काठमाडौं । उत्तर कोरियाले शनिबार पूर्वी सागरमा दुई छोटो दुरीका ब्यालिस्टिक मिसाइल प्रहार गरेको दक्षिण कोरियाको सेनाले जानकारी दिएको छ। एक हप्ताभन्दा कम समयमा चौथो पटक मिसाइल हानेको दक्षिण कोरियाले बताएको छ । जोइन्ट चिफ अफ स्टाफ (जेसीएस) ले प्योङयाङको सुनान क्षेत्रबाट बिहान ६:४५ देखि ७:०३ बजेको बीचमा प्रक्षेपण भएको र ती क्षेप्यास्त्रहरूले म्याच ६ को उच्च गतिमा ३० किलोमिटरको अपोजीमा करिब ३५० किलोमिटर दुरी पार गरेका छन् । अघिल्लो दिन, दक्षिण कोरिया, संयुक्त राज्य अमेरिका र जापानले पूर्वी सागरमा पनडुब्बी विरोधी युद्ध अभ्यास गरेका थिए ।