![](https://i0.wp.com/www.supremekhabar.com/wp-content/uploads/2024/05/newskarkahna-news702810.jpg?fit=1000%2C563&ssl=1)
काठमाडौँ । भारतीय जनता पार्टी (भाजपा) ले भोजपुरी गायक पवन सिंहलाई पार्टीबाट निष्कासन गरेको छ ।
लोकसभा चुनावको उम्मेदवारको पहिलो सूचीमा भाजपाले पश्चिम बंगालको आसनसोल सिटबाट पवन सिंहलाई टिकट दिएको थियो। यद्यपि, उनी आफ्ना गीतहरूमा बंगाली महिलाहरूको आपत्तिजनक चित्रणले घेरिएका थिए र त्यसपछि पवन सिंहले चुनाव नलड्ने घोषणा गरे ।
त्यसपछि पवन सिंहले बिहारको कराकट सिटबाट स्वतन्त्र उम्मेदवारी दर्ता गराएका थिए । उपेन्द्र कुशवाहा यहाँ एनडीएबाट उम्मेदवार छन् ।
बिहार बीजेपीले पवन सिंहलाई पार्टीबाट हटाएको पत्र दिएको छ । पत्रमा लोकसभा चुनावमा एनडीएको अधिकृत उम्मेदवारविरुद्ध लडेको र यो अनुशासनविपरीत भएको भन्दै पार्टीबाट निष्काशित गरेको जानकारी दिएको छ ।