१४ असार २०७९, मंगलवार
 |   Tue Jun 28 2022
Logo

एप्पल फेरी बन्यो विश्वको सबैभन्दा मूल्यवान ब्रान्ड



विश्वको सबैभन्दा मूल्यवान ब्रान्डको ताज टेक कम्पनी एप्पलले अमेजनबाट फिर्ता लिएको छ। कान्तार ब्रान्डजेडको पछिल्लो १०० सबैभन्दा मूल्यवान ग्लोबल ब्रान्ड प्रतिवेदनमा एप्पल विश्वको सबैभन्दा मूल्यवान ब्रान्ड घोषित भएको छ।

सबैभन्दा भर्खरको वित्तीय कार्यसम्पादन र उपभोक्ता अनुसन्धान डाटाको र्याकिंगले एप्पलको उच्च स्तरको भिन्नता र यसको हार्डवेयर, सफ्टवेयर र सेवा पोर्टफोलियोमा निरन्तर विविधीकरणका कारण वार्षिक रूपमा ५५ प्रतिशतले बढेको देखाएको छ। जसले गर्दा एप्पलको कुल मूल्य ९४७. १ अर्ब अमेरिकी डलर पुगेको छ।

गुगल दोस्रो स्थानमा उक्लिएको छ र यो र्याङ्किङमा सबैभन्दा छिटो उक्लिने मध्ये एक हो, यसको ब्रान्ड मूल्य ७९ प्रतिशतले बढेर हाल ८१९.६ अर्ब डलरमा पुग्यो। गुगलको सुइट अफ वर्क र उत्पादकता एपहरूले यसलाई विश्वव्यापी उपभोक्ताहरूको जीवनको अत्यावश्यक अंश बनाएको छ।

त्यसैगरी गत वर्ष पहिलो स्थानमा रहेको अमेजन एकैपटक तेस्रो स्थानमा पुगेको छ। जहाँ कम्पनीको ब्राण्ड मूल्य ३ प्रतिशत मात्र बढेको छ। यसको कुल ब्राण्ड भ्यालु ७०५.६४ अर्ब डलर रहेको छ।

माइक्रोसफ्ट आफ्नो ब्राण्ड भ्यालु ६११.४६ अर्ब डलरका साथ चौथो स्थानमा छ भने चिनियाँ टेक कम्पनी टेनसेन्ट ब्राण्ड भ्यालु सूचीमा पाँचौं स्थानमा रहेको छ। टेनसन्टको ब्राण्ड भ्यालु २१४.०२ अर्ब डलर रहेको छ।

यस बाहेक फेसबुक र अलिबाबा आठौं र नवौं स्थानमा रहेका छन्।

विश्वका शीर्ष १०० सबैभन्दा मूल्यवान ब्रान्डहरूको संयुक्त मूल्य गत वर्षमा २३ प्रतिशत बढेर ८.७ ट्रिलियन डलर पुगेको छ, जसले अस्थिर विश्वव्यापी अर्थतन्त्रलाई नेभिगेट गर्न ब्रान्ड भ्यालुको महत्त्वलाई उजागर गरेको छ।

तथ्यांककाअनुसार यो वर्ष ३७ ब्रान्डले आफ्नो वरियतामा सुधार गरेका छन्। २०२२ मा, ब्रान्ड मूल्यको तीन चौथाई भन्दा बढी अमेरिकी कम्पनीहरूबाट उत्पन्न भएको छ। मिडिया र मनोरन्जन, व्यापार समाधान र टेक्नोलोजी प्रदायकहरू र रिटेल क्याटगरीहरूमा शीर्ष १०० श्रेणीको कुल मूल्यको आधा भन्दा बढीको लागि जिम्मेबार छन्।


प्रतिक्रिया दिनुहोस !