आइपीएलमा चेन्नईको विजयी सुरुवात « Name of Truth News : News Portal in Nepal
   ६ कार्तिक २०७८, शनिबार
 |   Sat Oct 23 2021
Logo

आइपीएलमा चेन्नईको विजयी सुरुवात



१३ औँ संस्करणको इण्डियन प्रिमियर लिग (आइपीएल) टी–ट्वान्टी क्रिकेटमा साविक उपविजेता चेन्नई सुपर किङ्सले विजयी सुरुवात गरेको छ।

शनिबार राति युएईको अबुधाबीमा भएको उद्घाटन खेलमा साविक विजेता मुम्बई इण्यिन्सलाई ५ विकेटले पराजित गर्दै चेन्नईले विजयी सुरुवात गरेको हो।

मुम्बईले दिएको १ सय ६३ रनको लक्ष्य चेन्नईले १९ ओभर २ बलमा ५ विकेट गुमाएर पुरा गरेको थियो।

चेन्नईको जितमा अम्बाती रायाडुले ७१ रनको अर्धशतकीय इनिङ्स खेलेका थिए। उनले ४८ बलमा ६ चौका र ३ छक्काकाे मद्धतले ७१ रन बनाउँदै चेन्नईको जित सहज पारे।

यस्तै फाप डुप्लेसिसले अविजित रहँदै ५५ रनको अर्धशतकीय इनिङ्स खेले। खेलमा उनले ४४ बलको सामना गरेर ५५ रन बनाएका हुन्।

रायडु र डुप्लेसिसले तेस्रो विकेटका लागि १४ ओभरमा ११४ रनको साझेदारी गरेका थिए। साम करनले १८ तथा रबिन्द्र जडेजाले १० रन जोड्दा कप्तान महेन्द्र सिंह धोनी शून्यमा आउट भए।

मुम्बईका ट्रेन्ड बोल्ट,जेम्स प्याटीनसन, जस्प्रित बुम्राह, हार्दिक पाण्डय र राहुल चाहरले १–१ विकेट लिए । यस अघि टस हारेर पहिले ब्याटिङ गरेको मुम्बईले २० ओभरमा ९ विकेट गुमाएर १ सय ६२ रन बनाएको थियो।

मुम्बईका लागि सौरभ तिवारीले ४२ रन बनाउदा क्विनटन डी ककले ३३ रन बनाएका थिए। चेन्नईका लुंगी एनजिडीले ३ रबिन्द्र जडेजा र दिपक चाहरले २–२ तथा साम करण र पियुस चावालाले १-१ विकेट लिएका थिए।


प्रतिक्रिया दिनुहोस !


विमलले मछिन्द्रबाट ए डिभिजन लिग खेल्ने



नेपाल राष्ट्रिय पुरुष फुटबल टोलीका सदस्य विमल घर्तीमगरले आगामी शहिद स्मारक ए डिभिजन लिगमा साविक विजेता मछिन्द्र फुटबल क्लबबाट खेल्ने भएका छन् ।

युवा स्ट्राइकर विमल र साविक विजेता मछिन्द्र यस सिजन सँगै रहने निर्णय गरेका हुन् । गत सिजनसमेत मछिन्द्रबाट लिग खेलेका विमलले यस सिजनमा पनि खेल्ने निर्णय लिएका हुन् ।

क्लब स्रोतले न्युज कारखानालाई पुष्टि गर्दै युवा खेलाडी विमल यस सिजन क्लबसँग रहने बताएको हो । ‘यस सिजनसमेत विमल क्लबमै रहनेछन् । विमल र क्लब सम्झौता नवीकरण गर्न तयार भएका छौं,’ क्लब स्रोतले न्युज कारखानालाई बतायो ।

क्लबले भोलि (आइतबार) दिउँसो २ बजे पत्रकार सम्मलेन गरेर विमललाई क्लबमा अनुबन्धन गर्दैछ ।

गत सिजनमा विमलले मछिन्द्रबाट अन्तिम खेलमात्रै खेलेका थिए । भुटानमा कुवेतसँगको खेलअघि ‘डिस्को काण्ड’ मा मुछिएका विमललाई एन्फाले कारबाही गर्दा अन्तिम खेलमा मात्रै विमलले खेल्न पाएका थिए ।

यसअघि राष्ट्रिय टोलीको बन्द प्रशिक्षण क्रममा विमलले घुँडाको एसियल गुमाएका थिए । अखिल नेपाल फुटबल संघ (एन्फा) को प्रस्तावपछि कतार एफएले विमलको शल्यक्रिया कतार अस्पेटार अस्पतालमा गरेको थियो । त्यसयता, नेपाल फर्किएका विमल रिकभरीको हुने तयारीमा छन् ।

गत सिजन अन्तिम खेलमा त्रिभुवन आर्मी क्लबलाई १–० गोल अन्तरले पराजित गर्दै मछिन्द्र पहिलो पटक लिगको उपाधि हात पार्न सफल भएको थियो । अन्तिम खेलमा आर्मीलाई बराबर काफी थियो भने मछिन्द्रलाई जितको विकल्प थिएन ।

यसपटक क्लबले कप्तान विराज महर्जनलाई विदाई गर्दै सुजल श्रेष्ठ, विशाल राई, रन्जित धिमाल, देभेन्द्र तामाङ, रेजिन सुब्बा, अभिषेक रिजाल, मनिष डांगी, गोलरक्षक विशाल श्रेष्ठसँग सम्झौता गरिसकेको छ ।

मछिन्द्रले यसपटक प्रशिक्षकमासमेत ए लाइसेन्स प्राप्त प्रवेश कटुवालसँग सम्झौता नवीकरण गरिसकेको छ । यसअघि मछिन्द्रले एएफसी लाइसेन्स प्रक्रियामा जान पिस पोइन्ट बोर्डिङ स्कुलसँग सम्झौता गरेको थियो ।

प्रतिक्रिया दिनुहोस !

कास्कीमा ९० करोडको लगानीमा एन्फा एकेडेमी बन्दै



अखिल नेपाल फुटवल एसोसियशनले कास्कीमा एन्फा एकेडेमी निर्माण गर्दैछ । माछापुच्छ«े गाउँपालिकास्थित भेडाबारीमा टेक्निकल सेन्टर निर्माण गर्न लागिएको हो । फिफाको आर्थिक सहयोगमा भेडाबारीको साढे ३ सय रोपनी क्षेत्रफलमा सेण्टर निर्माण गर्न लागिएको एन्फाका प्रमुख कार्यकारी निर्देशक गोकुल थापाले जानकारी दिए । थपाका अनुसार टेक्निकल सेण्टर निर्माणका लागि सबै प्रक्रिया पूरा भैसकेको छ । ३४२ रोपनी जग्गा २० वर्षका लागि भोगचलनको सम्झौता भैसकेको उनले बताए ।

‘डीपीआर बनिसक्यो । अहिले वातावरणीय प्रभाव मूल्यांकनको काम अन्तिम चरणमा छ । प्रतिवेदन मन्त्रालयमा पुगिसक्यो,’ उनले भने, ‘मन्त्रालयबाट पास हुनेवित्तिकै काम सुरु हुन्छ ।’ अभ्यासका लागि ४ खेल मैदानसहित होस्टेल, जिम हल, गेस्ट रुम, स्विमिङ पुल, पुस्तकालय लगायत संरचना त्यहाँ बनाईने छ ।

ट्रेनिङ सेन्टरमा राष्ट्रिय फुटबल टिम, रेफ्री, प्रशिक्षक तथा विभिन्न उमेर समूहको अभ्यास र ट्रेनिङहरु सञ्चालन गर्न मिल्ने संरचना तयार हुनेछ । सोही ठाउँमा ८० जना बालबालिकालाई अभ्यासका लागि नियमित राख्ने योजना रहेको थापाले बताए । यहाँबाट अन्तर्राष्ट्रिय प्रतियोगिता समेत सन्चालन गर्न सकिने छ । यहाँ संरचना निर्माणका लागि फिफाले २० लाख डलर पठाएको छ ।

पहिलो चरणका कामका लागि १७ करोड रुपैयाँ खर्च हुने बताइएको छ । चरणबद्ध रुपमा ८० देखि ९० करोडसम्म लगानी हुनेछ । तर, प्रस्तावित ठाउँ जोखिमयुक्त रहेकोले संरक्षणको काम नेपाल सरकारले गर्नुपर्ने प्रश्ताव छ । इदी र मर्दी खोलाको दोभानमा रहेको जग्गामा सेण्टर निर्माण हुने भएकोले खोलाको जोखिम बढी रहेको एन्फा कास्की अध्यक्ष मिलन गुरुङले बताए ।

‘जग्गा राम्रो छ । भुगोल र हावापानी सुन्दर छ,’ उनले भने, ‘तर खोलाको जोखिम कायम छ । त्यसलाई तटबन्ध गरेर संरक्षण गर्नुपर्छ । प्रदेश र संघ सरकारले सहयोग गर्ने बचन दिएको छ ।’

उनका अनुसार संरक्षणका लागि भने फिफाले लगानी गर्दैन । यसअघि नै गाउँपालिका र निर्वाचन क्षेत्र पुर्वाधार विकास कार्यक्रम मार्फत १ करोडको काम भैसकेको छ । अझै ४ करोड भन्दा बढी लाग्ने बताईएको छ । प्रश्तावित परियोजनाको मुख्यमन्त्री कृष्णचन्द्र नेपाली पोखरेलले समेत अवलोकन गरेर फर्किएका छन् । उनले तटबन्धका लागि आवश्यक बजेट प्रदेश सरकारले विनियोजन गर्ने बचन दिए ।

प्रतिक्रिया दिनुहोस !

नेपाल इण्डोसियासँग २-० ले पराजित



एएफसी यू- २३ एसियन कप छनोट प्रतियोगिताअघि तयारी स्वरूप खेलिएको मैत्रीपूर्ण खेलमा नेपाल इन्डोनेसियासँग पराजित भएको छ ।

ताजकिस्तानमा भएको मैत्रीपूर्ण खेलमा नेपालको यू- २३ टोली इण्डोनेसियाको यू- २३ टोलीसँग २-० गोल अन्तरले पराजित भएको हो ।

खेलको पहिलो हाफ गोलरहित बराबरीमा समाप्त हुँदा दोस्रो हाफमा इन्डोनेसियाले २ गोल गरेको थियो ।

इन्डोनेसियाविरुद्ध नेपाली टोलीको कप्तानी अर्पण कार्कीले गरेका थिए ।

नेपालले एएफसी एसियन कप छनोटमा समूह ‘बी’मा रहेका बलिया टोली इरान, लेबनान र ताजकिस्तानको सामना गर्नेछ ।

इन्डोनेसियाविरुद्ध नेपाली टोली सुरुवाती ११

गोलरक्षक- अर्पण कार्की (कप्तान)
डिफेण्डर- सुमन अर्याल, अभिषेक लिम्बू, सुुरज जिउ ठकुरी, गौतम श्रेष्ठ
मिडफिल्डर- रोशन पहाडी, नितिन थापा, आयुष घलान, दर्शन गुरुङ, मनीष डाँगी
स्ट्राइकर- अभिषेक रिजाल

प्रतिक्रिया दिनुहोस !

ताजा

लोकप्रिय

%d bloggers like this: