११ असार २०८१, सोमबार
 |   Mon Jun 24 2024
Logo

कोरोनाको केन्द्रबिन्दु बन्यो काठमाडौं, आज २९५६ जनामा संक्रमण पुष्टि



काठमाडौं : पछिल्लो २४ घण्टामा काठमाडौं उपत्यकामा मात्रै करिब तीन हजारमा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार उपत्यकाका तीन जिल्लामा मात्र २४ घण्टामा करिब तीन हजारमा संक्रमण पुष्टि भएको हो । मन्त्रालयका अनुसार काठमाडौंमा दुई हजार चार सय ४, भक्तपुरमा १३३ र ललितपुरमा ४१९ गरेर २९ सय ५६ जनामा संक्रमण पुष्टि भएको हो । देशभर ५७ य २७ जनामा संक्रमण पुष्टि हुँदा उपत्यकामा मात्र आधा बढीमा संक्रमण देखिएको हो । २४ घण्टामा ३३ जनाको भने मृत्यु भएको छ ।

बिहीबार २४ घण्टामा ३५ जनाको मृत्यु भएको थियो । मन्त्रालयका अनुसार बागमती प्रदेशमा मात्र होम आइसोलेसनमा १८ हजार २३३ जना रहेका छन् । संस्थागत आइसोलेसनमा १० हजार ६३ जना रहेका छन् । आईसीयूमा १४४ जनाको उपचार भइराखेको छ भने भेन्टिलेटरमा ७२ जना छन् । पछिल्ला दिनमा नेपालमा संक्रमण व्यापक बन्दै गएको छ । सरकारले उपत्यकासहित विभिन्न २२ जिल्लामा रोकथाम तथा नियन्त्रणका लागि निषेधाज्ञा गरेको छ ।


प्रतिक्रिया दिनुहोस !