१६ चैत्र २०८०, शुक्रबार
 |   Fri Mar 29 2024
Logo

दसैँको शुभकामनामा प्रधानमन्त्रीद्वारा लिम्पियाधुरा नसमेटिएको नक्सा प्रयोग



काठमाडौँ– प्रधानमन्त्री केपी शर्मा ओलीले सामाजिक सञ्जालमार्फत दसैँको शुभकामना व्यक्त गर्ने क्रममा लिम्पियाधुरा नसमेटिएको नक्सा प्रयोग गरेका हुन् । प्रधानमन्त्रीले दसैँको शुभकामना दिनका लागि प्रयोग भएको तस्बिरमा नेपालको निशान छाप अंकित गरिएको छ तर उक्त छापमा रहेकाे नेपालको नक्सामा हालै संविधान संशोधन गरेर समेटिएको लिम्पियाधुरासहितको भूभाग समेटिएको पाइएको छैन ।

प्रधानमन्त्रीले नै लिम्पियाधुरा नसमेटिएको नेपालको नक्सा प्रयोग गरेपछि प्रमुख विपक्षी नेपाली कांग्रेसले गम्भीर विमति प्रकट गरेको छ । कांग्रेसले देशको संसदले पारित गरेको नक्सा अब नक्सामै असुरक्षित भएपछि जग्गा फिर्ता गर्ने अभियान जारी कि यहाँको नेतृत्वमा विसर्जन भनेर प्रधानमन्त्रीलाई प्रश्न गरेको छ।

‘लिम्पियाधुरारहित नेपालको नक्सा प्रयोगलाई सामान्य त्रुटि कसरी मानौँ सम्माननीय प्रधानमन्त्री ज्यू’, प्रधानमन्त्री ओलीलाई इंकित गर्दै कांग्रेस प्रवक्ता विश्वप्रकाश शर्माले ट्विटरमा लेखेका छन्, ‘गम्भीर विमती दर्ज होस् ।’


प्रतिक्रिया दिनुहोस !