५ माघ २०७८, बुधबार
 |   Wed Jan 19 2022
Logo

मधेस केन्द्रित दलमा रुझान बढदो, तमलोपा र राजपा नेपालसमेत पार्टी पुनः दर्ता



तराई मधेसमा विगतमा राजनीतिक नाम कमाएका पार्टीका नामहरू पुनः ब्युत्याउँदै निर्वाचन आयोगमा राजनीतिक दल दर्ता गर्ने क्रम बढन थालेको छ ।

संघीय संसदमा प्रतिनिधित्व गर्ने जनता समाजवादी पार्टी नेपाल र लोकतान्त्रिक समाजवादी पार्टीबीच आन्तरिक खिचलो बढ्दै जाँदा पुरानै नाममा तराई मधेस केन्द्रित दल दर्ता गर्ने क्रम बढेको देखिएको हो ।

महन्थ ठाकुर नेतृत्वको पार्टीमा दुई खेमा देखा परेर कार्यकारिणी समितिको बैठक बस्न नसकिरहेको बेला सो पार्टीमा आवद्ध रविशंकर कर्णको नेतृत्वमा तराई मधेस लोकतान्त्रिक पार्टी आयोगमा दर्ता भएको छ ।

गत ८ मंसिरमा दर्ता भएको सो पार्टीको केन्द्रीय कार्यालय जनकपुरमा राखिएको छ भने आयोगले सो पार्टीलाई ‘लोककला कोरिएको गाग्रोमा आँपको कलश र त्यसमाथि नरिवल’ चुनाव चिन्ह प्राप्त गरेको छ ।

‘तराई मधेस केन्द्रित दलले मधेस र मधेसी जनतालाई प्रयोग गरेर सत्ताका लागि भर्‍याङ मात्र बनाए, त्यसकारण हामीले तमलोपा दर्ता गरेर राजनीतिक गतिविधि अघि बढाएका हौं,’ अध्यक्ष कर्णले न्युज कारखानासँग भने । उनका अनुसार हाललाई २१ सदस्यीय केन्द्रिय कार्यसमिति कायम गरेर निर्वाचन आयोगमा दर्ता गराइएको हो ।

तत्कालीन तमलोपाको विद्यार्थी संगठन तराई मधेस विद्यार्थी फ्रन्टका सुरेश मण्डल नेतृत्व कार्याकालका उपाध्यक्षसमेत रहेका कर्णले लोसपा अध्यक्ष ठाकुरवाट असन्तुष्ट बृषेचन्द्र लालले पार्टी खोल्न लगाएको आरोप लगाए पनि उनले अस्विकार गरेका छन् । ‘यो पार्टी खोल्नुमा बृषेशचन्द्रजीको कुनै हात छैन, यसमा उहाँ कतैवाट संलग्न हुनुहुन्न्,’ कर्णको प्रस्टोक्ति छ ।

लोसपा अध्यक्ष ठाकुर, राजेन्द्र महतो, शरदसिंह भण्डारी, महेन्द्र यादव, अनिलकुमार झा र राजकिशोर यादवसहित ६ सदस्यीय अध्यक्ष मण्डलबाट नेतृत्व रहेको राष्ट्रिय जनता पार्टी नेपाललाई पुनः ब्युत्याउँदै निर्वाचन आयोगमा दर्ता गरिएको छ ।

उपेन्द्र यादव नेतृत्वको पार्टीसँग एकीकरण भएपछि विघटनमा पुगेको राजपा नेपाललाई हरिनारायण यादवले आयोगमा दर्ता गराएका हुन् । तत्कालीन मधेसी जनअधिकार फोरम नेपालको चुनाव चिन्ह ‘दायाँ हातले समातेको मशाल’लाई प्रयोग गर्दै यादवले पुरानो पार्टीलाई आफ्नो नेतृत्वमा दर्ता गराएका हुन् । उनले केन्द्रीय कार्यालय भने काठमाडौं तोकेका छन् ।

बहुदलीय व्यवस्था र गणतन्त्र स्थापना अघि तराई मधेस केन्द्रित एक मात्र राजनीतिक दल ‘सदभावना पार्टी’लाई पनि बिभिन्न नाममा राखेर निर्वाचन आयोगमा दर्ता भएको छ । गजेन्द्रनारायण सिंहले स्थापना गरेको ‘सद्‌भावना’ नाम जोडेर विश्वनाथ साह र राजकुमार महतोले अलगअलग नाममा राजनीतिक दल दर्ता गराएका छन् ।

