१४ असार २०७९, मंगलवार
 |   Tue Jun 28 2022
Logo

प्रेम धामीको पालाको नीतिगत भ्रष्टाचारको युग अन्त्य गर्छौ : दलजीत धामी



हिमाली जिल्ला दार्चुलाको विकट मानिने नौगाड गाउँपालिकामा हालै माओवादी केन्द्रका प्रदेश कमिटी सदस्य दलजीत सिंह धामीले एमालेका जिल्ला कमिटी अध्यक्ष प्रेमसिंह धामीलाई लोप्रिय मतले पराजित गर्दै जिल्लाको राजनीतिमा सनसनी मच्चाए । राजनीतिक रुपमा समान्य परिघटना भए पनि बलियो सांगठानिक संरचना रहेको एमालेका जिल्ला अध्यक्ष प्रेम धामीलाई पालिका निर्वाचनमा हराउनु भनेको राजीतिक हिसाबले समान्य परिघटना भने होईन । पहिलो कुरा एमालेले जिल्लामा सबै पालिका गुमाए पनि भूराजनीतिक महत्वको पालिका भएकाले जीत्नका लागि सम्पूर्ण शक्ति प्रयोग गर्यो तर असफल भयो । दोस्रो अध्यक्षका उम्मेदवार प्रेम धामी व्याक्ति मात्रै थिएनन् उनी एक व्यवस्थित र बलियो राजनीतिक संस्थाका नेतृत्व थिए । त्यस अर्थमा पनि दार्चुला जिल्लको नौगाड गाउँपालिकामा माओवादीका नेता दलजीत धामीको विजयलाई महत्वपूर्ण राजनीतिक घटना भनेर राजनीतिक वृतमा चार्च हुने गर्दछ । आज सुप्रीम खबरले नौगाड गाउँपालिका अध्यक्ष धामी संग सक्षिप्त अन्तरवार्ता गरेको छ ।

तपाई माओवादी केन्द्रकोतर्फबाट पहिलो पटक २०७४ मा उम्मेदवार हुँदा तत्कालीन एमालेका उम्मेदवारसँग पराजय हुनु भयो । तर पछिल्लो पटक उनै उम्मेदवारलाई पराजीत गरी नौगाड गाउँपालिका अध्यक्षमा निर्वाचित हुनु भयो । २०७४ र अहिलेको निर्वाचनमा फरक परिणाम आउनुमा खास कारण के थिए ?

पहिलो कुरा, जब म पहिलो पटक २०७४ को निर्वाचनमा राजनीतिक मैदानमा प्रतिस्पिर्धामा उत्रिए त्यती बेला मलाई राजनीतिक अनुभवको कमी थियो । मेरो पृष्ठभूमि पूर्ण रुपमा नितान्त शिक्षण पेशा थियो । शिक्षण पेशाको सीमित घेरा हुन्थ्यो । व्यवसायीक दायीत्व वहन गरियो तर सामाजिक विज्ञानको अत्यन्तै जटिल राजनीतिक प्रतिस्पर्धा व्याक्तिगत रुपमा नौलो अभ्यास थियो । स्वभाविक रुपमा जनतासँगको सम्बन्ध र सामाजिक मनोविज्ञानका विषयमा अनविज्ञ थिए । समग्रमा भन्नु पर्दा राजनीतिक ज्ञान र अनुभवको कमी थियो । दोस्रो कुरा पाँच वर्षपछि राजनीतिक रुपमा धेरै अनुभव प्राप्त गर्ने अवसर पाए । अहिले म निर्वाचित हुनुमा पार्टीमा आएको सांगठानिक सुधार पनि अर्को कारण हो भन्ने ठान्दछु । तेस्रो अहिले देशै भरी गठबन्धन कति सफल भयो वा असफल त्यो समीक्षाको पाटो हो तर नौगाडको हकमा गठबन्धन मैत्रीपूर्ण नै रह्यो । गठबन्धन पनि मेरो विजयको एउटा कारण हो भन्ने लाग्छ ।

स्थानीय चुनाव होस् वा संसदीय चुनाव नै । कुनै पनि पार्टीको जीतमा उम्मेदवारको व्याक्तित्वमा पनि भर पर्छ भनिन्छ नि ?

निश्चय नै नौगाडको हकमा उम्मेदवारको व्याक्तित्वले मत परिणाममा फेरबदल आएको कुरा साँचो हो । गठबन्धन हुदा हुँदै पनि दार्चुलाका पाँच वटा पालिकामा पराजय भएको छ । पुराना जनप्रतिनिधि मध्ये माओवादी केन्द्रका नेता कमरेड जमनसिंह धामी बाहेक अरु सबै नयँ अनुहारका राजनीतिक नेतृत्व विजयी भए । २०७४ सालमा विजयी बनेका नेपाली कांग्रेसका उम्मेदवारहरु पराजय हुन पुगे । कांग्रेसका प्रतिनिधि मात्रै होईन, तपाईले देख्नु भयो नौगाडकै हकमा पनि एमाले जिल्ला कमिटी अध्यक्ष प्रेमसिंह धामीले आफ्नो पूर्ववत् राजनीतिक छबी कामय गर्न सकेनन् । जनताको बीचमा अलोकप्रियता बढेसँगै पराजीत हुन पुगे । यसरी गठबन्ध मात्रै सब थोक हो भन्न सकिदैन । निर्वाचन परिणाम अपेक्षाकृत आउनु पनि उम्मेदवारको राजनीतिक छवी पनि महत्वपूर्ण पाटो रहेछ भन्ने पनि पुष्टि भयो ।

तपाई एउटा जनप्रतिनिधि मात्र होईन, माओवादी केन्द्रको प्रदेश कमिटी सदस्यको जिम्मेवारीमा हुनुहुन्छ । तपाईले एक जनप्रतिनिध र एक राजनीतिक नेतृत्वका रुपमा कसरी अगाडी बढ्नु हुन्छ ?

