१६ चैत्र २०८०, शुक्रबार
 |   Fri Mar 29 2024
Logo

सञ्चार सचिवको आकर्षण नेपाल टेलिकमको ५९९ रुपैयाँको प्याक



सञ्चार तथा सूचना प्रविधि सचिव डा. बैकुण्ठ अर्यालले मोबाइलमा कुराकानी गर्न तथा इन्टरनेट चलाउन ५९९ रुपैयाँको प्याक लिने गरेको बताएका छन्।

बिहीबार प्रतिनिधि सभाको विकास तथा प्रविधि समितिको छलफलमा डा. अर्यालले मोबाइलमा कुराकानी गर्न तथा इन्टरनेट चलाउन मासिकरुपमा ५९९ रुपैयाँको प्याक लिने गरेको बताएका हुन्।

डा. अर्यालले नेपाल टेलिकमले पोस्टपेड सिमका लागि रेन्टलसहित उपलब्ध गराउँदै आएको ५९९ रुपैयाँ प्याक खरिद गरेर मोबाइल प्रयोग गर्दै आइरहेका छन्।

समितिका सदस्यहरुले निःशुल्क टेलिफोन सेवा उपलब्ध गराउनु पर्ने प्रश्नको जवाफमा उनले आफूले प्रयोग गर्दै आएको प्याकको बारेमा जानकारी दिएका हुन्।

‘नेपालमा विगतको जस्तो टेलिफोन सेवा महँगो छैन। ग्राहकका सूविधाका लागि दूरसञ्चार सेवा प्रदायकहरुले प्याक उपलब्ध गराउँदै आएका छन्,’ डा. अर्यालले भने, ‘प्याक प्रयोग गरेमा सस्तोमा टेलिफोन सेवा उपयोग गर्न सकिन्छ।’


प्रतिक्रिया दिनुहोस !