साहले ‘गदा’ चुनाव चिन्ह राखेर राष्ट्रिय सद्‌भावना पार्टी दर्ता गराएका छन् भने महतोले भने बहुदलीय व्यवस्थाको कार्यकालमा प्रयोग गर्दै आएको ‘पञ्जा’ छापसहित नेपाल सद्‌भावना पार्टी दर्ता गराई राजनीतिक गतिबिधि अगाडी बढाएका छन् । साहको केन्द्रिय कार्यालय मंलगवा, सर्लाही राखिएको छ भने महतोले जनकपुरमा केन्द्रिय कार्यालय रहेको जानकारी आयोगलाई दिएका छन् ।

त्यसो त, तराई मधेस आन्दोदलनबाट एकाएक स्थापित ‘मधेसी जनअधिकार फोरम, नेपाल’ नामप्रति मोह भएकाहरूले पनि ‘फोरम’ शब्द राखेर विभिन्न पार्टी दर्ता गराएको देखिएको छ ।

भाग्यनाथ साहले मधेसी जनअधिकार फोरम मधेस नाम राखेर ‘चर्खा’ चुनाव चिन्हसहित राजनीतिक दल दर्ता गराएर बसेका छन् भने अमर यादवले मधेस तराई फोरम नामको पार्टी दल दर्ता गराएर बसेका छन । गौर केन्द्रिय कार्यालय राखेका यादवले बाल्टिन चुनाव चिन्ह पाएका छन् भने साहको केन्द्रीय कार्यालय वीरगञ्जमा रहेको निर्वाचन आयोगलाई जानकारी गराएका छन् ।

उपेन्द्र यादव नेतृत्वको संस्थापन कोषाध्यक्षसमेत रहेका गौरका यादवलाई ‘फोरम’ शब्दको मोह घटेको अझै देखिएको छैन, साह पनि फोरमका संस्थापक सदस्य हुन । दुवैले ‘फोरम’ शब्द प्रयोग गरेर अलग अलग पार्टी सञ्चालन गरेर बसेका छन् ।

उता, उपेन्द्र यादवले अशोक राईलगायतका पार्टीसँग एकीकरण गर्दा गठन भएको ‘संघीय समाजवादी’ नामप्रति मोह राख्दै विगतमा सोही पार्टीमा रहेका रिजवान अन्सारीले नेपाल संघीय समाजवादी पार्टी दर्ता गरेर बसेका छन् । काठमाडौंलाई केन्द्रीय कार्यालय बनाएका अन्सारीले आयोगबाट बस चुनाव चिन्ह पाएका छन् ।


प्रतिक्रिया दिनुहोस !


उपत्यकाका तीनवटै सीडीओ कार्यालय सेवा घटाउने तयारी, काठमाडौं प्रशासनका २० कर्मचारी लाई कोरोना



काठमाडौं । कोरोना संक्रमण रोकथाम तथा नियन्त्रणको अग्रपंतिमा खटिरहेको काठमाडौं उपत्यका तीन वटै जिल्ला प्रशासन कार्यालयमा कार्यरत कर्मचारी कोरोना संक्रमणको उच्च जोखिममा परेका छन् । काठमाडौं, ललितपुर र भक्तपुर जिल्ला प्रशासनका कर्मचारीमा संक्रमण देखिएपछि नियमित कार्यसम्पादनमै असर पर्न थालेको छ ।

कोरोना संक्रमण बढिरहेको अवस्थामा अत्यावश्यक सेवा बाहेक अन्य सेवा बन्द गर्नुपर्ने पक्षमा तीन वटै जिल्लाका प्रमुख जिल्ला अधिकारी सकारात्मक देखिएका छन् । उनीहरुले अहिलेकै अनुपातमा उपत्यकामा कोरोना संक्रमण बढ्दै जाने हो भने जिल्ला प्रशासन कार्यालका सबै कर्मचारी र सेवा लिन आउने सबै सेवाग्राही संक्रमित हुने अवस्था आउने र त्यसले भयाभह अवस्था सृजना हुनेतर्फ सरकार सचेत हुनुपर्नेमा बताएका छन् ।

जिल्ला प्रशासन कार्यालय काठमाडौंका सूचना अधिकारीसमेत रहेका सहायक प्रमुख जिल्ला अधिकारीका अनुसार कार्यालयमा कार्यरत २० जनामा कोरोना संक्रण पुष्टि भइसकेको छ भने १५ जनामा कोरोनाका लक्षण देखिएकाले उनीहरुलाई घरमै बसेर कोराना परिक्षण गर्न भनिएको छ ।

प्रतिक्रिया दिनुहोस !

