बजार चलायमान हुँदै, ब्याबसायीहरुमा आशा पलाउदै « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

बजार चलायमान हुँदै, ब्याबसायीहरुमा आशा पलाउदै



काठमाडौं । अरु चाड पर्वमा भन्दा दशैँमा नयाँ कपडा लगाउने चलनले दशैँमा धेरै कपडा खपत हुने गर्छ । नेपालमा खपत हुने लत्ताकपडा प्रायः बाहिरी मुलुकबाट आउने गर्छन् । दशैँ नजिकिँदै गर्दा कोरोना संक्रमण थथावत रहे पनि चहलपहल भने बढ्न थालेको छ । अहिले व्यापारीहरु दशैँको लागि आवश्यक पर्ने सामान ल्याउन लागि परेका छन् । नेपालमा छिमेही चीन र भारतसहित बंगलादेश, इटाली, थाइल्याण्ड, अमेरिका, पाकिस्तान, इन्डोनेसिया, भियतनाम, ओमन, जापान, कोरिया, ताइवानलगायतका देशबाट विभिन्न डिजाइनका लत्ताकपडा आयात हुने गरेको व्यवसायीहरु बताउँछन् ।

उक्त देशबाट लत्ताकपडा आउने गरेको भए तापनि सबैभन्दा बढी मात्रामा चीनबाट आउने गर्छन् । धेरै किसिमको डिजाइन र सामानको गुणस्तर अनुसारको सस्तो मूल्यदेखि महङ्गो मूल्यका सामान चीनमा उत्पादन हुने गर्छ । जस्को कारण मानिसले आप्mनो आर्थिक अवस्था हेरेर उक्त सामानमा आकर्षण बढ्ने गरेको व्यवसायीको भनाइ छ । दशैँ नजिकिँएपछि कपडाको आयात बढ्दै गएको व्यवसायी बताउँछन् ।

नेपाल चेम्बर अफ कमर्शका अध्यक्ष राजेशकाजी श्रेष्ठ दशैँ, तिहार चाड पर्व नजिकिएको अवस्थामा मानिसको आवतजावत खुला भएकाले व्यापार व्यवसाय चलायमान हुने बताउनुहुन्छ । लामो समय रोकिएको कारोबार अब सुधार हुने आफूहरुले आशा लिएको उहाँले बताउनुभयो । दशैँका लागि चाहिने सामान व्यवसायीसँग मौज्दात रहेको र बाहिरबाट आउने क्रम जारी रहेकाले सामानको अभाव नहुने उहाँ बताउनुहुन्छ ।

यो पटक ग्राहकको आर्थिक अवस्था कस्तो रहेको छ त्यस अनुसार व्यापारको अवस्था रहने उहाँले स्पष्ट पार्नुभयो । लामो समयदेखि बन्द भएका उद्योग, व्यवसाय सुचारु हुनुमा नै आफूहरुको लागि खुशीको कुरा भएको उहाँले प्रतिक्रिया दिनुभयो । चीनको नाकामा रोकिएका सामान अब केही दिनमै खुल्ने अपेक्षा लिए बताउँदै उहाँले सरकारसँग नाका सुचारु गर्ने विषयमा कुराकानी भइरहेको बताउनुभयो । नेपाल राष्ट्रिय व्यवसायी महासंघका अध्यक्ष नरेश कटुवाल बन्द भएको व्यापार खुला भएसँगै व्यापार हुन थालेको बताउनुहुन्छ ।

लामो समय बन्दका कारण घाटा व्यहोरेका व्यापारी, नजिकिँदो दशँैमा हुने व्यापारले राहत पुग्ने अपेक्षा लिएको अध्यक्ष कटुवाल बताउनुहुन्छ ।

दशँैमा चाहिने सामान ल्याउन व्यवसायीहरु लागि परेको र चीनबाट आउने सामान भारतीय बाटो भएर आइरहेकाले सामान अभाव नहुने उहाँले दाबी गर्नुभयो ।

नेपाल–चाइना चेम्बर अफ कमर्शका उपाध्यक्ष राष्ट्रभूषण चाकुबजि चीनबाट सामान रोकिएको अब दशैँसम्म नाका खुल्ने आशा भएको बताउनुहुन्छ ।

चीनमा आउजाउ गर्ने सहज वातावरण नभएकाले सामान ल्याउन हाललाई समस्या देखा परेकोे बताउँदै नेपाल सरकारले लकडाउन खुला गरेको अवस्थामा चीनले भने नाकामा कडाई गरेको उहाँले बताउनुभयो ।

उनीहरुले कन्टेनरमा लोड गरेर नाकासम्म सामान ल्याइदिने गरे पनि व्यवसायी आवतजावत र आफँै गएर सामान ल्याउने अवस्था अहिले नरहेको अध्यक्ष चाकुबजि बताउनुहुन्छ । अहिले चीनबाट कोरोनाको कारण गतवर्ष भन्दा कम सामान आयात हुने उहाँले बताउनुभयो ।


प्रतिक्रिया दिनुहोस !


एमालेको दशौँ महाधिवेशनको स्थान फेरियो



काठमाडौं । नेकपा एमालेले आगामी मंसिरमा बुटवलमा गर्ने तय भएको दसौँ राष्ट्रिय महाधिवेशनको स्थान परिवर्तन भएको छ । महाधिवेशन बुटवलको साटो चितवनमा हुने भएको छ । विहीबार बसेको स्थायी कमिटीको बैठकले दसौँ महाधिवेशन बुटवलबाट चितवन सार्ने निर्णय गरेको हो । बिहीबारको स्थायी कमिटी बैठकले असोज १५–१७ गते गोदावरीमा सम्पन्न विधान महाधिवेशनको समीक्षा गरेको बैठक पछि एक नेताले जानकारी दिए ।

साथै, १० बुँदे सहमतिका विषयमा विहिबारको बैठकमा छलफल हुने एक स्थायी कमिटी सदस्यले बताए । बुधबार एक कार्यक्रममा अध्यक्ष केपी शर्मा ओलीले १० बुँदको औचित्य सकिएको बताएपछि तेस्रो धारका नेताहरु असन्तुष्ट देखिएका छन् ।​ यसैबीच दसौँ महाधिवेशन सफल पार्नका लागि रामबहादुर थापा बादलको संयोजकत्वमा २१ सदस्यीय मूल व्यवस्थापन कमिटी पनि गठन गरिएको बैठकपछि पार्टीका प्रवक्ता प्रदीप ज्ञवालीले पत्रकारहरुलाई जानकारी दिए ।

प्रतिक्रिया दिनुहोस !

पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

मुख्यमन्त्रीको विश्वासको मतसम्बन्धी प्रस्तावमा मतदान नगरी प्रदेशसभा बैठक स्थगित



काठमाडौं । मुख्यमन्त्री अष्टलक्ष्मी शाक्यको विश्वासको मतसम्बन्धी प्रस्तावमाथि मतदान नगरी बागमती प्रदेशको प्रदेशसभा बैठक कात्तिक १० गतेसम्म स्थगित भएको छ । बिहीबारको बैठकमा मुख्यमन्त्री शाक्यले राखेको विश्वासको मतसम्बन्धी प्रस्तावमा छलफल सकिएपछि सभामुख सानुकुमार श्रेष्ठले कात्तिक १० गतेसम्मका लागि बैठक स्थगित गरिदिएका हुन् ।

बैठकमा मुख्यमन्त्री शाक्यले आफूलाई विश्वासको मत दिन प्रदेशसभासमक्ष प्रस्ताव गरेकी थिइन् । तर विपक्षी गठबन्धनमा रहेका नेकपा माओवादी केन्द्र संसदीय दलका नेता शालिकराम जम्मकट्टेल, नेपाली कांग्रेस संसदीय दलका नेता ईन्द्रबहादुर बानियाँ, नेकपा एकीकृत समाजवादी संसदीय दलका नेता राजेन्द्र पाण्डे र जनता समाजवादी पार्टीका सांसद प्रेमबहादुर तामाङले मुख्यमन्त्री शाक्यलाई विश्वासको मत दिन नसक्ने बताएका थिए ।

प्रतिक्रिया दिनुहोस !

ताजा

लोकप्रिय

%d bloggers like this: