सरकारको चाडपर्व लक्षित सुपथ मूल्य पसल थप्ने तयारी « Name of Truth News : News Portal in Nepal
   ५ कार्तिक २०७८, शुक्रबार
 |   Fri Oct 22 2021
Logo

सरकारको चाडपर्व लक्षित सुपथ मूल्य पसल थप्ने तयारी



काठमाडौँ । दसैँ, तिहार र छठलगायतका चाड पर्वलाई लक्षित गरेर सरकारले सञ्चालन गर्ने सहुलियत मूल्यका पसल अघिल्लो वर्षभन्दा थपिने भएका छन् । सरकारले अघिल्ला वर्षभन्दा यो वर्ष केही पसल थपेर एकीकृत सहुलियत मूल्य पसल सञ्चालनको तयारी थालेको छ ।

यस वर्ष कोभिड­–१९ का कारण भीडभाड कम गर्ने अभिप्रायले सरकारले गत वर्षभन्दा केही पसल थपेर सहुलियत मूल्य पसल सञ्चालन गर्ने तयारी गरेको जनाइएको छ । चाडपर्वमा उपभोक्तालाई थोरै भए पनि मूल्यमा राहत दिने उद्देश्यले सरकारले हरेक वर्ष यस्ता सहुलियत मूल्य पसल सञ्चालन गर्ने गरेको छ ।

उद्योग, वाणिज्य तथा आपूर्ति मन्त्रालयअन्तर्गतका खाद्य व्यवस्था तथा व्यापार कम्पनी, साल्ट ट्रेडिङ कम्पनी र दुग्ध विकास संस्थानले संयुक्त वा आआफ्नो किसिमले सहुलियत मूल्य पसल सञ्चालन गर्नेगरी तयारी भइरहेको छ । मन्त्रालयका सहप्रवक्ता उर्मिला केसीले यस वर्ष दसैँ, तिहारलगायतका चाडपर्व ढिला भएकाले भर्खर तयारी थालिएको बताउनुभयो । दसैँ आउन १५ दिन अगाडि नै सहुलियत मूल्य पसल सञ्चालन गर्नेगरी मन्त्रालयले गृहकार्य थालेको जानकारी उहाँले दिनुभयो ।

उहाँका अनुसार यसबारे सम्बन्धित सरोकारवालासँग एक÷दुई चरणमा छलफल भइसकेको छ । अब मन्त्रीसँग हुने छलफलले अन्तिम रूप दिनेछ र पसल सञ्चालनका लागि मिति पनि तय गर्नेछ । सहप्रवक्ता केसीले यो वर्ष कोभिड–१९ को स्वास्थ्य जोखिमलाई ध्यान दिएर केही पसल थप्ने गर्नेगरी छलफल गरिएको र थपिने सङ्ख्याको टुङ्गो नलागेको पनि जानकारी दिनुभयो ।

यसपटक खाद्य व्यवस्था तथा व्यापार कम्पनीले उपत्यका र सुर्खेतमा सञ्चालन गर्दै आएको अनलाइनमार्फत सरकारले तोकेको सहुलियत मूल्यमा उपभोक्ताको घरसम्म पु¥याइने व्यवस्था हुने पनि मन्त्रालयले जानकारी गराएको छ । खाद्य कम्पनीले अघिल्ला वर्षमा चामल, तीतेफापर, कर्णालीको सिमीको मात्रै कारोबार गर्ने गरेको भए पनि यो वर्षदेखि चामल, दाल, गेडागुडी, तेल, आँटालगायतका खाद्यान्न खरिद गर्ने सुरु गरेको छ र हाल अनलाइनमार्फत पनि यी खाद्यान्न उपभोक्ताको घरसम्म पु¥याउँदै आएको छ ।

मन्त्रालयका अनुसार साल्ट ट्रेडिङ कर्पोरेसनले चिनी र नुनमा सरकारले तोकेको मूल्यमा छुट दिनेछ भने दुग्ध विकास संस्थानले आफ्ना डिलर वा बिक्री केन्द्रमार्फत घिउ, पनिरलगायतमा छुट दिनेछ । कम्पनी, संस्थान र कर्पाेरसनले खाद्यान्नमा छुट दिएबापत सरकारले अनुदानस्वरूप रकम उपलब्ध गराउने छ ।

तीन हजार खसी, बोका र च्याङ्ग्रा ल्याइने

खाद्य कम्पनीले यसपटक दसैँका लागि तीन हजार खसी, बोका र च्याङ्ग्रा खरिद गर्ने तयारी गरेको छ । कम्पनीले यसबारेमा यसअघि नै योजना सार्वजनिक गरिसकेको छ ।

तर सरकारले दसैँ, तिहारलाई लक्षित गरेर खाद्य कम्पनीलाई १० हजार मेट्रिक टन चिनी खरिदका लागि स्वीकृति दिएकामा दसैँमा नआउने भएको छ । खाद्य कम्पनीले भने कम्पनी सार्वजनिक खरिद ऐनअनुसार प्रक्रिया पु¥याएर खरिद गर्दा समय लाग्ने भएकाले यसपटकको दसैँ, तिहारका लागि खाद्य कम्पनीले चिनी बेच्न नसक्ने जनाएको छ । खाद्य कम्पनीका प्रवक्ता शर्मिला सुवेदीले चिनी खरिदको स्वीकृति नै ढिला भएकाले सार्वजनिक खरिद ऐनको लामो कानुनी प्रक्रिया पूरा गरेर दसैँ, तिहारअघि चिनी ल्याउन सम्भव नभएको बताउनुभयो ।


प्रतिक्रिया दिनुहोस !


पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

ओली प्रतिगमनकारी हुन्, अष्टलक्ष्मी जी किन टाँसिनु भएको ? मार्गप्रशस्त गर्नुस् : पाण्डे



काठमाडौं । नेकपा (एकीकृत समाजवादी) का बागमती प्रदेश संसदीय दलका नेता एवम् गठबन्धनबाट मुख्यमन्त्री उम्मेदवार राजेन्द्र पाण्डेले मुख्यमन्त्री अष्टलक्ष्मी शाक्यलाई मार्गप्रशस्त गर्न आग्रह गरेका छन् । ‘३९ दिन भयो, उहाँ अल्पमतमा परेको । संविधानले ३० दिनभित्र विश्वासको मत लिनुपर्ने व्यवस्था गरेको छ । तर, आजसम्म उहाँ किन टाँसिएर बस्नुभएको हो मलाई अचम्म लागेको छ,’ प्रदेशसभाको बैठकमा मुख्यमन्त्री शाक्यको विश्वासको मतको प्रस्तावमाथिको छलफलका क्रममा पाण्डेले भने, ‘म उहाँलाई मार्गप्रशस्त गर्न आग्रह गर्दछु ।’

उनले चार दलीय गठबन्धन किन बन्यो भन्ने कुरा मुख्यमन्त्री अष्टलक्ष्मी शाक्यलाई राम्रो जानकारी भएको बताए । ‘केपी ओली प्रतिगमनकारी हुन् । उनलाई कमरेड भन्न मन नै छैन । उनी कम्युनिष्ट नै होइनन् । उनले संविधानमाथि हमला गरे । संसद्‌लाई समाप्त गर्ने कोसिस गरे भनेर अष्टलक्ष्मीजीले गर्नुभएको भाषण अहिले पनि ताजै छ,’ पाण्डेले भने, ‘अब फेरि उहाँ ती नै मान्छेहरुसँग उभिएर मुख्यमन्त्रीको जिम्मेवारीमा हुनुहुन्छ । तर हामी प्रतिगमनको विरुद्धमा उभिएको गठबन्धनमा छौँ । त्यसैले उहाँलाई विश्वासको मत दिन सक्दैनौँ । नेता पाण्डेले गठबन्धन संविधान, संघीयता र समावेशिताको रक्षाका लागि बनेको दाबी गरे ।

प्रतिक्रिया दिनुहोस !

बागमतीमा पनि ढल्दै एमालेको सरकार, पाण्डेलाई मुख्यमन्त्री बनाउने सहमति



काठमाडौं । नेकपा (एकीकृत समाजवादी) संसदीय दलका नेता राजेन्द्र पाण्डे बागमती प्रदेशको मुख्यमन्त्री बन्ने पक्का भएको छ । गठबन्धनको बिहीबार हेटौडामा बसेको बैठकले काँग्रेस नेता इन्द्रबहादुर बानियाँको सम्भावनालाई टार्दै नेकपा एसका नेता पाण्डेलाई मुख्यमन्त्री बनाउने सहमति जुटाएको हो । यो सहमति पछि पाण्डे मुख्यमन्त्री बन्ने निश्चित भएको हो । प्रधानमन्त्री शेरबहादुर देउवा निकट बानियाँको पक्षमा वातावरण बनाउन कांँग्रेस सहमहामन्त्री प्रकाशशरण महतलाई बिहीबार बिहान हेटौंडा पुगेका थिए । तर महतले गठबन्धन भित्र मुख्यमन्त्रीमा पाण्डेलाई अगाडि बढाउने सहमति जुटाएर फर्केका छन् । पाण्डेलाई मुख्यमन्त्री बनाउन नेकपा एससहित माओवादी केन्द्र र नेपाली कांँग्रेसले सहमतिमा हस्ताक्षर गरिसकेका छन् । पाण्डे माधव नेपालका विश्वास पात्र हुन् ।

प्रतिक्रिया दिनुहोस !

ताजा

लोकप्रिय

%d bloggers like this: