँ महाधिवेशनको बन्दसत्रमा सम्बोधन गर्दै ओलीले भने, ‘नेपाली काँग्रेसका तत्कालीन सभापति मात्रिकाप्रसाद कोइराला प्रधानमन्त्री भएर भारत जाँदा नेपालको उत्तरको सिमानामा १७ वटा चेकपोस्ट राख्ने सम्झौता गरेर हाम्रो राष्ट्रियता, हाम्रो स्वाभिमानमाथि हमला गरी फर्किए ।’

त्यसका विरुद्धमा तत्कालीन कम्युनिस्ट पार्टीले आन्दोलन गरेको बताए । ‘हाम्रो पार्टीले त्यसका विरुद्ध सङ्घर्ष गर्‍यो । हामीले राष्ट्रियता र पूर्ण लोकतन्त्रको पक्षमा सुरुदेखि कसरी उभियो भन्ने कमरेडलाई सुनाउन खोजेको हुँ,’ उनले भने । काँग्रेस नेतृत्वको पहिलो सरकार बनेपछि वामपन्थी शक्तिमाथि दमन भएको बताए । उनले भने, ‘हामी ००७ सालमा राणा शाहीविरुद्ध आन्दोलन गर्‍यौँ । लोकतन्त्र आएको ११ महिनाभित्रै नेपाली काँग्रेस नेतृत्वको सरकार बनेपछि कम्युनिस्ट पार्टीमाथि प्रतिबन्ध लाग्यो । हामीले त्यसका विरुद्ध सङ्घर्ष गर्नुपर्‍यो ।’

काँग्रेस आन्दोलनको मित्र शक्तिमाथि दमन गरेर राजतन्त्रसँग साँठगाँठ गरेको ओलीको आरोप छ । उनले भने, ‘काँग्रेसले राणाशासन विरुद्धको आन्दोलनमा सहभागी मित्र शक्तिमाथि दमन गर्ने र प्रतिक्रियावादी घाँटी जोड्ने नीति लियो । राजतन्त्रसँग साँठगाँठ गर्ने, राजतन्त्रलाई खुसी पारेर खाने तर वामपन्थी शक्तिमाथि दमन गर्ने र प्रतिबन्ध लगाउने काम गर्‍यो ओलीले भने । राजतन्त्र राणा शासनबाट मुक्त भएर तानाशाह भन्ने मनसायमा भएको कुरा काँग्रेसले बुझ्न सकेको उनको भनाइ छ । दिल्ली सम्झौताको अप्राप्तता, अपूर्णता र कमी कमजोरी पनि काँग्रेसले बुझ्न नचाहेको ओलीले बताए ।


प्रतिक्रिया दिनुहोस !


मार्मा क्षेत्रमाथिको हेपाहा प्रवृतिविरुद्ध कांग्रेस प्रदेश सांसदमा मेरो उम्मेदवारी : दिलिप महता



स्थानीय तह प्रदेश र संघको निर्वाचन नजिकिए संगै हाम्रो दार्चुलाको राजनीति माहोल पनि गरम हुँदै गईरहेको छ नेपाली कांग्रेस दार्चुलामा पनि आफ्ना आफ्ना उम्मेदवारीहरु घोषणा हुँदै गर्दा मैले पनि नेपाली कांग्रेस दार्चुलाको प्रदेश सभा (ख) क्षेत्रबाट प्रदेश सभा सांसदको उम्मेदवार बन्ने चाहाना राखेको छु । वि. सं २०५१ सालदेखि राज्य र हरेक पार्टीहरुले उत्पीडनमा राखेको दार्चुलाको (ख) क्षेत्र र त्यसमा पनि अपी हिमाल जस्तो दुर दराजमा रहेको विकट ठाउँबाट उम्मेदवारी दिने मेरो चाहानाप्रति सबैले साथ अनि समर्थ गर्नु हुनेछ।