तीन दिनसम्म धेरैजसो स्थानमा वर्षा, तराइमा हुस्सु र हिमालमा हिमपात



आउने देखिएको छ । पश्चिमी वायुको प्रभावले नेपालको मैसममा केही खराबी आउने भएको हो । मौसम पूर्वानुमान महाशाखाका अनुसार आज प्रदेश नं १ र मधेश प्रदेश लगायत पहाडी भू-भागहरुमा आंशिक बदली रहने अवस्था छ । त्यस्तैगरी तराईका थोरै स्थानहरूमा हुस्सु कुहिरो लाग्नेछ ।

त्यस्तैगरी आज सुदूर पश्चिम प्रदेश, कर्णाली प्रदेश र लुम्बिनी प्रदेश लगायत अन्य प्रदेशहरूको पहाडी भू(भागमा पनि आंशिक देखि सामान्य बदली रहने मौसम पूर्वानुमान महाशाखाले जनाएको छ ।

उक्त स्थाहरुबाहेक अन्य स्थानमा भने मौसम सामान्य रहेनछन् । तर देशका उच्च पहाडी तथा हिमाली भू–भागका थोरै स्थानमा हल्का हिमपातको सम्भावना रहेको बताइएको छ ।

त्यस्तैगरी बिहीबार र शुक्रबार पनि देशभरका केही मुलुकमा आंशिक तथा सामान्यतया बदली रहनेछन । बिहीबार प्रदेश नं १, बाग्मती प्रदेश, गण्डकी प्रदेश, कर्णाली प्रदेश तथा सुदूरपश्चिम प्रदेशका एक दुई स्थानहरूमा हल्का वर्षाको सम्भावना रहेको छ। देशका उच्च पहाडी तथा हिमाली भूभागका केही स्थानमा हल्का हिमपातको सम्भावना छ।

प्रतिक्रिया दिनुहोस !

नेपाली सेनाको कानून विभागका मेजर डाँका मुद्दाका प्रतिवादी !



काठमाडौं । नेपाली सेनामा फौजदारी अभियोग लागेका व्यक्तिले जागिर खाइरहेको पाइएको छ । सेनाको कानूनी पाटो हेर्ने निकाय प्राड विवाकमा कार्यरत सेनानी राजकुमार रञ्जितकार डाँका मुद्दामा जिल्ला अदालत, काभ्रेबाट वारेन्ट जारी भएको व्यक्ति भएको खुलेको हो ।

जिल्ला अदालत, काभ्रेले रञ्जितकार प्रतिवादी रहेको मुद्दामा २०६३ सालमा फैसला गर्दा उनी फरार रहेकाले डाँका सम्बन्धी अभियोग मुल्तबीमा रहने भनिएको थियो । अदालतमा प्रहरीले बुझाएको प्रतिवेदन अनुसार ६ वैशाख २०५८ को राति काभ्रेको साबिक टुकुचा नाला गाविस–६ स्थित यदुराज गिरीको घरमा डकैती भएको थियो ।

त्यसवेला इलाका प्रहरी कार्यालय, बनेपामा बुझाइएको जाहेरीमा झण्डै ६०/७० जना सशस्त्र माओवादीसहित घर घेरेर ३२ लाख ५६ हजार ५ सय बराबरको धनमाल डाँका गरिएको भन्दै खोजतलास गरिदिन भनिएको छ ।

गिरीले दिएको हुलिया अनुसार डकैतीमा संलग्न शिवप्रसाद दाहाल पक्राउ पर्दा गाडीमा पुरानो हाँडीभित्र पुरानो नोट १० को २५१ वटासहित सुन र चाँदीका गरगहना बरामद भएको थियो । उनले घटनामा आफ्नो संलग्नता अस्वीकार गर्दै भरत सापकोटा नामक व्यक्तिलाई पोलेका थिए ।

प्रतिक्रिया दिनुहोस !

ताजा

लोकप्रिय

%d bloggers like this: