१२ श्रावण २०८१, शनिबार | Sat Jul 27 2024

Logo

पश्चिम नवलपरासीमा ५ कोरोना संक्रमितको मृत्यु



परासी : पश्चिम नवलपरासीमा २४ घण्टाको अन्तरालमा ५ जनाको मृत्यु भएको छ। शुक्रबार बिहानदेखि शनिबार बिहानसम्म मृत्यु हुनेमा रामग्राम नगरपालिका र सुनवल नगरपालिकाका २/२ जना रहेका छन्। उनीहरुमध्ये सुनवल नगरपालिका-६ का ८४ वर्षीय पुरुषको शुक्रबार होम आइसोलेसनमा र सोही नगरपालिका-७ का ८५ वर्षीय पुरुषको भीम अस्पतालमा उपचारका क्रममा मृत्यु भएको हो। त्यसैगरी रामग्राम नगरपालिकाका ६ का ४२ वर्षीय पुरुषको मेडिकल कलेज भैरहवामा उपचारका क्रममा शुक्रबार बिहान मृत्यु भएको हो। शनिबार बिहान मात्र २ जनाको मृत्यु भएको छ। मृत्यु हुनेमा रामग्राम नगरपालिका-१० की ४५ वर्षीया महिला छन्। उनको कोरोना विशेष अस्पताल बुटवलमा मृत्यु भएको हो। त्यस्तै पृथ्वीचन्द्र जिल्ला अस्पतालमा उपचारका क्रममा शनिबार सरावल गाउँपालिका-२ का ४५ वर्षिय युवकको मृत्यु भएको अस्पतालका मेडिकल सुपरिटेण्डेण्ट डा. मोहम्मद नुरुल होदाले बताए।

 


प्रतिक्रिया दिनुहोस !