पहिलो कुरा म रानीतिलाई नितान्त सामाजिक सेवाका रुपमा बुझ्ने गर्दछु अर्थात् राजनीतिलाई व्याक्तिगत जीवनबाट पृथक राख्नु पर्दछ । दोस्रो राजनीतिलाई व्याक्तिगत जीवनबाट टाढा राख्नु पर्छ । त्यसले पारिवारिक व्यवस्थापन र अन्य व्ययभार परिपूर्ती गर्ने बाध्यता हुदैन । अर्थात् द्रव्य प्रतिको मोह पूर्ण रुपमा त्याग्न सक्नु पर्दछ । तसर्थ राजनीतिलाई नितान्त समाजसेवाका रुपमा लिनु पर्छ भन्ने कुरामामा म दृढ छु । राजनीतिलाई व्याक्तिगत र पारिवारिक लाभका रुपमा नलिने हो भने साँचो अर्थमा राजनीति जनताको हितमा हुँछ त्यसले प्रतिनिधिको दायित्व पनि पूरा ह’ने र पार्टीको राजनीतिक जीवन पनि दीगो र विश्वासनीय बन्ने मेरो स्पष्ट बुझाई हो ।

हिजोको एमालेका जनप्रतिनिधिहरुले गरेको कार्य र तपाईहरुले भनिरहेको कार्यमा जनताले के भिन्नता देख्न पाउँछन् ?

पहिलो कुरा हाम्रो कार्यकालमा हिजोको जस्तो आर्थिक अपार्दशिता हुने छैन । दोस्रो हिजो पालिकामा प्रेम धामी जी नेतृत्वमा हुनुहुन्थ्यो । उहाँका कार्यकालमा पालिकाले गरेका निर्णयहरु गेप्य राखिन्थे । हामी जनताका बीचमा खुलस्त पारेर अघि बढ्ने छौ । तेस्रो प्रेम धामी जीको पालमा नौगाडमा नीतिगत भ्रष्टाचारको सीमा नै हुन्थेन भनिन्छ । त्यो हाम्रो आरोप होईन, एमालेकै कार्यकर्ताहरुले गरेको कानेखुसी हो । हामीले नीतिगत भ्रष्टाचारको अन्त्य गछौँ । नीतिगत भ्रष्टाचारको अन्त्य भन्नुको अर्थ अरु खुला रुपमा देखिने अनियमितताको मुहान बन्द गर्नु हो । चौथो हामीले हिजो एमालेका प्रतिनिधिहरुको जस्तो निषेधको राजनीति गर्दैनौ । हामी उच्च राजनीतिक सँस्कारसहित सबैको सहभागितामा विकास निर्माणका कार्यक्रमहरु ऋघि बढाउनेछौँ ।

अब तपाईले नौगाड गाउँपालिकामा नेतृत्व गरिसकेपछि अघिल्लो सरकारले गरेका र बाँकी रहेका व्यभारलाई कसरी व्यवस्थापन गर्ने गरि सोच्नु भएको छ ?

हामीले हिजो पनि भनेका थियौँ । हाम्रो पहिलो काम भनेको आर्थिक सुशासन कायम गर्नु हो । त्यसलै हामीले आर्थिक स्वेतपत्र जारी गर्ने भनेका छौ । अर्को कुरा महालेखा परिक्षकको कार्यालयको रिपोर्टलाई पनि जनताको बीचमा ल्याउने छौँ । त्यस्तै गाउँपालिकाको अघिल्लो सरकारले नितान्त आफ्ना कार्यकर्तालाई पोस्न क्रमागतमा राखेका अवैज्ञानिक र अदृष्य साँठगाँठ ठानिएका कार्यक्रमहरु रद्द गरिनेछन् । भने पालिकाले आर्थिक भार पूरा गर्न वित्तिय संस्थाबाट ऋण लिन पाउने प्रावधान भएपनि अस्वभाविक र अवैज्ञानिक वित्तिय भारको जोखिम हामीले लिनुपर्छ भन्ने हामीलाई लाग्दैन ।

आर्थिक स्वेतपत्र राजनीतिक पूर्वाग्रह साध्ने टुलका रुपमा प्रयोग गर्न खोजेको भन्ने कुरा सनिन्छ नि ?

हामीले आर्थिक स्वेतपत्र जारी गर्ने भन्नुको अर्थ विगतमा भएका सम्पूर्ण आर्थिक अपार्दर्शितालाई जनताको बीचमा ल्याउने र अबको पालिकाले अघि बढाउने कार्यक्रमलाई पारदर्शी बनाउने हाम्रो ध्येय हो । यो आर्थिक अनुशासनको प्राथमिक चरण हो । अर्को कुरा हाम्रो कार्यकालमा प्रेम धामीको पालको जस्तो राजनीतिक प्रतिशोध साधिने छैन । हामी निर्वाचित जनप्रतिनिधि कुनै पार्टी विशेषका नभएर सबै जनताका हौँ भन्ने पुष्टि गर्ने छौ । विकास निर्माण, कर्मचारी नियुक्ति र अन्य कार्यक्रमहरुमा सबैलाई समान सेवा दिईने छ ।


प्रतिक्रिया दिनुहोस !