११ जेष्ठ २०७९, बुधबार
 |   Wed May 25 2022
Logo

आफ्नो नक्कली ट्वीटरले कुलमानलाई हैरान



काठमाडै । नेपाल विद्युत् प्राधिकरणका कार्यकारी निर्देशक कुलमान घिसिङलाई आफ्नो नाममा खुलेका नक्कली ट्वीटर ह्याण्डले हैरान बनाएको छ । घिसिङले आफ्नो नाम र तस्बिर प्रयोग गरी खोलिएका नक्कली ट्वीटर ह्यान्डलमार्फत स्थानीय तहको निर्वाचनको सन्दर्भमा गलत सूचनाहरू सम्प्रेषण भइरहेकोप्रति गम्भीर ध्यानाकर्षण भएको छ । मेरो आधिकारिक ट्वीटर ह्यान्डल प्ःन्जष्कष्लन रहेको र यसबाहेक मेरो नाममा अन्य कुनै ट्वीटर ह्यान्डल नभएको ब्यहोरा प्रष्ट पार्दै यस्ता नक्कली ह्यान्डलबाट प्रवाहित सूचनाहरूको भ्रममा नपर्न सबैलाई अनुरोध गर्दछु,’ उनले भनेका छन्, ‘निर्वाचन आयोगले स्थानीय तहको निर्वाचनका लागि जारी गरेको आचारसंहिताको पूर्ण रूपमा पालना गरिरहेको एक जिम्मेवार पदाधिकारीलाई विवादमा ल्याउने गरी यस्ता क्रियाकलापहरू नगरी दिनुहुन सबैलाई हार्दिक अनुरोध गर्दछु ।’


प्रतिक्रिया दिनुहोस !