१५ चैत्र २०८०, बिहीबार
 |   Thu Mar 28 2024
Logo

राजनीतिक पूर्वाग्रहले दुई बिगाहामा लगाएको धानमा आगजनी



रौतहट : रौतहटको पश्चिम भेग फतुवा विजयपुर नगरपालिका स्थित दुई बिगाहा क्षेत्रफलको खेतमा फलेको धानमा अज्ञात समूहले आगजनी गरेको छ । अवकाश प्राप्त सई रामानन्द यादवको खेतको धान काटेर दाइँ गर्न सितलपुर गाउँछेउ खरिहानमा राखिएको धानको भारिमा गएराती १२ बजे अज्ञात समूहले आगजनी गरेको हो । 

आगजनी बाट धान पूर्णरुपमा जलेको छ । सो घटनामा १ लाख ६० हजार बराबरको क्षति भएको पीडित यादवले बताए।  घरमा भित्र्याउन ठिक्क पारेको धानको भारीमा कसैले राजनीतिक पूर्वाग्रहको कारण आगलागी गरेको हुनसक्ने पूर्व  सई यादवको अनुमान रहेको छ। दोषीलाई तत्काल पक्राउ गरी कानुनी कारबाही गर्नुका साथै क्षतिपूर्ति दिलाउन पीडित परिवारको माग रहेको छ। घटनाको पुष्टि गर्दै आवश्यक अनुसन्धान भइरहेको  इलाका प्रहरी कार्यालय सन्तपुर दोस्तियाले जनाएको छ ।


प्रतिक्रिया दिनुहोस !


ताजा

लोकप्रिय