दार्चुलाको प्रदेश सभा (ख) क्षेत्रमा अपी, मार्मा र नौगाडको भौगोलिक एकता वर्षैँदेखि रहि आएको छ । जुन पार्टीले अपी, मार्मा र नौगाडमा सांसदको उम्मेदवार तय गर्छ त्यही पार्टी को जित निश्चित हुन्छ भन्ने कुरा विगतको निर्वाचनले प्रष्ट पारेको छ । त्यस कारण यो पटक नेपाली कांग्रेस दार्चुलाले पनि अपी हिमाल जस्तो दुर दराजको क्षेत्रमा प्रदेश सांसदको टिकट दिएर समग्र मार्माबासी जनताप्रति न्याय गर्ने छ र अहिलेसम्म मार्मा माथि कांग्रेसले गर्ने गरेको विभेदलाई पनि सच्याउने अवसर कांग्रेस दार्चुलालाई आएको छ । आशा गरौं २०५१ सालदेखि निरन्तर पार्टी संगठनमा आबद्ध रहेर निरन्तर कृयाशिलता जनाउदै यो पटक दार्चुलाको प्रदेश सभा (ख) क्षेत्रमा प्रदेस सांसद बन्ने मेरो चाहाना र समग्र मार्माबासीको आशालाई विश्वासमा बदल्न नेपाली कांग्रेसले कुनै पनि कसुर बाकी राख्ने छैन । आशा अनि विश्वास छ, दार्चुला कांग्रेसले मलाई प्रदेशको टिकट दिएर समग्र मार्माबासी प्रति न्याय गर्ने छ । वर्षौंदेखि मार्मा प्रति कांग्रेसको विभेदकारी नजर यो पटक भने न्यायोचित बनोस्मा, मार्मा माथी न्याय होस् । जय मार्मा, जय अपी, जय नौगाड । समग्र मार्माली एकता हाम्रो चाहाना ।

लेखक दिलिप सिंह महता नेपाली कांग्रेस प्रदेश महाधिवेशन प्रतिनिधि समेत हुन् ।

प्रतिक्रिया दिनुहोस !

राष्ट्रिय सभा अध्यक्ष तिमिल्सिनालाई कोरोना संक्रमण



काठमाडौं, ४ माघ

राष्ट्रिय सभा अध्यक्ष गणेशप्रसाद तिमिल्सिनालाई कोरोना संक्रमण पुष्टि भएको छ । तीन दिनदेखि कोरोनासँग मिल्दोजुल्दो लक्षण देखिएपछि मंगलबार गरिएको पिसिआर परीक्षणमा तिमिल्सिनामा कोरोना पुष्टि भएको हो ।

उनको स्वास्थ्यवस्था सामान्य रहेको र बालुवाटरस्थित सरकारी निवमासमा होम आइसोलेसनमा रहेको तिमिल्सिनाको सचिवालयले जनाएको छ ।

स्वास्थ्यकर्मीको सल्लाहअनुसार स्वास्थ्य मापदण्ड अपनाउँदै उनी केही दिन आइसोलेशनमै रहने सचिवालयले जनाएको छ ।

प्रतिक्रिया दिनुहोस !

कजाकस्तान हिंसामा २२५ जनाको मृत्यु



एजेन्सी

कजाकस्तानमा एक साता लामो हिंसामा २२५ जनाको मृत्यु भएको छ । इन्धनको मूल्य बृद्धि विरुद्ध भएको प्रदर्शनमा उनीहरुको मृत्यु भएको सरकारले पुष्टि गरेको हो । ‘आपतकालको समयमा मारिएका २२५ शबको अन्त्यष्टि भएको छ,’ अभियोजनकर्ताको कार्यलयका एक अधिकारीले भने । प्रदर्शनका क्रममा मारिएका सर्वसाधरणको सेनाले सामूहिक अन्त्यष्टि गरेको सर्वसाधारणले बताउँदै आएका थिए । 

मृत्यु हुनेमा २० जना सुरक्षाकर्मी पनि छन् । यसअघि सेनाले ५० जनाको मृत्यु भएको जनाएको थियो । हिंसा चर्किदै गएपछि कजाकस्तानका राष्ट्रपतिको आह्वानमा आन्दोलन दबाउन रुसी नेतृत्वको सेना परिचालन भएको थियो ।

प्रदर्शन हिंसात्मक बन्दै गएपछि सरकारले हतियार नबिसाउने प्रदर्शनकारीलाई गोली हान्ने आदेश दिएको थियो ।  

प्रतिक्रिया दिनुहोस !

ताजा

लोकप्रिय

%d bloggers like this: