spot_img
Tuesday, July 27, 2021
spot_img

ट्रेन्डिङ :

दक्षिण कोरियाका अधिकारीलाई उत्तर कोरियाले ‘हत्या गरी जलायो’

spot_img

उत्तर कोरियाली सेनाले आफ्ना एक अधिकारीको गोली हानी हत्या गरी जलाएको दक्षिण कारियाको रक्षा मन्त्रालयले जनाएको छ। दक्षिण कोरियाको रक्षा मन्त्रालयले आफ्ना अधिकारीमाथि भएको ‘बर्बर’ घटनाको निन्दा गरेको छ ।

माछा विभागमा काम गर्ने ४७ वर्षका व्यक्तिमाथि उत्तर कोरियाले गोली हानेको दक्षिण कोरियाको भनाई छ।

गस्ती डुंगामा रहेका आफ्ना अधिकारी उत्तर कोरियाको सीमा क्षेत्रबाट बेपत्ता भएका थिए । पछि ती व्यक्ति उत्तर कोरियाको जल क्षेत्रमा फेला परेको दक्षिण कोरियाले जनाएको छ ।

उत्तर कोरियाका सैनिकले ती व्यक्तिलाई गोली प्रहार गरेको र त्यसपछि तेल खन्याएर आगो लगाएको दक्षिण कोरियाको रक्षा मन्त्रालयको भनाई छ । विविध कूटनीतिक सूचनाको विश्लेषणका आधारमा निष्कर्षमा पुगिएको दक्षिण कोरियाले बताएको छ ।

उत्तर कोरियाले यस सम्बन्धमा अहिलेसम्म केही बताएको छैन । उत्तर कोरियाले कोरोना भाइरसको संक्रमण फैलिन नदिनका लागि सीमा नाकामा कडाई गरेको छ र कोही अपरिचित देख्ने बित्तिकै गोली हान्ने आदेश दिएको छ ।

Leave a Reply

- Advertisment -spot_img

ताजा समाचार

कांग्रेसका क्रियाशील सदस्य साढे ८ लाख

फरार प्रतिवादीहरू धमाधम पक्राउ

युवा पलायन रोक्न सुझाव

पहुँचको भरमा ठेक्का लिँदै, अलपत्र पार्दै

spot_img

हेर्न छुटाउनु भयो कि?

%d bloggers like this: