२१ मंसिर २०७८, मंगलवार
 |   Tue Dec 7 2021
Logo

जाहान्वीको ‘लक्ष्मीपूजा’ दशैंमा रिलिज हुने



निर्माता शोभित बस्नेतले चलचित्र ‘लक्ष्मीपूजा’को निर्माण गरिरहेका छन् । दशैंमा हलमा नै रिलिज गर्ने गरि उनले यो चलचित्रको छायांकन भैरहेको बताए । सलोन सलिना फिल्मस्को ब्यानरमा निर्माण भैरहेको चलचित्रलाई समिर मियाँले निर्देशन गरेका छन् ।

यो चलचित्रमा जयकिशन बस्नेत, जाहान्वी बस्नेत, अस्मिता जुरेली, नीर शाहको मुख्य भूमिका छ । चलचित्रमा नायक सलोन बस्नेत र मोडल रियाशा दाहाल विशेष भूमिकामा देखिदैछन् ।

यो चलचित्रमा नायिका जाहान्वी दोहोरो भूमिकामा देखिदैछिन् । पारिवारिक प्रेमकथामा निर्माण भैरहेको यो चलचित्रलाई दशैं र तिहारको परिवेशमा प्रस्तुत गरिएको छ । चलचित्रमा विपिन आचार्यको संगीत, दयाराम पाण्डेको गीत, केदार भुषालको कथा, रामजी लामिछानेको कोरियोग्राफी, जयकुमार दर्लामीको छायांकन छ ।

निर्माता बस्नेतले भने–‘लक्ष्मीपूजा २ घन्टाको चलचित्र नै हो । यसको छायांकन अहिले थानकोट वरिपरी भैरहेको छ । हामीले छायांकन र सम्पादनको काम एकसाथ गरिरहेका छौ । दशैंसम्म हल खुल्यो भने चलचित्र हलमा रिलिज हुन्छ । होइन भने डीस होममा रिलिज गर्छौ ।’


प्रतिक्रिया दिनुहोस !


यसवर्ष ढोरपाटनमा चुके सिकारी



बागलुङ, २१ मंसिर 

ढोरपाटन सिकार आरक्षमा यस बर्षको पहिलो सिकारयाममा तीन नाउर र एक झारलको सिकार हुन सकेन । दुई नाउरको सिकारमा सिकार चुके भने एक झारल र एक नाउरको सिकार गर्न अनुमति पाएका सिकारी नेपाल नै आएनन् । यही कारण निर्धारित कोटाअनुसार वन्यजन्तुको सिकार हुन नसकेको हो ।

यस वर्षको पहिलो सिकारमा जम्मा नौ नाउर र तीन झारलको सिकार भएको छ । राष्ट्रिय निकुञ्ज तथा वन्यजन्तु संरक्षण विभागले ६ वटा झारल र १० वटा नाउरको कोटा निर्धारण गरेको थियो । एक झारल र एक नाउरको अनुमति प्राप्त गरे पनि अन्तिम समयमा रसिएन नागरिक इभिजिनी सिरोक्यो सिकारको लागि आएनन् । 

उनले हिमालयन वाइल्ड आउट फिटरमार्फत सिकार अनुमति लिएका थिए । व्यक्तिगत कारण देखाउँदै सिकारको लागि नआएको फिटरका सञ्चालक शेरबहादुर वाइवाले जानकारी दिए । उनले सुन दह सिकार ब्लकमा एक नाउर र एक झारल सिकार गर्ने अनुमति लिएका थिए । 

यो सिकार याममा नेपाल ट्राभल्स एक्सपिडिसनमार्फत फ्रान्सेली नागरिक मार्लियर आन्द्रेले सेन ब्लकमा एक नाउर, ओभिन एन्टोनी नोयलले सेन ब्लकमा एक नाउरको सिकार गरे पनि फागुने ब्लकमा एक झारलको सिकार गर्न सकेनन् । 

हिमालयन सफारीमार्फत मेक्सिकन नागरिक फ्रान्सीको जोई भिजेकोनले सेन ब्लकमा एक नाउरको सिकार गरे । मेक्सिनक नागरिक कार्लाेसले सेन ब्लकमा एक नाउर मारे पनि झारल भने मार्न सकेनन् । 

ट्याक एण्ड ट्रभाल्सले दुई जना युक्रेनी नागरिकलाई सिकारमा लगेको थियो । सेरिया  लरेन र नाटालियन लरेनले धुस्तुङ ब्लकमा दुई नाउर र एक झारलको सिकार गरेका थिए । ग्लोबल सफारीमार्फत दोगाडी ब्लकमा पुगेका स्पेनिस नागरिक जोएक्वाईन बेन्जिमेनले एक नाउरको सिकार गरेको ढोरपाटन सिकार केन्द्रका प्रमुख संरक्षण अधिकृत विरेन्द्र कँडेलले जानकारी दिए । स्पेनिस नागरिक मुगलले पनि सोही ब्लवकमा नाउरको सिकार गरेका थिए । 

चेक रिब्लिकन नागरिक रोमनले सुन दह ब्लकमा एक झारल र एक नाउरको सिकार गरेको ग्लोबल सफारीका सञ्चालक शमशेर पराजुलीले बताए । ढोरपाटनमा सिकार गरेपछि अधिकांश शिकारीले मासु खाएर सिंङ, खुर र छाला मात्रै आफ्नो देशमा लैजान्छन् । अन्तराष्ट्रिय तहमा हुने प्रतियोगितामा उनीहरूले सिंगको प्रतिष्पर्धा गरेर ट्रफी जित्ने गरेका छन् ।

प्रतिक्रिया दिनुहोस !

तंग्रिन नपाएका होमस्टे



विनोद ढुंगाना/न्युज कारखाना
तनहुँ, २१ मंसिर

दोस्रो लहरको कोरोना सुरू भएपछि भानु नगरपालिका–१३ मिर्लुङकोटको काखमा रहेको टुटेपानी सामुदायिक होमस्टे आठ महिना पाहुनाका लागि बन्द भयो । दोस्रो लहरको प्रभाव कम हुँदै जनजीवन सामान्य लयमा फर्किएपछि पछिल्लो साता होमस्टेमा बल्ल पाहुना राख्न थालिएको छ । १४ मंसिरदेखि होमस्टे पाहुनाका लागि खुला गरिएको हो । 

होमस्टे खुलेपछि अलिअलि पाहुना आउन थालेकाे होमस्टे व्यवस्थापन समितिका अध्यक्ष होमबहादुर गुरुङले बताए । तर, फेरी अर्काे भेरियन्टकाे हल्लाले त्रसित बनाएकाे उनी बताउँछन् । उनले भने, ‘त्यसले फेरी थला पार्ने हो कि भन्ने लागिरहेकाे छ ?’  आर्थिक अवस्था उकास्न ग्रामीण पर्यटन रोजेका सर्वसाधारणलाई दुई वर्षसम्म कोरोनाले थला पारेको गुरुङले सुनाए । पर्यटक बढेर लय समात्न नपाउँदै फेरी बन्द गर्नुपर्ने अवस्था आउने हाे कि भनेर चिन्ता थपिएको उनले बताए ।

गुरुङ समुदायको बाहुल्यता रहेकाे टुटेपानीमा ०७२ सालदेखि होमस्टे सञ्चालनमा आएको हो । २०७५ सालपछि भने यहाँ आन्तरिक र बाह्य पर्यटक नियमित जस्ताे पुग्न थालेका थिए । हाेमस्टेसँगै बसाइसराई राेकिएर गाउँ पाहुनाले गुज्जार हुँदै थियो । घरभरि पाहुना भरिभराउँ हुँदा गाउँले उत्साहित भएका थिए । गाउँमा पर्यटक बढ्न थालेपछि बजार झरेकाहरू पनि गाउँ फर्किएर होमस्टे सञ्चालन गर्न थालेका थिए । तर, गाउँ फर्किएर होमस्टेमा लागेकालाई झन बढी मार परेको होमस्टे व्यवस्थापन समितिका अध्यक्ष गुरुङले बताए । बामे सर्दै गरेको होमस्टेको पुर्वाधार विकासले पाहुनाविहिन हुँदा गति लिन नसकेको उनको भनाइ छ ।

टुनेपानीका हाेमस्टे व्यवसायीकाे अवस्था भन्दा फरक छैन् व्यास नगरपालिका–१३ मा रहेकाे आपस्वाँरा दलित सामुदायिक होमस्टेको । होमस्टेमा बिस्तारै बढ्दै गरेका पाहुनाको संख्या कोरोनाले ह्वात्तै घटाइ दियो । कोरोना संक्रमण दर उच्च विन्दुमा पुगेपछि पाहुनाविहिन भएपछि होमस्टे सञ्चालकहरू खेती किसानीमा लागेका छन् ।  

विपन्न दलित समुदायको आर्थिक अवस्था उकास्न सुरु भएको होमस्टेमा विदेशी पाहुनाको आगमन निकैआशलाग्दो थियो । २०७६ सालको चैतबाट देशव्यापी निषेधाज्ञा सुरू भएपछि पाहुनाविहिन भएको होमस्टे अझै तङग्रिन सकेको छैन् । अहिले कोरोनाको डर घटेपछि होमस्टे खुला गरिएको त छ तर छिटफुट आन्तरिक पाहुनाबाहेक  विदेशी नआएको होमस्टे सञ्चालक रेशम विकले बताए । ‘हामीकहाँ आउने धेरैजसो पाहुना विदेशी हुन्थे । कोरोना महामारी सुरू भएपछि नेपाल घुम्न आउने विदेशी बन्द जस्तै भए । त्यसैको प्रभाव हामीले चलाएको होमस्टेमा देखिन्छ । कहिलेकाही आन्तरिक पाहुना आउँछन्, उत्साहजनक आगमन छैन्’, उनले भने । होमस्टेमा पाहुना नभएर फुर्सदिला भएका सञ्चालकहरू महामारीको दुई बर्ष पूर्वाधार सुधार र अर्गानिक उत्पादनमा लागेको विकले उल्लेख गरे ।

बन्दीपुरमा चहलपहल

बन्दीपुर बजार आसपासमा सञ्चालित होमस्टे दसैँ पछाडि पाहुनाले भरिएका छन् । दसैँको घटस्थापनापछि सुनसान बन्दीपुर बजारमा पर्यटकको निकै चहलपहल सुरू भएकाे थियो । बन्दीपुरमा पर्यटक बढेसँगै बजारसँगै रहेको बन्दीपुर सामुदायिक होमस्टेमा दैनिक ५० देखि एक सय ५० जनासम्म पाहुना राख्ने गरेको होमस्टे सञ्चालक सीता विकले बताइन् । ‘पाहुना बढेर कोरोना अगाडिकै अवस्थामा फर्किएला झैँ आशा पलाएको छ । दसैँदेखि पाहुनाको स्वागत सत्कारमा सञ्चालक दिदीबहिनीको व्यस्तता बढाएको छ,’ विकले भनिन्, ‘फेरी अर्को भेरियन्टकाे हल्ला छ । होमस्टे सुनसान हुने चिन्ताले सताएकोे छ ।’ यहाँकाे होमस्टे महिलाले मात्रै चलाएका हुन् । पहिलो र दोस्रो लहरको कोरोनाले होमस्टे बन्द भएपछि सञ्चालक महिलाको आयआर्जनको स्रोत बन्द भएको विकले बताइन् । ‘घरव्यवहार चलाउन मुस्किल भयो । पाहुनाविहिन हुँदा धेरै फुर्सदिला भयौँ,’ उनले सुनाइन् । 

कोरोना संक्रमण फैलनु अगाडिसम्म तनहुँमा गाउँ गाउँमा होमस्टे खोल्ने लहर चलेको थियो । गण्डकी प्रदेश सरकारले होमस्टेलाई दिने अनुदान जिल्लाका झण्डै ५० होमस्टेले लिएर पुर्वाधार विकास र प्रबद्र्धन गरेका थिए । अनुदान लिएर सुरू गरेका होमस्टे कोरोनापछि ठप्प छन् । कतिपय होमस्टेमा पाहुना शून्य छन् । चल्तीका होमस्टे टुटेपानी, आपस्वाँरा, पाथर्दी पनि पुरानै अवस्थामा फर्किन सकेको छैनन्  ।

