नेकपा एमालेका नेता माधवकुमार नेपालले निर्वाचन आयोगले केपी शर्मा ओलीलाई वैधानिकता दिएपनि नआत्तिन नेता कार्यकर्तालाई आग्रह गरेका छन ।
मंगलबार आफ्नो समूह निकट वाग्मती प्रदेश कमिटीको वैठकलाई सम्बोधन गर्दै नेता नेपालले आयोगले केपी ओलीको निर्णयलाई वैधानिकता दिए नआत्तिन आग्रह गरेका हुन् । समस्या आएमा समाधान पनि निकाल्ने भन्दै उनले भने, ‘तपाईंहरु र हामी एउटै डुङ्गामा सवार भएका छौं, त्यो डुङ्गालाई सफलताका साथ वारीबाट पारी पुर्याइछाड्ने छौं । लक्ष्यसम्म पुगिछाड्ने छौं । आत्तिनुपर्ने केही छैन ।’