चार बर्ष अगाडि सञ्चालन गरेर छोटो समयमा धेरै पाहुना भित्र्याउन सफल भिमाद नगरपालिका-९ भानुमतिको पाथर्दी सामुदायिक होमस्टेमा पनि पाहुना घटेका छन् । कोरोनाले थलिएको होमस्टे तंग्रिन सकेको छैन् । व्यवासायीक बाेयर जातकाे बाख्रा पालन अध्ययन अवलोकन गर्न र होमस्टे बस्नलाई हुलका हुल आउने पाहुना घटेर एकाधमा झरेको व्यवस्थापन समितिका अध्यक्ष शिवकुमार आले बताउँछन् । ‘कोरोना महामारीको समय पूर्वाधार विकास र सुधारमा सदुपयोग गरेका छौँ,’ उनले भने । पूर्वाधारमा सुधार भएकाले नयाँ भेरियन्टको प्रभाव हेरेर होमस्टे प्रर्वद्धनको कार्यक्रम थाल्ने योजना रहेको उनले जानकारी दिए । 
 

प्रतिक्रिया दिनुहोस !

के गर्भ मै रुन्छन् बच्चा ?



काठमाडौं । गर्भधारण को छ महिनामा बच्चाले हातखुट्टा चलाउने, पल्टिने र बाडुल्की लिने हुनाले बच्चाको क्रियाकलाप आमाले आफूभित्र महसुस गर्छिन् । तर के बच्चा पेट भित्र रुन्छ ? यो प्रश्न भने धेरैको मनमा आएको वा नआएर पनि अनुत्तरित भएको हुनसक्दछ ।

सन् २००५ मा गरिएको भ्रुण परीक्षणले बच्चा पेटभित्र रोएको महसुस आमाले गर्न नसक्ने निष्कर्ष निकालेको छ । डाक्टर र वैज्ञानिकहरुको दाबीलाई मान्ने हो भने बच्चा आमाको गर्भबाट निस्कनुपूर्व नै रुन सुरु गर्छ । अध्ययनको क्रममा गरिएको अल्ट्रासाउण्डमा बच्चा फरक–फरक किसिमको भाव दिँदै गरेको देखिएको थियो ।

३३ हप्ताको गर्भमा गरिएको अल्ट्रासाउण्डको दृश्यमा बच्चा रोइरहेको देखिने विशेषज्ञहरूले बताएका छन् । अनुसन्धानमा सहभागी डाक्टर र वैज्ञानिकहरूले गर्भमा रहेको बच्चालाई कम्पन र ध्वनीको संकेत दिएका थिए । कम्पन र ध्वनी महसुस गरेपछि बच्चाले जिब्रो फराकिलो बनाउँदै तीनपटकसम्म लामो श्वास फेरेको थियो । साथै हातले चिउडो छोएर टाउकोलाई पछाडि लगेको थियो ।

डाक्टर र वैज्ञानिकको समूहले करिव ६० बच्चालाई संकेत दिँदा १० बच्चाले यस्तो क्रिया देखाएको थियो । बच्चा रोएको अवस्थामा यस्तो क्रिया हुने उनीहरूको दाबी छ । इङल्याण्डको डरहम विश्वविद्यालयकी डेभलपमेन्ट साइकोलोजिस्ट नाद्जा रिस्ल्याण्डले हालसालै यहि प्रक्रियालाई दोहो¥याएकी थिइन् । मान्छे धेरै भावुक हुँदा यस्तो क्रिया दोहोरिने उनीहरूको अध्ययनको निष्कर्ष छ ।

बच्चाको अनुहारमा २४ देखि ३५ हप्तामा यस्ता भावहरू देखिन सुरु हुन्छ ।

प्रतिक्रिया दिनुहोस !

%d bloggers like this: